WAHYU 19:9 - KITTA KAREBA MADECENG

⁹ Nainappa makkeda iyaro malaéka'é lao ri iyya, “Okii iyaé: ‘Masennangngi tau iya riundangngé lao ri pésta akawingenna iyaro Ana' Bimbala'é.’ ” Nainappa iyaro malaéka'é tambai towi, “Iyanaé biritta tongeng polé ri Allataala.”

WAHYU 19:9 ပူးပေါင်းရင်းမြစ်များ

YESAYA 8:1

Makkedai Puwangnge lao ri iyya, “Alako séddi pépeng batu loppo, nainappa muwoki sibawa hurupu-hurupu iya manessaé: ‘Arrampasakeng iya Mapecci'é, Arrampokeng iya Masitta'é.’

HABAKUK 2:2

Nabalika Puwangnge makkuwaé, “Sobbi'i sibawa manessa ri reppa tana litaé, aga Upannessaé lao ri iko, kuwammengngi weddingngi ribaca sibawa magampang.

LUKAS 22:16

Saba' ateppe'no: Dé'na uwanréi matu iyaé narapi bettuwanna perjamuwangngéwé ripannessa ri Lino Barunna Allataala.”

1 TIMOTIUS 1:15

Tongeng senna' iyaé ada-adaé – rimakkuwannanaro sitinajai ritarima sibawa riyatepperi maneng –: “Poléi Kristus Yésus ri linoéwé untu' passalama'i tau madosaé.” Na iyya'na tau madosa iya kaminang majaé.

1 TIMOTIUS 4:9

Iyaro gau'é tongengngi sibawa sitinajai ritarima enrengngé riyatepperi maneng.

2 TIMOTIUS 2:11

Tongeng senna' ada-adaéwé, “Rékko maténi' silaong Aléna, tuwo tokki matu silaong Aléna.

TITUS 3:8

Tongeng senna' iyaé adaé. Uwéllauwi muteddeki gau'-gau'éwé, kuwammengngi nasining tau iya mateppe'é ri Allataala tonget-tongengngi makkuraga untu' pogau'i jama-jamang iya makessingngé sibawa makkégunaé untu' sininna tauwé.

WAHYU 1:1

Lise'na iyaé kitta'é passalenna aga iya napowadaé Yésus Kristus passalenna sining kajajiyang iya kajajiyangngé matti. Allataala mappaissengengngi lao ri Kristus kuwammengngi nappaitangngi lao ri ata-atanna Allataala aga iya masitta'é harusu kajajiyang. Nasuroi Kristus malaéka'-Na lao ri Yohanés, atan-Na, untu' mappaissengengngi sining kajajiyangngéro lao ri aléna.

WAHYU 1:19

Rimakkuwannanaro, okii gau'-gau' iya muwitaé, iyanaritu gau'-gau' iya engkaé makkekkuwangngéwé, sibawa gau'-gau' iya kajajiyangngé matu matti.

WAHYU 10:4

Massaddanna iya pitu guttuéro, maéloka mokii, iyakiya méngkalingaka séuwa sadda polé ri surugaé makkeda, “Rahasiyakangngi aga iya napowadaé iya pitu guttuéro; aja' muwokii!”

WAHYU 14:13

Nainappa uwéngkalinga sadda polé ri surugaé makkeda, “Okii iyaé: Mappammulai makkekkuwangngé masennangngi tau iya maté ri wettu natumaninginna mupa Puwangngé!” Nappébali Rohna Allataala, “Tongeng! Mappésauwi matu mennang majjama laddé', nasaba wassélé' attumaningenna tuli sibawangngi matu mennang.”

WAHYU 17:1

Purairo sala séddinna tau polé ri iya pitu malaéka' iya makkatenningngé pitu onrongngéro laowi ri iyya sibawa makkeda, “Laono mai, maéloka paitakko pékkugi iyaro cakkuribang battowaé rihukkung matu, iyanaritu kota battowaéro iya ripatettongngé ri seddéna sining saloé!

WAHYU 17:17

Saba' Allataala pura pakédoi atinna untu' pajoppai rancanana Allataala. Allataala mébbui atinna siyempe untu' mabbéréyangngi akuwasanna lao ri olokolo'éro, kuwammengngi na iyaro olokolo'é mapparéntai narapi kajajiyang aga iya napowadaé Allataala.

WAHYU 2:1

“Lao ri malaéka'na jema'é ri Efésus, okii makkuwaéwé: Iyanaé paseng polé ri Aléna makkatenningngé pitu wéttowing ri lima ataun-Na, enrengngé joppa ri yelle'na iya pitu ajé lampu ulawengngéro.

WAHYU 2:12

“Lao ri malaéka'na jema'é ri Pérgamus, okii makkuwaé: Iyanaé paseng polé ri Aléna iya makkatenningngé peddang iya matareng walié.

WAHYU 2:18

“Lao ri malaéka'na jema'é ri Tiatira, okii makkuwaéwé: Iyanaé paseng polé ri Ana'na Allataala, iya malluwa'-luwa'é matan-Na pada-pada apié, enrengngé ajé-Na mabbara pada-pada tembaga ritunué.

WAHYU 2:8

“Lao ri malaéka'na jema'é ri Smirna, okii makkuwaéwé: Iyanaé paseng polé ri Aléna iya mammulangngé sibawa paccappurengngé – iya matéénna natuwo paimeng.

WAHYU 21:5

Nainappa Aléna iya tudangngé ri yasé'na iyaro kadéra arajangngé makkeda, “Makkekkuwangngé Uwébbuni sininna mabaru!” Makkeda towi lao ri iyya, “Okii iyaé, saba' iyaé sining ada-adaéwé tongengngi sibawa weddingngi riyatepperi.”

WAHYU 22:6

Nainappa makkeda iyaro malaéka'é lao ri iyya, “Iyaé sining ada-adaé tongengngi sibawa weddingngi riyatepperi. Puwang Allataala iya mabbéréyangngéngngi Roh-Na lao ri nabi-nabié, pura suroi malaéka'-Na untu' majjellokengngi lao risining atan-Na aga iya masitta'é harusu kajajiyang.”

WAHYU 3:1

“Lao ri malaéka'na jema'é ri Sardis, okii makkuwaé: Iyanaé paseng polé ri Aléna iya mappunnaiyé pitu roh polé ri Allataala enrengngé iya pitu wéttowingngéro. Uwisseng aga iya mupogau'é. Adanna tuwoko, padahal matéko!

WAHYU 3:14

“Lao ri malaéka'na jema'é ri Laodikia, okii makkuwaé: Iyanaé paseng polé riyasengngé Aming, Sabbi iya matinulué enrengngé tongengngé, assalenna séuwa-séuwaé iya napancajiyé Allataala.

WAHYU 3:20

Itai! Tettok-Ka ri yolona tange'é sibawa maggetto. Rékko engka tau méngkalingai saddak-Ku, enrengngé timpa'i tange'é, maélo-Ka muttama méwai sita; maélo-Ka manré sisama aléna enrengngé aléna manréi sisama Iyya.

WAHYU 3:7

“Lao ri malaéka'na jema'é ri Filadelfia, okii makkuwaé: Iyanaé paseng polé ri Aléna iya mapaccingngé enrengngé tongengngé. Aléna ritu pakkatenning goncing iya nappunnaiyé Daud; rékko natimpa'i, dé' muwi séddi mulléi tongkoi, sibawa rékko tattongkoi, dé' muwi séddi tau mulléi timpa'i.