WAHYU 19:4 - KITTA KAREBA MADECENG

⁴ Na iya duwappulo eppa pamimpingngé sibawa iya eppa mahlu' iya mattulilingiyéngngi kadéra arajangngéro tassulunni sibawa sompai Allataala iya tudangngé ri yasé'na kadéra arajangngé. Makkedai mennang, “Aming! Pojiwi Allataala!”

WAHYU 19:4 ပူးပေါင်းရင်းမြစ်များ

WAHYU 5:14

Nappébalina iya eppa mahlu'éro, “Aming!” Sibawa iyaro sining pamimpingngé tassulung toni sibawa massompa.

MAZMUR 106:48

Pojiwi Puwangnge, Allataalana Israélié, makkekkuwangngé sibawa mannennungeng. Leppessanni sininna tauwé makkeda, “Aming!” Pojiwi Puwangnge!

NEHEMIA 8:6

Makkedani Ezra, “Pojiwi Puwangnge, Allataala iya battowaé!” Nakkani limanna ra'ya'é matanré-tanré sibawa mappébali, “Aming, aming!” Nainappa mennang suju' sompai Allataala.

WAHYU 19:1

Purairo uwéngkalingani séuwa sadda iya pada-padaé sadda merunna tau maégaé polé ri surugaé iya gora-goraé, “Pojiwi Allataala! Allataalata iyanaritu Allataala iya mappassalama'é; Allataala iya marajaé sibawa makuwasaé!

WAHYU 15:7

Nainappa sala séddinna polé ri eppaé mahlu'éro mabbéré lao ri iya pitu malaéka'éro pitu onrong ulaweng iya pennoé sibawa caina Allataala, – Allataala iya tuwoé mannennungeng.

YEREMIA 28:6

“Makessinni! Memmuwaré iyaro botomu kajajiyangngi, sibawa tonget-tongengngi Puwangnge tiwii lisu polé ri Babél barab-barang Bolana Puwangnge silaong sibawa sininna tau iya puraé ripali lao kuwaro.

MAZMUR 89:52

Sining balim-Mu napakatunai arung Mupilé, oh Puwang, méllé-kéllé'i kégi-kégi lao.

MAZMUR 72:19

Ripojiwi asen-Na iya marajaé mannennungeng; tennapodo sininna linoé pennoi sibawa alebbirem-Mu! Jajini makkuwaro. Aming!

MAZMUR 41:13

Mutulukka nasaba alempurekku, sibawa mébbuka tuwo sibawak-Ko untu' mannennungeng.

NEHEMIA 5:13

Nainappa ulukka pabbekkekku nauleppessangngi umakkedato, “Makkuwaiyé sitinajanna Allataala paleppe'i tungke' tau iya dé'é narupaiwi jancinna. Iyaro tauwé mancaji kasiyasiwi matu, bola sibawa sininna waramparanna riyalai matu ri Allataala!” Nappébali sininna jema'é, “Aming!” nainappa napoji Puwangnge. Narupaini jancinna mennang sining pamimpingngéro.

1 TAWARIKH 16:36

Pojini Puwangnge, Allataalana Israélié, makkekkuwangngé sibawa mannennungeng! Nainappa makkeda umma Israélié, “Aming”, nanapojiwi mennang Puwangnge.

1 KORINTUS 14:16

Saba' rékko mattarima kasi'i Saudara lao ri Allataala sibawa rohna bawang, na engka tau laing iya dé'é napahangngi iyaro basa makalallaing polé ri Rohna Allataala, tentu iyaro tauwé dé' naulléi makkeda, “Usitujuiwi” iyaro sempajang sukkuru'mu; nasaba dé' naissengngi aga napowada Saudara.

MATIUS 28:20

Paggurui mennang turusiwi sininna iya puraé Uparéntakko. Na éngngerangngi tuli Usibawakko matu lettu paccappurenna linoé.”

MATIUS 6:13

Aja' taleppessakki ateddéngeng ateppereng wettutta ricobai, iyakiya taleppessakki polé ri akuwasanna iya mappéjariyé. [Ikona Arung makuwasa sibawa malebbi lettu mannennungeng. Amin.]’

MAZMUR 104:35

Leppessanni lennye tau madosaé ri tompo'na linoé, leppessanni tau majaé cappu binasa. Pojiwi Puwangnge, éh nyawaku! Pojiwi Puwangnge!

WAHYU 19:3

Nainappa iyaro saddanna tau maégaé gorasi, “Pojiwi Allataala! Rumpunna api iya mangurengngengngi kota battowaéro maddumpuni matu dé' nappésau!”

WAHYU 19:6

Purairo uwéngkalingani séuwa pada-pada sadda sikonrong tau iya maéga senna'é; oninna pada-pada bombang iya mangappo'é sibawa pada-pada guttu iya maddalenrungngé. Uwéngkalingai mennang makkeda, “Pojiwi Allataala! Saba' Puwang, Allataalata Iya Pommakuwasaéro mapparéntani makkekkuwangngé!