WAHYU 19:3 - KITTA KAREBA MADECENG

³ Nainappa iyaro saddanna tau maégaé gorasi, “Pojiwi Allataala! Rumpunna api iya mangurengngengngi kota battowaéro maddumpuni matu dé' nappésau!”

WAHYU 19:3 ပူးပေါင်းရင်းမြစ်များ

KAJAJIYANG 19:28

Makkitani lao ri Sodom sibawa Gomora enrengngé lao risininna lompo'éro, nanaitani rumpué mallaso polé ri tanaéro, pada-pada rumpu polé ri dapureng battowaé.

MAZMUR 104:35

Leppessanni lennye tau madosaé ri tompo'na linoé, leppessanni tau majaé cappu binasa. Pojiwi Puwangnge, éh nyawaku! Pojiwi Puwangnge!

YESAYA 34:10

Esso wenni iyaro luwa'é dé' napeddé, sibawa maggalimpuwa rumpué polé ri aléna untu' mannennungeng. Iyaro tanaé risalaiwi matu kullang sibawa makabuttu massossoreng, sibawa dé' muwi séddi tau molai matu.

YUDAS 1:7

Engngerang towi kota Sodom sibawa Gomora enrengngé kota-kota ri seddéna, iya pabbanuwanaé pogau'i gau'-gau' iya padaé napogau' sining malaéka'éro. Napogau'i mennang gau'-gau' iya mappangaddié sibawa maja ampé, angkanna risissai mennang sibawa pahukkungeng api mannennungengngé, untu' mancaji papparéngngerang lao ri sininna tauwé.

WAHYU 14:11

Rumpunna api iya sissaéngngi sining tauwéro maddumpui matu matteru lettu mannennungeng. Esso wenni dé' appésaunna mennang risissa, iyanaritu mennang iya sompaéngngi olokolo'éro sibawa dato'-dato'na, sininna tau iya mappunnaiyé tanrang aseng olokolo'éro.”

WAHYU 18:18

Sibawa gora ri wettunna mennang naita rumpué maddumpu polé ri apié iya tunuéngngi kotaéro. Gorani mennang, “Dé' naengka kota laingngé pada-pada kota iya battowaéwé!”

WAHYU 18:9

Sining arung linoé iya maccowéé ri laleng sining pangkaukeng appangaddingngé sibawa napessunna makkuwaéro nateringiwi matu sibawa nawatingiwi kotaéro rékko naitai mennang mallaso rumpué polé ri api iya paangurengngé.

WAHYU 19:1

Purairo uwéngkalingani séuwa sadda iya pada-padaé sadda merunna tau maégaé polé ri surugaé iya gora-goraé, “Pojiwi Allataala! Allataalata iyanaritu Allataala iya mappassalama'é; Allataala iya marajaé sibawa makuwasaé!

WAHYU 19:4

Na iya duwappulo eppa pamimpingngé sibawa iya eppa mahlu' iya mattulilingiyéngngi kadéra arajangngéro tassulunni sibawa sompai Allataala iya tudangngé ri yasé'na kadéra arajangngé. Makkedai mennang, “Aming! Pojiwi Allataala!”