WAHYU 18:9 - KITTA KAREBA MADECENG

⁹ Sining arung linoé iya maccowéé ri laleng sining pangkaukeng appangaddingngé sibawa napessunna makkuwaéro nateringiwi matu sibawa nawatingiwi kotaéro rékko naitai mennang mallaso rumpué polé ri api iya paangurengngé.

WAHYU 18:9 ပူးပေါင်းရင်းမြစ်များ

WAHYU 19:3

Nainappa iyaro saddanna tau maégaé gorasi, “Pojiwi Allataala! Rumpunna api iya mangurengngengngi kota battowaéro maddumpuni matu dé' nappésau!”

WAHYU 18:3

Saba' sininna bangsaé purani naénung anggoro napessu appangaddinna. Sining arunna linoé siappangaddingngi, sibawa sining padangkangngé ri linoé mancaji sugii polé ri napessunna iya dé'é narikuwasairo.”

WAHYU 18:18

Sibawa gora ri wettunna mennang naita rumpué maddumpu polé ri apié iya tunuéngngi kotaéro. Gorani mennang, “Dé' naengka kota laingngé pada-pada kota iya battowaéwé!”

WAHYU 17:2

Sining arung linoé siyappangaddingngi sibawa aléna, sibawa pabbanuwana linoé mabo'i nasaba ménungngi anggoro appangaddinna.”

WAHYU 18:20

Eh suruga, akkérennuno nasaba ancurukenna kotaéro! Eh umma' Allataala, rasul-rasul sibawa nabi-nabi, akkérennuno! Saba' Allataala pura hukkungngi selaku pamale'na aga iya puraé napogau' lao ri iko!

WAHYU 14:11

Rumpunna api iya sissaéngngi sining tauwéro maddumpui matu matteru lettu mannennungeng. Esso wenni dé' appésaunna mennang risissa, iyanaritu mennang iya sompaéngngi olokolo'éro sibawa dato'-dato'na, sininna tau iya mappunnaiyé tanrang aseng olokolo'éro.”

WAHYU 18:7

Wéréngngi anrasa-rasang sibawa saraninnawa iya padaé égana sibawa arajangngé sibawa asugireng iya nabbéréyangngé lao ri aléna muto. Saba' tuli makkedai bawang lao ri aléna, ‘Iyya'naé arung makkunrai iya mapparéntaé! Tenniyaka janda; dé' upéneddingiwi matu atassinnaurengngé!’

YEREMIA 50:46

Narékko sempé'ni Babél, riyéngkalingai matu rukkaé iya masero makkuwaéro angkanna taggottang sininna linoé; naéngkalingai matu bangsa-bangsa laingngé kelli'-kelli'na pabbanuwana.”

KAJAJIYANG 19:28

Makkitani lao ri Sodom sibawa Gomora enrengngé lao risininna lompo'éro, nanaitani rumpué mallaso polé ri tanaéro, pada-pada rumpu polé ri dapureng battowaé.

YEREMIA 50:40

Pada-pada Uwancuru'na Sodom sibawa Gomora silaong désa-désaé ri seddéna, makkuwatoro Iyya mancuru'i matu Babél. Dé'na muwi séddi tau monro matu kuwaro. Iyya, Puwang, pura mabbicara.

YESAYA 13:19

Polé ri sininna akkarungengngé, iyaro Babél kaminang magello sibawa mancajiwi abangkakennai pabbanuwana. Iyakiya Iyya, Puwang, mancuru'i matu, pada-pada puraé Upogau' lao ri Sodom sibawa Gomora.

ULANGENG 29:23

Sining dare'mu mancajiwi matu padang makabuttué tattongko balérang sibawa pejjé. Dé' nawedding ritanengi tanana sibawa wellaé dé' namaélo tuwo kuwaro. Wanuwammu sinrupai matu kota-kota Sodom sibawa Gomora, Adma sibawa Zéboim iya napaccappué Puwangnge wettunna malluwa-luwa cai-Na.

DANIEL 4:14

Makkedai sibawa macenno, ‘Tubbangngi ajuéro sibawa rette'i takké-takkéna, padduttungngi daud-daunna sibawa assiyamporengngi buwana. Rukkai olokolo iya léwué ri yawana sibawa manu'-manu' iya massarangngé ri takké-takkéna.

YESAYA 30:33

Riyilopa napura napassadiya onrong attunung untu' arung Asyur. Iyaro onrongngé maliyung sibawa malowang, mallise aju tunung iya maggoppo-goppoé. Puwangnge palluwa'i matu sibawa masseppungengngi nappase'-Na pada-pada salo belérangngé.

MAZMUR 58:10

Ri wettu dé'napa namaingekiwi, cappuni mennang, pada-pada alekale iya manyilaé mupa sibawa dé'pa nabattowa cappu naluttureng anging, samanna iyaro tanet-taneng marakko.

YEREMIA 51:8

Iyakiya tennasenna-senna sempé'i Babél sibawa reppa. Teringini, sibawa sappano pabbura untu' sining lona, ajakké weddingngi majjappa.

YEHEZKIEL 27:35

Sininna tauwé iya monroé ri wiring tasi'é tasséleng méngkalingai totomu. Muwi sining arunna mennang métau senna'to; paita appakatau-taurengngé ri tappana mennang.

1 TIMOTIUS 5:11

Aja' nariputtama janda-janda iya maloloé mupa ri laleng daftar-éro. Saba' rékko poléi pappénedding pangélorenna iya mawatang senna'é, maéloi mennang kawing sibawa nasalaiwi Kristus.

WAHYU 2:22

Engngerangngi! Maéloka mabbantingengngi angkanna mapeddi ri onrong atinrongngé. Kuwaniro aléna sibawa sining tau iya malawengngé silaong matu manrasa-rasa senna'. Iya manennaro maélo-Ka pogau'i makkekkuwangngé – sangadinna rékko mappésauwi mennang pogau'i gau'-gau' iya majaé silaong aléna.