WAHYU 17:9 - KITTA KAREBA MADECENG

⁹ Ri laleng gau'éwé parellu engka pangissengeng sibawa pappéjeppu. Iyaro pitué ulu iyanaritu pitu bulu-bulu; iyanaritu bulu-bulu onronna iyaro makkunraié tudang. Sibawa iyaro pitué ulu iyatona iyanaritu pitu arung:

WAHYU 17:9 ပူးပေါင်းရင်းမြစ်များ

DANIEL 12:4

Nainappa makkedasi iyaro malaéka'é lao ri iyya, “Daniél, tongkoi iyaro kitta'é makkekkuwangngé, sibawa paddeppériwi ségélé kuwammengngi tette'i tattongko narapi paccappurenna linoé. Maéga tau cobai matu salidikiwi aga iya mattengngangngé kajajiyang. Iyakiya siya-siyai matu usahana mennanro.”

HOSEA 14:9

Nabbéyangngi matu tau Israélié sining dato-dato barahalana; Upiyarai mennang sibawa Utarimai sempajanna. Pada-pada aju iya tuli maworongngé daunna, Ucinaungiwi matu mennang. Iyya ritu assalenna sininna barakka'na. Iyya, Puwang, pura mabbicara.”

MATIUS 13:11

Nappébali Yésus, “Saba' purani riwéréng pangissengeng untu' missengngi rahasiyana passalenna pékkugi Allataala mapparénta, na mennang dé'.

MATIUS 24:15

“Muwitai matu ‘Ja iya paancuru'é’, pada-pada napowadaé Nabi Daniél, tettong ri onrong mapaccingngé. (Papparéngngerang lao ri pabbacaé: Pénessaiwi aga bettuwanna.)

WAHYU 13:1

Nainappa uwita sikaju olokolo' mompo polé ri laleng tasi'é. Mappunnaiwi seppulo tanru' enrengngé pitu ulu. Ri tungke' tanru'na engka séddi passigera', sibawa ri tungke' ulunna tarokii séddi aseng pappakatuna lao ri Allataala.

WAHYU 13:18

Kuwaé parellu engka pangissengeng. Tau iya mapanré naulléi bilangngi bettuwanna iyaro nomoro'na olokolo'é, saba' iyaro nomoro'é iyanaritu asenna séddié tolino. Nomoro'na iyanaritu 666.

WAHYU 17:18

Makkunrai iya muwitaéro iyanaritu kota battowaé, iya paréntaéngngi sining arungngé ri linoé.”

WAHYU 17:3

Nainappa nakuwasaika Rohna Allataala, sibawa iyaro malaéka'é natiwika ri padang kessi'é. Kuwaniro mitaka séddi makkunrai tudang ri yasé'na séddié olokolo' iya makellengngé bulunna, sibawa iya riyarokiriyé penno sibawa aseng-ngaseng pappakatuna lao ri Allataala. Iyaro olokolo'é mappunnaiwi pitu ulu sibawa seppulo tanru'.

WAHYU 17:7

Nainappa makkeda iyaro malaéka'é lao ri iyya, “Aga saba'na mutahhérang-hérang? Madécéngengngi upaissengiko rahasiyana iyaro makkunraié sibawa rahasiyana olokolo' iya natonangiyé, iyanaritu iya mappunnaiyé pitu ulu sibawa seppulo tanru'.