WAHYU 17:6 - KITTA KAREBA MADECENG

⁶ Nainappa uwita iyaro makkunraié mabo'i sibawa darana umma'na Allataala enrengngé darana sininna tau iya riyunoé nasaba matinului lao ri Yésus. Wettukku mitai iyaro makkunraié, mancaji tahhérang-hérakka.

WAHYU 17:6 ပူးပေါင်းရင်းမြစ်များ

DANIEL 7:21

Wettukku pénessaiwi, iyaro tanru'é mammusui méwai umma'na Allataala sibawa caui mennang.

DANIEL 7:25

Mabbicarai matu méwai Allataala Iya Pommatanré sibawa tenre'i umma'na Allataala. Makkuragai matu pinrai hukkung-hukkungngé sibawa pésta-pésta agamana umma'na Allataala, narikuwasai matu mennang tellu sitengnga taung ittana.

HABAKUK 1:13

Iyakiya pékkugi-Ko tahang mitai sining tau maja iya mabecco'éro? Dé'ga na-Mumapaccing senna untu' mitai jaé? Dé'ga namaja péneddim-Mu mitai dé'é naadélé? Jaji, magi Muwammekko bawang wettunna tau malempué riyancuru ri tomadorakaé?

YOHANES 2:10

nainappa makkeda ri aléna, “Biyasana tauwé anggoro makessingngé riyolo' napatala, cau maneppi sining undangengngé ménung, nainappa anggoro biyasaé. Iyakiya idi Saudara nataroi anggoro kaminang makessingngé lettu makkekkuwangngé!”

RIWAYA'NA RASUL-RASUL-E 22:20

Makkuwatoro wettunna sabbim-Mu Stéfanus riyuno, engka tokka kuwaro sibawa usitujui abbunowangngéro. Mala iyya monrowangngi pakéyanna sining tau iya mpunoéngngi.’

WAHYU 12:11

Saudara-saudarata purani nacau iyaro sibawa darana iyaro Ana' Bimbala'é, enrengngé nasibawang biritta tongengngé iya polé ri Allataala iya nabbirittangngé mennang. Macenning atinna makkarobangengngi nyawana narapi maté.

WAHYU 13:15

Iyaro olokolo' maduwaé ripalaloi mabbéré nyawa lao ri dato'-dato'éro, angkanna iyaro dato'-dato'é naulléi mabbicara sibawa mpunoi sininna tau iya dé'é namaélo sompai.

WAHYU 13:7

Ripalalo towi méwai umma'na Allataala enrengngé caui mennang. Enrengngé akuwasang ri yasé'na sininna sukué, wanuwaé, basaé, sibawa bangsaé riyabbéréyang lao ri aléna.

WAHYU 16:6

Purani mennang napatabbollong darana umma'na Allataala sibawa darana nabi-nabié; makkekkuwangngé Muwébbui mennang ménung dara. Mémeng sitinajai iyaro untu' mennang!”

WAHYU 2:13

Uwisseng kégako monro, iyanaritu ri onronna Ibillisi' makkarung. Iko matinuluko ri Iyya. Mala wettunna Antipas, sabbik-Ku iya matinulué riyuno ri yolomu, ri markasna Ibillisi', dé' muwassakka makkedaé mateppe'ko ri Iyya.