WAHYU 17:5 - KITTA KAREBA MADECENG

⁵ Ri linrona tarokii séuwa aseng iya mappunnaiyé bettuwang rahasiya. Iyaro asengngé iyanaritu “Babél Iya Battowaé, indo'na sininna cakkuribangngé sibawa sining tau maja ampé ri linoé.”

WAHYU 17:5 ပူးပေါင်းရင်းမြစ်များ

YESAYA 3:9

Kédona mennang iya matempoé mappaitangngi jana mennang. Mannessa-nessai mennang madosa pada-pada tau Sodongngé riyolo. Cilakani mennang! Napapoléngengngi mennang acilakang aléna.

YEHEZKIEL 16:35

Eh Yérusalém, cakkuribang, éngkalingai aga napowada Puwang Iya Pommatanré, “Purani muludung wajummu, na selaku cakkuribang muwabbéréyangngi tubummu lao risining canrimmu sibawa sining barahalamu iya mappakaciddi-ciddi'éro. Muwunoi ana'-ana'mu namuwakkarobangengngi lao risining barahalaéro.

FILIPI 3:19

Atuwonna sining tau pada-padaéro maccappa'i matu sibawa ancurukeng, saba' déwatana iyanaritu cinna tubunna muto mennang. Gau'-gau' iya mappakasiri-sirié, mala iyanaro mennang nammingkikeng; saba' banna mennang mappikkiri'i gau'-gau' iya naéloriyé linoéwé bawang.

2 TESALONIKA 2:7

Awatangeng iya jamaéngngi iyaro jaé mammulani majjama secara rahasiya, iyakiya tuli ritahat-tahang mupi. Matti rékko iya tahangngéngngiro ripaddésu'ni,

WAHYU 1:20

Iyanaé rahasiyana polé ripitué wéttowing iya muwitaé ri lima atauk-Ku, sibawa polé ripitu ajé lampu ulawengngéro: Iyaro pitué wéttowing iyanaritu sining malaéka'na pitu jema'é, sibawa pitu ajé lampuro iyanaritu pitu jema'éro.”

WAHYU 11:8

Na ujuna tattale'i matu ri watattanana kota battowaé, ri onronna Puwanna risalli. Aseng ébara'na iyaro kotaé iyanaritu Sodom iyaré'ga Maséré'.

WAHYU 14:8

Malaéka' iya maduwaé maccinrolaiwi malaéka' iya mammulangngé nagorato, “Sempé'ni! Kota Babél iya battowaé sempé'ni! Purani naébbu sininna bangsaé mancaji mabo' sibawa uwai anggoro – iyanaritu anggoro polé ri napessu pappangaddinna!”

WAHYU 16:19

Kota iya battowaéro mareppa'ni mancaji tellu bagiyang, naancuru' tona kota-kotana sininna wanuwaé ri linoé. Nainappa naéngngeranni Allataala matu Babél iya battowaéro. Na Allataala mébbui ménung anggoro polé ri onrong anggoro'na Allataala – iyanaritu anggoro cai-Na iya malluwa'-luwa'é.

WAHYU 17:1

Purairo sala séddinna tau polé ri iya pitu malaéka' iya makkatenningngé pitu onrongngéro laowi ri iyya sibawa makkeda, “Laono mai, maéloka paitakko pékkugi iyaro cakkuribang battowaé rihukkung matu, iyanaritu kota battowaéro iya ripatettongngé ri seddéna sining saloé!

WAHYU 17:2

Sining arung linoé siyappangaddingngi sibawa aléna, sibawa pabbanuwana linoé mabo'i nasaba ménungngi anggoro appangaddinna.”

WAHYU 17:7

Nainappa makkeda iyaro malaéka'é lao ri iyya, “Aga saba'na mutahhérang-hérang? Madécéngengngi upaissengiko rahasiyana iyaro makkunraié sibawa rahasiyana olokolo' iya natonangiyé, iyanaritu iya mappunnaiyé pitu ulu sibawa seppulo tanru'.

WAHYU 18:2

Nasibawang sadda iya battowaé, gorai, “Sempé'ni! Sempé'ni Babél battowaé! Makkekkuwangngé mancajini onronna sining sétangngé sibawa sining roh majaé. Ri lalenna tuwoi sininna rupanna manu'-manu' iya najisi'é sibawa iya nacéccé tauwé.

WAHYU 18:21

Purairo, séddi malaéka' iya poré makka séddi batu – silloppo batu allélurengngé iya battowaé – nainappa naggenrungeng ri lalenna tasi'é sibawa makkeda, “Makkuwaniyé carana kota Babél iya tassebbo'éro maélo riyaggenrungeng sibawa masero, angkanna dé'na nariruntu paimeng.

WAHYU 19:2

Adélé'i pangadéléken-Na sibawa mapanréi! Purani napatakkenna pahukkungengngé ri yasé'na cakkuribang iya battowaé, iya solangiyéngngi linoé sibawa appangaddinna. Allataala pura hukkungngi iyaro cakkuribangngé, saba' naunoi ata-atanna Allataala.”

WAHYU 7:3

Makkedai iyaro malaéka'é, “Aja' riyolo musolangiwi pottanangngé, iyaré'ga tasi'é, iyaré'ga aju-kajungngé rekko dé'pa tawéréngngi tanrang ségélé' ri linrona sining atanna Allataalata.”