WAHYU 17:4 - KITTA KAREBA MADECENG

⁴ Iyaro makkunraié mabbaju colli paowi sibawa makelleng; enrengngé ribélo-béloi sibawa paréwa-paréwa ulaweng, paramata-paramata, sibawa mutiyara. Ri limanna makkatenningngi séddi mangko' ulaweng iya pennoé sibawa gau'-gau' majaé sibawa macarépaé, wassélé'na appangaddingenna.

WAHYU 17:4 ပူးပေါင်းရင်းမြစ်များ

1 ARUNG-NGARUNG 14:24

Ri onrong-ngonrongngéro pakangkai mennang accakkuribangeng selaku assompang lao ri déwataé. Mala muwi worowané mancaji towi selaku cakkuribang. Napogau' towi tau Yéhudaé sininna pangkaukeng majaé iya napogau'é bangsa-bangsa iya puraé napaddésu Puwangnge wettunna tau Israélié muttamakiwi wanuwaéro.

2 ARUNG-NGARUNG 21:2

Madosai Manasyé lao ri Puwangnge, nasaba naccowériwi abiyasang-abiyasang majana bangsa-bangsa iya napaddésu'é Puwangnge polé ri Kanaan wettunna tau Israélié muttamakiwi wanuwaéro.

EZRA 9:11

iya muwéréngngékki naolai sininna nabié, ata-atammu. Napaissengiki mennang makkedaé tana iya maéloé riyonroiro dé' namapaccing nasaba sininna pabbanuwana polé ri cappa'na lao ri cappa'na napogau'i macarépaé sibawa majaé.

YESAYA 66:3

Iyakiya iyaro bangsaé napogau'i siyélo-élona mennang; masennangngi mennang massompa sibawa cara iya mappakacciddi-ciddi'é. Untu' mennang dé'gaga assilaingenna: makkarobangeng saping lai sibawa makkarobangeng tolino, makkarobangeng ana' bimbala sibawa rettoi ellonna asué; makkasuwiyangeng gandong sibawa makkarobangeng dara bawi, mattunu kamennyang sibawa massompa dato-dato.

YEREMIA 51:7

Iya labe'é pada-padai Babél kaca ulaweng iya Uwakkatenningngé sibawa iya mébbuéngngi sininna linoé mabo'. Ménungngi anggoro bangsa-bangsaé polé ri kacaéro, angkanna mennang mancaji jangeng.

AWATINGENG 1:9

Paitani sibawa manessa anajisikenna iyakiya dé' nabati-batiwi aga iya kajajiyangngé matu sibawa aléna. Masero senna aruttungenna, iyakiya dé' muwi séddi saléworiwi. Nanaéllauna paressé babuwa polé ri Puwangnge, nasaba pakalani sining balinna.

YEHEZKIEL 20:30

Jaji palettu'i lao ri tau Israélié aga Iyya, Puwang Allataala Iya Pommatanré upowada lao ri mennang, ‘Magi mupogau'i dosa-dosa pada-pada iya napogau'é néné-nénému? Pada-pada mennang, muwaccowéri towi sining barahala iya mappakaciddi-ciddi'éro.

YEHEZKIEL 24:11

Makkekkuwangngé taroi iyaro oring gessa iya kosongngéro ri yasé'na apié namuleppessangngi narapi macella mabbara. Matununnana taisenna, iyaro oringngé mapaccingngi paimeng situru peraturanna agamaé.

YEHEZKIEL 24:13

Eh Yérusalém, sining tindakammu iya majaé purani napanajisi' alému. Purani Ucoba pépaccingiko, iyakiya dé'gaga akkégunana, saba' tette'ko najisi'. Dé' mumapaccing matu paimeng narapi Uleppessang cai-Ku ri yasé'mu.

YEHEZKIEL 28:13

Onrong muwonroiyé ri Edén, tammenna Allataala. Pakéyammu mubélo-béloiwi maddupa-rupang paramata: batu dalima sibawa intang, topas, batu pirus, batu yakut, ratna, cempaka, batu nilang, zamrud sibawa batu alkai cella. Paréwa ulawemmu maégato. Iyaro barab-barangngé riyébburekko ri esso wettummu ripancaji.

YEHEZKIEL 36:25

Purairo Uweppikiko matu sibawa uwai macinnong, kuwammengngi namumapaccing polé ri sininna barahalamu sibawa polé ri sininna séuwa-séuwaé iya puraé carépaiko.

DANIEL 11:38

Sibalé'na, napakalebbii matu déwata iya dé'éppa naengka nasompai néné-nénéna, iyanaritu déwata pallinrunna sining bénténgngé. Makkasuwiyangngi matu ulaweng, péra', paramata sibawa pakkasuwiyang-pakkasuwiyang makessing laingngé lao ri déwata iya dé'eppa naengka nasompai néné-nénéna.

HOSEA 9:10

Makkedai Puwangnge, “Wettuk-Ku bunge' runtu'i Israélié, marennu-Ka pada-pada tau runtu'é buwa anggoro ri padang kessi'é. Wettuk-Ku bunge' mitai toriyolomu, masennak-Ka pada-pada tau mitaéngngi wassélé bunge'na buwa arana. Iyakiya, wettunna mennang lao ri Bulu Péor, mammulani mennang massompa Baal, angkanna mennang mancaji najisi' pada-pada déwata iya napojiyé mennanro.

ULANGENG 29:17

Purani muwita dato'-dato' barahalana mennang iya mappakaciddi-ciddi'é polé ri ajué, batué, péra'é sibawa ulawengngé.

WAHYU 14:8

Malaéka' iya maduwaé maccinrolaiwi malaéka' iya mammulangngé nagorato, “Sempé'ni! Kota Babél iya battowaé sempé'ni! Purani naébbu sininna bangsaé mancaji mabo' sibawa uwai anggoro – iyanaritu anggoro polé ri napessu pappangaddinna!”

WAHYU 18:12

Dé'gaga melli ulaweng, péra', paramata, enrengngé mutiyarana; makkuwatoro kaing lénang, kaing colli pao, sabbé, sibawa kaing cella cowa; sininna rupanna aju iya majarangngé rilolongeng, barab-barang polé ri gadingngé enrengngé polé ri aju iya masulié, polé ri tembagaé, bessié, sibawa puwalangngé;

WAHYU 18:16

nainappa makkeda, “Aduh, tenniya pato acilakanna kota iya tassebbo'éwé! Biyasana pakéi pakéyang lénang, kaing colli pao sibawa kaing cella cowa; biyasana pennoi sibawa paréwa ulaweng, paramata, sibawa mutiyara!

WAHYU 19:2

Adélé'i pangadéléken-Na sibawa mapanréi! Purani napatakkenna pahukkungengngé ri yasé'na cakkuribang iya battowaé, iya solangiyéngngi linoé sibawa appangaddinna. Allataala pura hukkungngi iyaro cakkuribangngé, saba' naunoi ata-atanna Allataala.”

WAHYU 21:21

Iya seppulo duwa pintu gerbanna poléi riseppulo duwa mutiyara, tungke'-tungke' sumpanna riyébbui polé riséddi mutiyara. Watattanana iyaro kotaé riyébbui polé ri ulaweng tuléngngé, macinnong pada-pada kaca iya lala'-lala'é.

WAHYU 9:21

Dé'to mennang nasesse'i sining pangkaukenna iya majaé, iyanaritu abbunowangngé, paddissengengngé sibawa mappangaddié enrengngé ménnauwé.