WAHYU 17:2 - KITTA KAREBA MADECENG

² Sining arung linoé siyappangaddingngi sibawa aléna, sibawa pabbanuwana linoé mabo'i nasaba ménungngi anggoro appangaddinna.”

WAHYU 17:2 ပူးပေါင်းရင်းမြစ်များ

YEREMIA 51:7

Iya labe'é pada-padai Babél kaca ulaweng iya Uwakkatenningngé sibawa iya mébbuéngngi sininna linoé mabo'. Ménungngi anggoro bangsa-bangsaé polé ri kacaéro, angkanna mennang mancaji jangeng.

NAHUM 3:4

Niniwé cakkuribangngéro mattengngang rihukkung. Mappamennye-mennye agellorenna. Maéga bangsa pura napakennai paddisseng, nenniya napalécé sibawa pappalécéna.

YOHANES 2:10

nainappa makkeda ri aléna, “Biyasana tauwé anggoro makessingngé riyolo' napatala, cau maneppi sining undangengngé ménung, nainappa anggoro biyasaé. Iyakiya idi Saudara nataroi anggoro kaminang makessingngé lettu makkekkuwangngé!”

WAHYU 14:8

Malaéka' iya maduwaé maccinrolaiwi malaéka' iya mammulangngé nagorato, “Sempé'ni! Kota Babél iya battowaé sempé'ni! Purani naébbu sininna bangsaé mancaji mabo' sibawa uwai anggoro – iyanaritu anggoro polé ri napessu pappangaddinna!”

WAHYU 17:13

Iya seppulo arungngéwé iya manenna mappunnaiwi akkatta iya padaé; iya manenna mennang nabbéréyangngi awatangenna sibawa akuwasanna lao ri olokolo'éro.

WAHYU 17:17

Saba' Allataala pura pakédoi atinna untu' pajoppai rancanana Allataala. Allataala mébbui atinna siyempe untu' mabbéréyangngi akuwasanna lao ri olokolo'éro, kuwammengngi na iyaro olokolo'é mapparéntai narapi kajajiyang aga iya napowadaé Allataala.

WAHYU 17:5

Ri linrona tarokii séuwa aseng iya mappunnaiyé bettuwang rahasiya. Iyaro asengngé iyanaritu “Babél Iya Battowaé, indo'na sininna cakkuribangngé sibawa sining tau maja ampé ri linoé.”

WAHYU 17:8

Iyaro olokolo'é engka naengka natuwo riyolo, iyakiya makkekkuwangngé dé'na natuwo. Cinampe'pi nassu matu polé ri pepping amaténgngé enrengngé nalao matu mattuju ri abinasangngé. Sining tau iya tuwoé ri linoé riwettu dé'napa naripancaji linoé iya asennaé dé' nariyoki ri laleng Kitta'na Tau Tuwoé, iyaro sining tauwé hérangngi matu rékko naitai iyaro olokolo'é. Saba' iyaro olokolo'é engka naengka natuwo riyolo. Makkekkuwangngé dé'na natuwona, iyakiya maéloi mompo paimeng.

WAHYU 18:23

Dé'na naitai matu tauwé tappa lampué ri lalemmu; sibawa dé'tona matu nariyéngkalinga arowaseng pésta abottingengngé kuwaro. Sining padangkammu iyanaritu sining tau iya kaminang mariyoloé ri linoé, sibawa nasibawang sining pangissengeng mappalennye'-lennye'é nabengnguwangngi sininna bangsaé ri linoé!”

WAHYU 18:3

Saba' sininna bangsaé purani naénung anggoro napessu appangaddinna. Sining arunna linoé siappangaddingngi, sibawa sining padangkangngé ri linoé mancaji sugii polé ri napessunna iya dé'é narikuwasairo.”

WAHYU 18:9

Sining arung linoé iya maccowéé ri laleng sining pangkaukeng appangaddingngé sibawa napessunna makkuwaéro nateringiwi matu sibawa nawatingiwi kotaéro rékko naitai mennang mallaso rumpué polé ri api iya paangurengngé.

WAHYU 2:22

Engngerangngi! Maéloka mabbantingengngi angkanna mapeddi ri onrong atinrongngé. Kuwaniro aléna sibawa sining tau iya malawengngé silaong matu manrasa-rasa senna'. Iya manennaro maélo-Ka pogau'i makkekkuwangngé – sangadinna rékko mappésauwi mennang pogau'i gau'-gau' iya majaé silaong aléna.

WAHYU 3:10

Nasaba purani muwaccowéri parénta-Ku kuwammengngi muwattunru-tunru, maélo tok-Ka linrungiko polé ri wettu asussangngé iya maéloé kennai sininna linoé. Iyaro gau'é kajajiyangngi matu untu' cobaiwi sininna tauwé ri linoé.

WAHYU 9:21

Dé'to mennang nasesse'i sining pangkaukenna iya majaé, iyanaritu abbunowangngé, paddissengengngé sibawa mappangaddié enrengngé ménnauwé.