WAHYU 17:1 - KITTA KAREBA MADECENG

¹ Purairo sala séddinna tau polé ri iya pitu malaéka' iya makkatenningngé pitu onrongngéro laowi ri iyya sibawa makkeda, “Laono mai, maéloka paitakko pékkugi iyaro cakkuribang battowaé rihukkung matu, iyanaritu kota battowaéro iya ripatettongngé ri seddéna sining saloé!

WAHYU 17:1 ပူးပေါင်းရင်းမြစ်များ

YESAYA 1:21

Kota iya matinulué riyolo, makkekkuwangngé pada-padani séddié cakkuribang! Riyolo sininna pabbanuwana adélé sibawa malempu, iyakiya makkekkuwangngé naonroiwi pabbuno-pabbunoé.

YESAYA 57:3

Iyakiya iko, tau madosaé, poléno untu' riadéléki! Dé' mulebbi makessing naiya tukang passéhéré'é, tau iya pojiyéngngi malaweng sibawa cakkuribangngé!

YEREMIA 2:20

Makkedai Puwangnge, “Maittani dé' mumaélo massompa ri alé-Ku; dé' mumaélo turusi-Ka iyaré'ga sompa-Ka. Ri tompo'na tungke bulu-bulu iya maccaloli'é, sibawa ri yawana tungke aju iya maworongngé musompai déwata-déwatana acommokengngé.

YEREMIA 51:13

Sugi senna iyaro wanuwaé sibawa maéga salona, iyakiya wettu atuwonna cappuni; narapini paccappureng atuwonna.

YEHEZKIEL 31:4

Tuwoi nasaba genne uwaina. Salo ri yawanaé tanaé mpéréngngi inanré, boloi sininna ure'na, sibawa rica'i ajukajung laingngé.

LUKAS 24:32

Nakkeda mennang séddié lao ri laingngé, “Dé'ga nasamanna luwang atitta wettunna mabbicara ri idi ri tengnga laleng, wettunna napakatajang lise'na Kitta'é lao ri idi?”

LUKAS 9:30

Tappa engka duwa tau, iyanaritu Musa sibawa Elia mappaitangngi aléna sibawa cahaya polé ri surugaé. Mabbicarani mennang sibawa Yésus passalenna amatén-Na iya dé'énna namaitta napéneddingiwi ri Yérusalém.

WAHYU 1:1

Lise'na iyaé kitta'é passalenna aga iya napowadaé Yésus Kristus passalenna sining kajajiyang iya kajajiyangngé matti. Allataala mappaissengengngi lao ri Kristus kuwammengngi nappaitangngi lao ri ata-atanna Allataala aga iya masitta'é harusu kajajiyang. Nasuroi Kristus malaéka'-Na lao ri Yohanés, atan-Na, untu' mappaissengengngi sining kajajiyangngéro lao ri aléna.

WAHYU 15:1

Nainappa uwita ri langié séuwa iya makalallaingngé sibawa dé'gaga padanna serona. Engka pitu malaéka' sibawa pitu abala iya paccappurengngé. Iyanaé paccappurenna Allataala tuppa'i cai-Na.

WAHYU 16:19

Kota iya battowaéro mareppa'ni mancaji tellu bagiyang, naancuru' tona kota-kotana sininna wanuwaé ri linoé. Nainappa naéngngeranni Allataala matu Babél iya battowaéro. Na Allataala mébbui ménung anggoro polé ri onrong anggoro'na Allataala – iyanaritu anggoro cai-Na iya malluwa'-luwa'é.

WAHYU 18:1

Purairo uwitani séddi malaéka' laing nonno polé ri surugaé. Mappunnaiwi akuwasang iya battowaé, sibawa tappana mébbui sininna linoéwé mancaji macakka.

WAHYU 19:2

Adélé'i pangadéléken-Na sibawa mapanréi! Purani napatakkenna pahukkungengngé ri yasé'na cakkuribang iya battowaé, iya solangiyéngngi linoé sibawa appangaddinna. Allataala pura hukkungngi iyaro cakkuribangngé, saba' naunoi ata-atanna Allataala.”

WAHYU 19:9

Nainappa makkeda iyaro malaéka'é lao ri iyya, “Okii iyaé: ‘Masennangngi tau iya riundangngé lao ri pésta akawingenna iyaro Ana' Bimbala'é.’ ” Nainappa iyaro malaéka'é tambai towi, “Iyanaé biritta tongeng polé ri Allataala.”

WAHYU 21:15

Malaéka' iya mabbicaraé sibawa iyya'ro mappunnaiwi tekkeng pangukkuru' polé ri ulawengngé, untu' mukkuru'i iyaro kotaé, pintu-pintu gerbanna sibawa témbo'na.

WAHYU 21:9

Séddi polé ri iya pitu malaéka' iya puraé makkatenningngi sining onrong iya pennoé sibawa iya pitu abala paccappurengngéro laoni ri iyya sibawa makkeda, “Laono mai! Maéloka jellokekko Bottingngé, iyanaritu bainéna Ana' Bimbala'é.”

WAHYU 4:1

Purairo lolongessika pakkitang. Uwitai séddi tange' tattimpa' ri surugaé. Nainappa riyéngkalingasi sadda iya bunge'na pura mabbicara lao ri iyya pada-pada oni tarompé'é. Makkedai iyaro saddaé, “Enré'no kuwaé. Maélo-Ka mappaitangngi lao ri iko aga iya maéloé kajajiyang matti.”