WAHYU 15:5 - KITTA KAREBA MADECENG

⁵ Purairo uwitani Bolana Puwangngé ri surugaé tattimpa, na Kémana Puwangngé engkai ri lalenna.

WAHYU 15:5 ပူးပေါင်းရင်းမြစ်များ

ASSURENG 25:21

Taroi iya duwa batué ri laleng pettiéro sibawa pasangngi pattongkona ri tompo'na.

ASSURENG 38:21

Iyanaé daftarna rupanna bessié iya ripaké ri laleng Kémana Puwangnge, onronna iya duwa batué sibawa Seppulo Paréntana Allataalaro ritaro. Iyaro daftar-é riyébbui nasaba paréntana Musa sibawa nasusungngi sining tau Léwié iya majjamaé ri yawa pappimpinna Itamar, ana'na Imang Harun.

ABBILANGENG 1:50

Suroi mennang murusu'i Kéma-Ku sibawa sininna paréwanna. Jamanna mennang iyanaritu méssangngi Kéma-Ku sibawa paréwanna enrengngé murusu'i. Harusu'i mennang makkéma mattulilingiwi.

ABBILANGENG 1:53

Iyakiya sining tau Léwié harusu'i makkéma mattulilingiwi Kéma-Ku. Harusu'i mennang jagaiwi kuwammengngi nadé' tau maddeppériwi, angkanna nassabari-Ka macai sibawa hukkungngi umma Israélié.”

MATIUS 27:51

Kaing paddenring iya taggattungngé ri Bolana Puwangngé makenné'ni mancaji duwa polé ri yasé' lettu ri yawa. Mpéwang tanaé sibawa mapuwé' sining bulu batué.

IBRANI 8:5

Jama-jamang iya napogau'é mennang selaku imanro sitongenna banna séddi gambara sibawa wajo-wajo polé ri aga iya engkaé ri surugaé. Iyaro purani nappaddissengeng Allataala lao ri Musa riyolo, wettunna Musa maélo patettongngi Kémana Puwangngé. Makkeda makkuwaiyé Allataala lao ri Musa, “Engngerangngi! Iya manennaro harusu'i uwébbu situru conto iya napaitangngékko ri yasé'na bulué.”

WAHYU 11:19

Natattimpa'na Bolana Allataala ri surugaé, enrengngé paitani Petti Assijancingengngé ri lalenna. Nasiyanré-anré billa'é enrengngé sadda guttué maddalenrung sibawa mango, kuwaéttopa mpéwang tanaé sibawa bosi ése' iya maseroé.

WAHYU 13:6

Nainappa mappammula pakatunai Allataala, enrengngé asenna Allataala. Makkuwatoro onrong appérumanna Allataala, enrengngé iya maneng monroé ri surugaé napakatuna towi.