WAHYU 14:2 - KITTA KAREBA MADECENG

² Nainappaka méngkalinga séuwa sadda polé ri langié memmu pada-pada uwai jompi iya battowaé sibawa dalenrung guttué iya maseroé. Iyaro saddaé riyéngkalingai pada-pada oni paréwa oni-oni polé ri pakkacapié iya mattengngangngé paoniwi kacapinna.

WAHYU 14:2 ပူးပေါင်းရင်းမြစ်များ

2 SAMUEL 6:5

Daud sibawa sininna bangsa Israélié joppa ri yolona Pettiéro naséré-séréto siullé-ulléna sibawa makkélok-kélong untu' pakalebbii Puwangnge. Macculé kacapiwi mennang, gambusu, rabana, kelentingan sibawa simbal.

2 TAWARIKH 20:28

Wettunna lettu ri kotaé, mabbarisi'ni mennang lao ri Bolana Puwangnge naccowéri kacapi sibawa tarompé.

MAZMUR 147:7

Puwélongenni pappoji-pojiyang Puwangnge, acculéngenni kacapi Allataalata.

MAZMUR 149:3

Pojiwi asen-Na sibawa séré-séré, pojiwi Aléna sibawa kacapi nenniya rebana!

MAZMUR 33:2

Sukkuru'no lao ri Puwangnge sibawa kacapi, akkélongenni Aléna sibawa naccowéri musi'.

MAZMUR 43:4

Nauwattuju matu ri mézbana Allataala, mangolo ri Allataala assalenna asennangekku. Makkélokka matu sibawa makkacapi, untu' poji-Ko, oh Allataala, Allataalaku.

MAZMUR 57:8

Mateppe'ka mattinetto, oh Allataala, mateppe'ka mattinetto, maéloka makkélong sibawa pojiko.

MAZMUR 92:3

mabbirittangngi pammasé-Mu ri éléé, sibawa atinulure-Mu ri wennié,

MAZMUR 93:4

Iyakiya Puwang iya makuwasaé ri surugaé, lebbi maseroi naiya bombanna dolangengngé, lebbi mawatangngi naiya ajjallo'na bombangngé.

MAZMUR 98:5

Puwélonno pappojiyang untu' Puwangnge, sibawa maggetti kacapi.

ASSURENG 19:16

Ri éléna ri esso matellué engka guttu sibawa letté. Momponi ellung iya makkompe'é ri tompo'na bulué sibawa riyéngkalingani oni tarompé iya maladde senna'é. Sininna tauwé ri akkémangngé ténréni nataro tau.

ASSURENG 20:18

Wettunna naéngkalinga sining tauwé guttué sibawa oni tarompé'é, enrengngé mitai billa'é sibawa bulu iya maddumpué, ténréni mennang métau sibawa tettong mabéla-béla.

YESAYA 17:13

Mallurui mennang pada-pada lémpe iya maseroé. Iyakiya Allataala mancangngi mennang, nainappa lari mennang gangka mabéla. Rilellungngi mennang pada-pada awangngé naluttureng anging ri émpeng bulué, iyaré'ga awué nairi anginraja.

YEHEZKIEL 43:2

nakkuwanrio uwita polé ri alau cahaya pawiloé iya tanrangiyéngngi ahadérékenna Allataalana Israélié. Paéngkalingani saddanna Allataala pada-pada dolangeng memmu'é, namillak-killang linoé nasaba cahaya ahadérékenna Allataala.

ZAKHARIA 9:14

Nappaitangngi matu aléna Puwangnge lao ri umma'-Na, pada-pada billa'é Nattémbakengngi ana'-ana' pana-Na. Naseppungngi matu Puwangnge tarompé'é tanrang maggasa nainappa joppa malluru ri laleng anginraja polé yattangngé.

1 KORINTUS 13:1

Namuni uwulléi mabbicara maddupa-rupang basa tolino, mala muwi sibawa basa malaéka', iyakiya dé' uwamaséiwi tau laingngé, tentu iyaro ada-adakku banna oni iya macennoé dé'gaga bettuwanna.

WAHYU 1:10

Ri essona Puwangngé, rikuwasaika ri Rohna Allataala, nauwéngkalingai séuwa sadda iya maloppoé – siccenno oni tarompé'é – mabbicara ri monrikku.

WAHYU 1:15

ajé-Na mabbara pada-pada tembaga iya ritunué. Saddan-Na pada-padai oninna uwai jompi iya marajaé.

WAHYU 11:12

Nainappa iya duwa tau nabiéro maréngkalinga sadda battowa iya mobbiéngngi mennang polé ri surugaé, “Laono mai ménré' kuwaé!” Nainappa ri yolona matanna sining balinna, ménré' toni mennang ri surugaé, risalipuri ri ellungngé.

WAHYU 11:15

Nainappa malaéka' mapitué naseppung tarompé'na, nariyéngkalingana ri surugaé sadda battowa senna'é iya makkedaé, “Akuwasang untu' paréntai linoé engkani makkekkuwangngé ri laleng limanna Puwatta enrengngé Arung Pappassalama' iya najjanciyangngé. Mapparéntai matu lettu mannennungeng!”

WAHYU 15:2

Purairo uwitani séuwa iya paitaé pada-pada tasi' kacaé sicampuru' api. Uwita towi sining tau iya cauéngngi olokolo'é sibawa dato'-dato'na, sibawa pacau lao ri tau iya asennaé ritanrangi sibawa nomoro'. Sining tau iya pacauénnaro tettongngi ri wirinna tasi' kacaé nanakkatenning towi kacapi iya nabbéréyangngé Allataala lao ri mennang.

WAHYU 18:22

Oninna oni-onié polé ri pakkacapié, polé risining pakkélongngé, polé ri passulingngé sibawa polé ripasseppung tarompé'é, dé'na nariyéngkalinga matu ri lalemmu! Dé' tona matu séddi tau pajjama-jama mapanré kuwaro, sibawa oni batu allélurengngé dé'na nariyéngkalinga matu.

WAHYU 5:8

Ri wettu kédo makkuwannaro iyaro Ana' Bimbala'é, tassulunni iya eppa mahlu'é enrengngé iya duwappulo eppa pamimpingngéro ri yolona. Tungke'-tungke' mennang makkatenning kacapi enrengngé mangko' ulaweng iya mallise'é kamennyang, iyanaritu sining paddowangenna umma'na Allataala.

WAHYU 6:1

Purairo uwitasi iyaro Ana' Bimbala'é reppa'i ségélé' mammulangngé ri yelle'na iya pitu ségélé'éro. Nainappa uwéngkalinga séddi polé ri yelle'na iya eppa mahluéro makkeda, “Laono mai!” Iyaro oni saddanna pada-padai oni letté.

WAHYU 8:7

Malaéka' mammulangngé seppungngi tarompé'na, nateppana bosi ése'é sibawa apié iya sikoré dara ri yasé'na linoé sibawa maraja. Cappu tawa tellunna linoé ritunu; makkuwatoro tawa tellunna polé ri aju-kajungngé, enrengngé tungke' wella iya manyilaé.