WAHYU 13:8 - KITTA KAREBA MADECENG

⁸ Iyaro olokolo'é risompai matu ri sininna tau iya tuwoé ri yasé'na linoé, sangadinna sining tau iya asennaé purani riyoki riwettu dé'napa naripancaji linoé, ri laleng kitta'na tau tuwoé appunnangenna Ana' Bimbala' iya puraé rigéré.

WAHYU 13:8 ပူးပေါင်းရင်းမြစ်များ

EFESUS 1:4

Riwettu dé'napa naripancaji linoéwé, purani napilé Allataala naolai Yésus Kristus sibawa akkatta kuwammengngi mancajiki appunnangen-Na bawang sibawa dé'gaga cellana ri yolo-Na. Nasaba pammaséna Allataala,

MATIUS 25:34

Nainappa makkeda matu iyaro Arungngé lao risining tauwé ri seddé ataun-Na, ‘Laono mai iko iya nabarakkakiyé Ambo'-Ku. Uttama'no ri laleng akkarungeng iya napassadiyangengngékko mappammulai pammulanna linoé.

WAHYU 17:8

Iyaro olokolo'é engka naengka natuwo riyolo, iyakiya makkekkuwangngé dé'na natuwo. Cinampe'pi nassu matu polé ri pepping amaténgngé enrengngé nalao matu mattuju ri abinasangngé. Sining tau iya tuwoé ri linoé riwettu dé'napa naripancaji linoé iya asennaé dé' nariyoki ri laleng Kitta'na Tau Tuwoé, iyaro sining tauwé hérangngi matu rékko naitai iyaro olokolo'é. Saba' iyaro olokolo'é engka naengka natuwo riyolo. Makkekkuwangngé dé'na natuwona, iyakiya maéloi mompo paimeng.

WAHYU 3:5

Mennang iya pacaué ripappakéiwi matu pakéyang maputé. Asenna mennang dé' Uleddai matu polé ri Kitta'na Tau Tuwoé. Na riyolona Ambo'-Ku enrengngé malaéka'-malaéka'-Na mangaku-Ka matu makkedaé mennang iyanaritu appunnangek-Ku.

TITUS 1:2

Iyaro pappagguruwangngé nallalengi mamménasa makkedaé tarimaki matu atuwong tongengngé sibawa mannennungengngé. Allataala pura majjanciyangngi iyaro atuwongngé riwettu dé'napa nappammula wettué – na Allataala dé' nakkullé mabbellé.

WAHYU 21:27

Iyakiya sining tau iya pogau'éngngi gau'-gau' iya mappakaciddi-ciddi'é iyaré'ga tau iya mabbellé – rippe'na agi-agi iya najisi'é, dé' sises-siseng nauttama ri lalenna. Iya muttama'é matu banna sining tau iya asennaé taroki ri laleng Kitta'na Tau Tuwoé, kitta'na Ana' Bimbala'éro.

WAHYU 5:12

Namakkélong mennang sibawa sadda battowa, “Iyaro Ana' Bimbala' iya puraénna rigéré, sitinajai tarima akuwasang asugireng, apanréng sibawa awatangeng; sitinajai ripakalebbi, ripakaraja enrengngé ripoji-poji!”

YOHANES 1:29

Pappa bajanana, naitani Yohanés, Yésus lao ri aléna. Nakkeda Yohanés, “Itai, iyanaro Ana' Bimbala'na Allataala iya leddaéngngi dosana linoé.

DANIEL 12:1

Makkedasi malaéka' iya paké pakéyang lénanro, “Iyaro wettué mompoi matu malaéka' battowaé Mikhaél pallinrunna bangsamu. Nainappa engka matu wettu asukkarakeng iya dé'é gaga pada-padanna sipongenna engka bangsa-bangsaé. Iyakiya sininna tau polé ri bangsamu iya tarokié asenna ri laleng kitta'na Allataala, ripassalama'i matu.

LUKAS 10:20

Namuni makkuwaro aja' mumarennu nasaba sining roh majaé tunru' ri iko. Lebbi kessing muwi akkérennuko nasaba riyokii asemmu ri surugaé.”

FILIPI 4:3

Lao ri sellaoku iya matinulué, uwéllau towi kuwammengngi Saudara bantuwi iya duwa makkunraiéro. Purani majjama senna' mennang sibawakka untu' mabbirittangngi Karéba Madécéng polé ri Allataala; pada-pada Klémén sibawa sininna tau laingngé iya majjamaé sibawakka. Aseng-ngasenna mennang engkai ri laleng Kitta'na Tau Tuwoé.

ASSURENG 32:32

Tennapodo taddampengengngi dosana; rékko dé', leddani asekku polé ri kitta'na sining tau tuwoé.”

YESAYA 4:3

Tungke tau iya risalaiyé ri Yérusalém, sining tau iya napilé Allataala untu' ripassalama, riteppui matu mapaccing.

WAHYU 3:20

Itai! Tettok-Ka ri yolona tange'é sibawa maggetto. Rékko engka tau méngkalingai saddak-Ku, enrengngé timpa'i tange'é, maélo-Ka muttama méwai sita; maélo-Ka manré sisama aléna enrengngé aléna manréi sisama Iyya.

WAHYU 3:10

Nasaba purani muwaccowéri parénta-Ku kuwammengngi muwattunru-tunru, maélo tok-Ka linrungiko polé ri wettu asussangngé iya maéloé kennai sininna linoé. Iyaro gau'é kajajiyangngi matu untu' cobaiwi sininna tauwé ri linoé.

WAHYU 12:15

Na iyaro nagaé napporokenni polé ri bawana maéga senna' uwai lao ri makkunraiéro, untu' malirengngi.

KAJAJIYANG 22:7

makkedani Ishak, “Ambo'!” Nappébali Abraham, “Engka aga ana'ku?” Nakkutana Ishak, “Tiwini api sibawa aju, kégani ana' bimbala untu' akkarobangeng ritunuéro?”

MAZMUR 69:28

Leppessanni asalanna tattamba maéga; aja' naripattongeng mennang.

WAHYU 5:13

Nainappa uwéngkalinga sininna mahlu'é ri langié, ri linoé, ri yawana linoé enrengngé ri laleng tasi'é – rippe'na sininna mahlu'é ri lalenna alangngéwé – makkélong, “Aléna iya tudangngé ri yasé'na kadéra arajangngé, sibawa Ana' Bimbala'éro, iyanaritu iya ripoji-pojiyé enrengngé ripakalebbié kuwaéttopa maraja nenniya makuwasa untu' mannennungeng!”

WAHYU 6:1

Purairo uwitasi iyaro Ana' Bimbala'é reppa'i ségélé' mammulangngé ri yelle'na iya pitu ségélé'éro. Nainappa uwéngkalinga séddi polé ri yelle'na iya eppa mahluéro makkeda, “Laono mai!” Iyaro oni saddanna pada-padai oni letté.

WAHYU 13:12

Pakéi akuwasang iya battowaé iya nalolongengngé polé ri olokolo'éttoro, ri yolona olokolo' mammulangngé. Sininna linoé sibawa sininna iya monroé ri yasé'na, napassai sompai olokolo' mammulangngéro, iya majjappaénna lona iya maseroé.