WAHYU 13:7 - KITTA KAREBA MADECENG

⁷ Ripalalo towi méwai umma'na Allataala enrengngé caui mennang. Enrengngé akuwasang ri yasé'na sininna sukué, wanuwaé, basaé, sibawa bangsaé riyabbéréyang lao ri aléna.

WAHYU 13:7 ပူးပေါင်းရင်းမြစ်များ

ASSURENG 9:16

Iyakiya Uleppessakko tuwo kuwammengngi weddik-Ka mappaitangngi akuwasak-Ku lao ri iko, angkanna tarompo asek-Ku ri sininna linoé.

YESAYA 10:15

Iyakiya makkedai Puwangnge, “Naulléga wasé mabbangkakengngi aléna lao ri tau iya pakééngngi? Aga lebbi pentingngiga garagajié naiya tau iya makkégunangngéngngi? Tenniya tarasulué makkai tauwé, sangadinna tauwé ritu makkai tarasulué.”

YESAYA 37:26

Dé'paga naengka muwéngkalingai makkedaé iya manennaro purani Urancana sipongenna riyolo? Na makkekkuwangngé Upogau'ni. Iyya ritu mpérékko akuwasang untu' mancuru'i kota-kota mabbénténgngé mancaji ruttungeng.

YEREMIA 25:9

‘Maélo-Ka mobbii sininna bangsaé polé ri manorang, sibawato atak-Ku, Nébukadnézar arung Babél. Upangarai matu mennang untu' mammusu méwai Yéhuda sibawa pabbanuwana enrengngé sininna bangsaé ri seddéna. Bangsa Yéhudaé sibawa bangsa-bangsaé ri seddéna Upabbinasai matu sibawa Uleppessang ancuru untu' mannennungeng. Sining tau iya mitaéngngi tassélengngi matu sibawa métau. Iyya, Puwang, pura mabbicara.

DANIEL 12:1

Makkedasi malaéka' iya paké pakéyang lénanro, “Iyaro wettué mompoi matu malaéka' battowaé Mikhaél pallinrunna bangsamu. Nainappa engka matu wettu asukkarakeng iya dé'é gaga pada-padanna sipongenna engka bangsa-bangsaé. Iyakiya sininna tau polé ri bangsamu iya tarokié asenna ri laleng kitta'na Allataala, ripassalama'i matu.

DANIEL 7:21

Wettukku pénessaiwi, iyaro tanru'é mammusui méwai umma'na Allataala sibawa caui mennang.

DANIEL 7:25

Mabbicarai matu méwai Allataala Iya Pommatanré sibawa tenre'i umma'na Allataala. Makkuragai matu pinrai hukkung-hukkungngé sibawa pésta-pésta agamana umma'na Allataala, narikuwasai matu mennang tellu sitengnga taung ittana.

LUKAS 4:6

Nakkeda Ibillisi' lao ri Yésus, “Iya manennaé akuwasangngé sibawa asugirengngé uwabbéréyangngi matu lao ri Iko, saba' iya manennaro purani riwérékka, naweddikka mabbéréyangngi lao ri nigi-nigi iya upojiyé mpéréngngi.

YOHANES 19:11

Nappébali Yésus, “Rékko Allataala dé' nabbéréyangngi iyaro akuwasangngé lao ri puwang, dé' sises-siseng puwang tappunnai akuwasang lao ri Iyya. Rimakkuwannanaro tau iya mabbéréyangngék-Ka lao ri puwang, lebbi battowai dosana naiya puwang.”

WAHYU 10:11

Nainappa riparéntakka, “Pallebbangngi siseppa birittanna Allataala passalenna bangsa-bangsaé, sining wanuwaé, sining basaé, enrengngé sining arungngé.”

WAHYU 11:18

Sining tau iya dé'é naissengngi Puwangngé, majjallo saba' wettunna Mupatabbollong cai-Mu, enrengngé wettunna tona Muwadéléki sining tau maté. Iyanaé wettunna untu' mpéréngngi saro ata-atam-Mu, sining nabié, sibawa lao ri sininna umma'-Mu, iyanaritu sininna tauwé iya massompaé ri Iko, battowa iyaré'ga baiccu. Iyanaé wettunna untu' mancuru'i sining tau iya mancuru'éngngi linoé!”

WAHYU 11:7

Puranana mennang nappallebbangeng birittanna, olokolo' iya massué polé ri pepping amaténgngé méwai matu mennang. Nacaui matu mennang sibawa naunoi mennang.

WAHYU 12:17

Namacai senna'na iyaro nagaé lao ri makkunraiéro, angkanna lao gasai wijanna lainna iyaro makkunraié, iyanaritu sininna tau iya turusiyéngngi sining paréntana Allataala, enrengngé iya mabbéré asabbiyang passalenna Yésus sibawa akuwasan-Na.

WAHYU 17:15

Makkeda towi iyaro malaéka'é, “Uwai iya muwitaéro, onronna cakkuribangngé tudang, iyanaritu bangsa-bangsaé, sining ra'ya'é, sining wanuwaé sibawa sining basaé.

WAHYU 5:9

Napuwélonni mennang séddi élong iya barué: “Sipato'-Ko malai iyaro kitta'é enrengngé reppa'i sining ségélé'na. Saba' pura-No riyuno, nanallalengiwi amatén-Na, rupa tauwé polé ri sininna sukué, basaé, wanuwaé enrengngé bangsaé purani muwelli untu' Allataala.