WAHYU 13:4 - KITTA KAREBA MADECENG

⁴ Sibawa nasappai mennang iyaro nagaé saba' purani nawéréng akuwasanna lao ri olokolo'éro. Nanasompai mennang iyaro olokolo'étto. Makkedai mennang, “Dé'gaga iya pada-padaé sibawa olokolo'éwé! Dé'gaga iya mullé mammusu méwai!”

WAHYU 13:4 ပူးပေါင်းရင်းမြစ်များ

ASSURENG 15:11

Allataala nigana mulléi tandingiko, oh Puwang Iya Pommalebbié sibawa mapaccingngé? Nigana mulléi mébbu anu makalallaing sibawa pangkaukeng battowaé pada-pada Puwangnge?

YESAYA 46:5

Nasibawang niga maéloko pasibandik-Ka? Engkaga wedding ripappadaiyak-Ka?

2 KORINTUS 4:4

Déwata maja iya makuwasaéngngi linoéwé tongkoi pikkiranna sining tau iya dé'é namateppe'ro. Iyanaritu lawa-lawaiwi mennang kuwammengngi mennang dé' naitai tajang polé ri Karéba Madécéngngéro passalenna arajanna Kristus, iya maddapangengngéngngi gambara'na Allataala.

ULANGENG 9:2

Sining taunna battowai namawatang pakkalénna; rassasai ritu mennang, napurani muwéngkalinga makkedaé dé' muwi séddi tau mulléi méwai mennang.

2 TESALONIKA 2:4

Namatempo maélo méwai sibawa pakatanréi aléna ri yasé'na sininna iya nasompaé tolinoé, iyaré'ga sininna iya nangga'é déwata tolinoé. Mala muttama'i matu sibawa tudang ri laleng Bolana Allataala sibawa mappallebbangengngi makkedaé aléna iyanaritu Allataala.

WAHYU 12:3

Nainappa paita toni ri langié séuwa iya makalallaingngé. Engka sikaju naga cella iya battowa senna'é iya mappunnaiyé pitu ulu sibawa seppulo tanru'. Tungke' ulunna pakéi séddi passigera'.

WAHYU 12:4

Nasibawang ikko'na nassarénréngengngi tawa tellunna polé risining wéttowingngé ri langié nanaggenrungengngi lao ri linoé. Iyaro nagaé tettongngi siyolong makkunrai iya maéloé mémmana'ro sibawa akkattana memme'i ana'na, ri wettu jajinna muwa.

WAHYU 13:11

Nainappa uwita sikaju olokolo' laing mompo polé ri laleng linoé. Mappunnaiwi duwa tanru' pada-pada tanru' ana' bimbala'é. Saddanna pada-padai sadda nagaé.

WAHYU 13:15

Iyaro olokolo' maduwaé ripalaloi mabbéré nyawa lao ri dato'-dato'éro, angkanna iyaro dato'-dato'é naulléi mabbicara sibawa mpunoi sininna tau iya dé'é namaélo sompai.

WAHYU 13:2

Olokolo' iya uwitaéro tappana pada-padai macang tutul-é, sibawa ajéna pada-pada ajé beruwangngé, enrengngé pannyoro'na pada-pada pannyoro' singaé. Nainappa iyaro olokolo'é riwéréngngi ri nagaéro awatangeng ri aléna, sibawa kadéra arajanna enrengngé akuwasanna iya battowaé.

WAHYU 17:14

Mammusui matu mennang méwai iyaro Ana' Bimbala'é. Iyakiya iyaro Ana' Bimbala'é silaong sining ana' gurun-Na iya matinulué iya puraé Naobbi sibawa Napiléro nacaui matu iyaro sining arungngé, nasaba Aléna ritu Puwanna sininna puwangngé, enrengngé Arunna sininna arungngé.”

WAHYU 18:18

Sibawa gora ri wettunna mennang naita rumpué maddumpu polé ri apié iya tunuéngngi kotaéro. Gorani mennang, “Dé' naengka kota laingngé pada-pada kota iya battowaéwé!”

WAHYU 9:20

Iyakiya sésana polé ri umma' tolinoé iya dé'é nariyuno risining abalaéro, dé'to namaélo salaiwi pangkaukeng limanna muto mennang. Dé' nappésau mennang massompa risining sétangngé, sibawa barahala-barahala ulawengngé, péra'é, tembagaé, batu sibawa ajué iya dé'é naulléi makkita, iyaré'ga maréngkalinga, iyaré'ga joppa.

1 SAMUEL 17:24

Naitana muwa tau Israélié Goliat, larini mennang métau.