WAHYU 13:3 - KITTA KAREBA MADECENG

³ Séddi polé ri yelle'na iya pitu ulunna olokolo'éro paitai pada-pada lo maseroé, iyakiya iyaro loé sauni. Sininna linoé maccowériwi iyaro olokolo'é sibawa marasa hérang.

WAHYU 13:3 ပူးပေါင်းရင်းမြစ်များ

YEHEZKIEL 30:24

Nainappa Upéwatangi taiyyana arung Babél, sibawa Utaroi peddak-Ku ri laleng limanna. Iyakiya taiyyana arung Maséré upoloi matu angkanna marangngi matu sibawa matéi ri yolona arung Babél, balinna.

LUKAS 2:1

Iyaro wettué, napparéntanni Kaisar Agustus, kuwammengngi sininna pabbanuwana Akkarungeng Roma nadaftar i aléna untu' ribilang.

YOHANES 12:19

Makkedani sining tau Farisié séddié lao ri laingngé, “Dé'gaga riyullé pogau'! Ita bawanni, sininna linoé lari maccowériwi!”

RIWAYA'NA RASUL-RASUL-E 8:13

Mateppe' toni Simon. Napurana ricemmé, matteruni maccowériwi Filipus. Sining anu makalallaing iya kajajiyangngé pahérangngi Simon.

WAHYU 13:12

Pakéi akuwasang iya battowaé iya nalolongengngé polé ri olokolo'éttoro, ri yolona olokolo' mammulangngé. Sininna linoé sibawa sininna iya monroé ri yasé'na, napassai sompai olokolo' mammulangngéro, iya majjappaénna lona iya maseroé.

WAHYU 13:14

Sibawa sininna tau iya tuwoé ri linoé nabengnguwangngi sibawa sining anu makalallaingngé iya weddingngé naébbu ri yolona olokolo' iya mammulangngéro. Sibawa nasuro manengngi mennang patettong séuwa dato'-dato' polé ri olokolo'éro iya puraé nalo peddang, iyakiya tette'i tuwo.

WAHYU 17:10

lima polé ri mennang sempé'ni, séddi mapparénta mupi, naiya séddié dé'pa napolé. Rékko poléi matti, harusu'i mapparénta cinampe' bawang.

WAHYU 17:11

Sibawa olokolo' iya engkaé naengka natuwo riyolo, iyakiya makkekkuwangngé dé'na natuwona, iyanaritu arung maaruwaé. Sala séddinna towi polé ri iyaro arung pitué, iya makkekkuwangngé mattengngang mattuju lao ri abinasangngé.

WAHYU 17:13

Iya seppulo arungngéwé iya manenna mappunnaiwi akkatta iya padaé; iya manenna mennang nabbéréyangngi awatangenna sibawa akuwasanna lao ri olokolo'éro.

WAHYU 17:17

Saba' Allataala pura pakédoi atinna untu' pajoppai rancanana Allataala. Allataala mébbui atinna siyempe untu' mabbéréyangngi akuwasanna lao ri olokolo'éro, kuwammengngi na iyaro olokolo'é mapparéntai narapi kajajiyang aga iya napowadaé Allataala.

WAHYU 17:6

Nainappa uwita iyaro makkunraié mabo'i sibawa darana umma'na Allataala enrengngé darana sininna tau iya riyunoé nasaba matinului lao ri Yésus. Wettukku mitai iyaro makkunraié, mancaji tahhérang-hérakka.

WAHYU 17:8

Iyaro olokolo'é engka naengka natuwo riyolo, iyakiya makkekkuwangngé dé'na natuwo. Cinampe'pi nassu matu polé ri pepping amaténgngé enrengngé nalao matu mattuju ri abinasangngé. Sining tau iya tuwoé ri linoé riwettu dé'napa naripancaji linoé iya asennaé dé' nariyoki ri laleng Kitta'na Tau Tuwoé, iyaro sining tauwé hérangngi matu rékko naitai iyaro olokolo'é. Saba' iyaro olokolo'é engka naengka natuwo riyolo. Makkekkuwangngé dé'na natuwona, iyakiya maéloi mompo paimeng.