WAHYU 13:2 - KITTA KAREBA MADECENG

² Olokolo' iya uwitaéro tappana pada-padai macang tutul-é, sibawa ajéna pada-pada ajé beruwangngé, enrengngé pannyoro'na pada-pada pannyoro' singaé. Nainappa iyaro olokolo'é riwéréngngi ri nagaéro awatangeng ri aléna, sibawa kadéra arajanna enrengngé akuwasanna iya battowaé.

WAHYU 13:2 ပူးပေါင်းရင်းမြစ်များ

2 ARUNG-NGARUNG 2:24

Gilinni Elisa sibawa mitai mennang nainappa natanroi ri laleng asenna Puwangnge. Iyatoro wettué namassu polé ri ale'é duwa beruang sibawa sapé-sapé'i patappulo duwa ana' polé ri yelle'na ana'-ana'éro.

MAZMUR 22:21

Paleppe'i nyawaku polé ri peddangngé, passalama'ka polé ri pakkokkona asué.

AMSAL 17:12

Lebbi kessing muwi siruntu indo' beruwangngé iya teddéngngé ana'na, naiya tau madonggoé iya malippué sibawa adonggonna.

AMSAL 28:15

Tau maja iya makuwasaéngngi tau iya akurangengngé, pada-padai singa iya mangngaungngé iyaré'ga beruang iya paluruiyé.

YESAYA 5:29

Sining prajuri'na mangngaung pada-pada singa iya silalonaé patikkeng, nanatiwii lari, na dé'gaga mulléi paleppe'i.

YEREMIA 13:23

Naulléga tau mabolongngé pinrai olina, iyaré'ga macangngé patteddéngngi bellanna? Tentu dé'! Makkuwatoro iko iya biyasaé pogau'i majaé dé' namakkullé pogau'i makessingngé.

YEREMIA 5:6

Iyanaro saba'na nariyuno matu mennang ri singa polé ri ale'é, sibawa risapé-sapé ri serigala polé ri padang kessi'é. Mallamparengngi matu macang tutul-é sappa anré ri seddéna kota-kotana mennang, sibawa tungke tau iya massué naluruiwi matu. Iya manennaro kajajiyangngi nasaba purai mennang maéga madosa, sibawa makkolik-koling mabbokoriwi Allataala.

HOSEA 11:10

Makkedai Puwangnge, “Naccowéri-Ka matu umma'-Ku narékko mangngauk-Ka pada-pada singaé sibawa sélengiwi balinna. Mapperi-periwi matu umma'-Ku polé ri tibang yajang untu' sompa-Ka.

AMOS 3:12

Pada-pada séddié pakkampi iya lolongengngéngngi paimeng banna sipasang ajéna iyaré'ga sipolo daucculinna bimbala'na iya puraé ritikkeng ri singaé, makkuwatoro banna céddé bawang iya monroé matu polé ri pabbanuwana Samaria iya makkekkuwangngé mannyamen-nyameng léwu ri onrong atinrong iya masommo'é.”

AMOS 5:19

Keadaanna pada-padai tau iya lariyé polé ri singaé, iyakiya siruntu'i beruwangngé. Iyaré'ga pada-pada tau iya lisué ri bolaé sibawa mattulekkeng sibawa limanna ri témbo'é, naripitto ri ulaé!

HABAKUK 1:8

Anyaranna lebbi magattii naiya macang tutul-é, sibawa lebbi masekkangngi naiya serigala iya malupué. Pasukang makkinnyaranna poléi ri wanuwa-wanuwa mabélaé; poléi mennang pada-pada bokang iya séro'éngngi anréna.

2 TIMOTIUS 4:17

Iyakiya Puwangngé ranrekka. Mabbéréi awatangeng angkanna uwulléi mabbirittangngi sininna Karéba Madécéngngéro, kuwammengngi naéngkalingai sininna tau tenniyaé Yahudi. Sibawa leppe'ka polé ri abala amaténgngé.

1 PETRUS 5:8

Sitinajako matike' sibawa sadiya-sadiya! Saba' Ibillisi' iyanaritu balimmu. Pada-padai singaé iya joppaé lao tulili nangngautto sappai nanréna.

WAHYU 12:13

Wettunna namaingeki iyaro nagaé makkedaé purani ribuwang ri linoé, mammulani nalellung makkunrai iya puraénna jajiyang ana' worowanéro.

WAHYU 12:15

Na iyaro nagaé napporokenni polé ri bawana maéga senna' uwai lao ri makkunraiéro, untu' malirengngi.

WAHYU 12:9

Iyaro naga battowaé riyabbéyanni massu! Aléna ritu iyaro ula macowaé iya riyasengngé Ibillisi' iyaré'ga Sétang, iya bellééngngi sininna linoé. Ribuwanni ri linoé silaong sininna malaéka'na.

WAHYU 13:12

Pakéi akuwasang iya battowaé iya nalolongengngé polé ri olokolo'éttoro, ri yolona olokolo' mammulangngé. Sininna linoé sibawa sininna iya monroé ri yasé'na, napassai sompai olokolo' mammulangngéro, iya majjappaénna lona iya maseroé.

WAHYU 13:4

Sibawa nasappai mennang iyaro nagaé saba' purani nawéréng akuwasanna lao ri olokolo'éro. Nanasompai mennang iyaro olokolo'étto. Makkedai mennang, “Dé'gaga iya pada-padaé sibawa olokolo'éwé! Dé'gaga iya mullé mammusu méwai!”

WAHYU 16:10

Nainappa malaéka' malimaé tiri'i lise' onronna ri kadéra arajanna olokolo'éro. Nasininna akkarungeng olokolo'éro mapettanni, naokkoni tauwé lilana nataro peddi.

WAHYU 17:12

Seppulo tanru' iya muwitaéro iyanaritu seppulo arung iya dé'éppa nappammula mapparénta. Iyakiya riwéréngngi matu akuwasang untu' mapparénta selaku arung silaong iyaro olokolo'é sijang ittana.

WAHYU 19:20

Na iyaro olokolo'é ritikkenni silaong nabi palsué iya mébbuéngngi sining anu makalallaingngé ri yolona olokolo'éro. (Nasibawang sining anu makalallaingngéro iyaro olokolo'é bengnguwangngi sining tau iya mappunnaiyé tanrang olokolo'éro, sibawa sining tau iya sompaéngngi dato'-dato'na olokolo'éro.) Nainappa iyaro olokolo'é sibawa nabi palsuéro riyabbéyang tuwo-tuwo ri laleng tasi apié iya malluwa'-luwa'é sibawa balérang.

WAHYU 2:13

Uwisseng kégako monro, iyanaritu ri onronna Ibillisi' makkarung. Iko matinuluko ri Iyya. Mala wettunna Antipas, sabbik-Ku iya matinulué riyuno ri yolomu, ri markasna Ibillisi', dé' muwassakka makkedaé mateppe'ko ri Iyya.

WAHYU 20:2

Nainappa natikkeng iyaro nagaé, ula macowaé – iyanaritu Ibillisi'é iyaré'ga Roh Majaé – sibawa balenggui untu' sisebbu taung ittana.