WAHYU 12:3 - KITTA KAREBA MADECENG

³ Nainappa paita toni ri langié séuwa iya makalallaingngé. Engka sikaju naga cella iya battowa senna'é iya mappunnaiyé pitu ulu sibawa seppulo tanru'. Tungke' ulunna pakéi séddi passigera'.

WAHYU 12:3 ပူးပေါင်းရင်းမြစ်များ

YESAYA 27:1

Ri wettuéro napakéi matu Puwangnge peddan-Na iya masse'é sibawa matareng untu' hukkungngi Léwiatan, ula iya kolli-kolli'é sibawa mabbampaluéro, sibawa untu' mpunoi naga tasi'é.

YESAYA 51:9

Tokkonni oh Puwang, tulukki, passalama'ki sibawa akuwasam-Mu. Tokkonni pada-pada riyolo wettunna Mureppo Rahab sibawa gajangngi iyaro naga tasi'é gangka maté.

YESAYA 9:15

Iyaro sining pamimpinna bangsaé purani napapusa sibawa napakacau ra'ya'é.

DANIEL 2:41

Ajé sibawa jari-jari ajéna dato-dato iya sibagiyangngé polé ri tana litaé sibawa sibagiyang polé ri bessiéro, mappaitangngi makkedaé ri esso ri munri iyaro akkarungengngé tabbagé-bagéi. Iyaro akkarungengngé engkato awatangenna nasaba tana litaéro engka campurang bessinna.

DANIEL 2:42

Jari-jari ajéna iya sibagiyangngé polé ri bessié sibawa sibagiyang polé ri tana litaé bettuwanna makkedaé engka bagiyanna akkarungengngé iya mawatangngé sibawa engkato iya malemmaé.

DANIEL 7:20

Macinna tokka missengngi passalenna iya seppulo tanru'é ri ulunna sibawa passalenna tanru baiccu iya monriyé mompo nainappa nabébbu tellu polé ri tanru iya bunge'-bunge'éro. Iyaro tanru baiccu'é mappunnaiwi mata sibawa bawa iya mabboroé sibawa tempona. Lebbi mappakatau-taui naiya tanru-tanru iya laingngéro.

DANIEL 7:24

Iya seppulo tanru'éro iyanaritu iya seppulo arung iya paréntaéngngi matu akkarungengngéro. Nainappa mompo matu séddi arung iya laingngé; sisala senna'i matu sibawa arung-ngarung iya bunge'-bunge'é, nanacaui matu tellu tau arung.

WAHYU 12:1

Nainappa paita ri langié séuwa iya makalallaingngé enrengngé dé'gaga padanna. Séddi makkunrai iya pakééngngi mata essoé selaku pakéyanna, mattengngang tettong ri yasé'na kétengngé. Ri ulunna engka séuwa passigera' iya polé riseppulo duwa wéttowing.

WAHYU 12:13

Wettunna namaingeki iyaro nagaé makkedaé purani ribuwang ri linoé, mammulani nalellung makkunrai iya puraénna jajiyang ana' worowanéro.

WAHYU 12:17

Namacai senna'na iyaro nagaé lao ri makkunraiéro, angkanna lao gasai wijanna lainna iyaro makkunraié, iyanaritu sininna tau iya turusiyéngngi sining paréntana Allataala, enrengngé iya mabbéré asabbiyang passalenna Yésus sibawa akuwasan-Na.

WAHYU 12:4

Nasibawang ikko'na nassarénréngengngi tawa tellunna polé risining wéttowingngé ri langié nanaggenrungengngi lao ri linoé. Iyaro nagaé tettongngi siyolong makkunrai iya maéloé mémmana'ro sibawa akkattana memme'i ana'na, ri wettu jajinna muwa.

WAHYU 12:7

Nainappa ri surugaé kajajiyanni musué. Mikhaél silaong malaéka-malaéka'na mammusu méwai iyaro nagaé. Na iyaro nagaé ribantui ri malaéka-malaéka'na, méwai Mikhaél.

WAHYU 12:9

Iyaro naga battowaé riyabbéyanni massu! Aléna ritu iyaro ula macowaé iya riyasengngé Ibillisi' iyaré'ga Sétang, iya bellééngngi sininna linoé. Ribuwanni ri linoé silaong sininna malaéka'na.

WAHYU 13:1

Nainappa uwita sikaju olokolo' mompo polé ri laleng tasi'é. Mappunnaiwi seppulo tanru' enrengngé pitu ulu. Ri tungke' tanru'na engka séddi passigera', sibawa ri tungke' ulunna tarokii séddi aseng pappakatuna lao ri Allataala.

WAHYU 13:2

Olokolo' iya uwitaéro tappana pada-padai macang tutul-é, sibawa ajéna pada-pada ajé beruwangngé, enrengngé pannyoro'na pada-pada pannyoro' singaé. Nainappa iyaro olokolo'é riwéréngngi ri nagaéro awatangeng ri aléna, sibawa kadéra arajanna enrengngé akuwasanna iya battowaé.

WAHYU 13:4

Sibawa nasappai mennang iyaro nagaé saba' purani nawéréng akuwasanna lao ri olokolo'éro. Nanasompai mennang iyaro olokolo'étto. Makkedai mennang, “Dé'gaga iya pada-padaé sibawa olokolo'éwé! Dé'gaga iya mullé mammusu méwai!”

WAHYU 15:1

Nainappa uwita ri langié séuwa iya makalallaingngé sibawa dé'gaga padanna serona. Engka pitu malaéka' sibawa pitu abala iya paccappurengngé. Iyanaé paccappurenna Allataala tuppa'i cai-Na.

WAHYU 16:13

Nainappa uwita tellu roh maja iya tappanaé pada-pada cuppangngé. Tungke'-tungke' iyaro cuppangngé massui polé ri bawana nagaé, polé ri bawana olokolo'é, enrengngé polé ri bawana nabi palsué.

WAHYU 17:12

Seppulo tanru' iya muwitaéro iyanaritu seppulo arung iya dé'éppa nappammula mapparénta. Iyakiya riwéréngngi matu akuwasang untu' mapparénta selaku arung silaong iyaro olokolo'é sijang ittana.

WAHYU 17:16

Seppulo tanru' iya muwitaé sibawa iyaro olokolo'é nabenciwi matu iyaro cakkuribangngé. Narampasa'i matu sininna séuwa-séuwaé iya nappunnaiyé, sibawa naébbui aléna mallusu-lusu. Nanréi matu mennang jukuna enrengngé napaccappui sibawa api.

WAHYU 17:7

Nainappa makkeda iyaro malaéka'é lao ri iyya, “Aga saba'na mutahhérang-hérang? Madécéngengngi upaissengiko rahasiyana iyaro makkunraié sibawa rahasiyana olokolo' iya natonangiyé, iyanaritu iya mappunnaiyé pitu ulu sibawa seppulo tanru'.

WAHYU 19:12

Matan-Na pada-pada luwa' apié sibawa ri ulun-Na pakéi maéga passigera'. Ri Aléna tarokii séuwa aseng; na banna Aléna bawang missengngi iyaro asengngé.

WAHYU 20:2

Nainappa natikkeng iyaro nagaé, ula macowaé – iyanaritu Ibillisi'é iyaré'ga Roh Majaé – sibawa balenggui untu' sisebbu taung ittana.