WAHYU 12:2 - KITTA KAREBA MADECENG

² Iyaro makkunraié mattengngangngi mattampu, nasaba narapini wettunna untu' mémmana', nakelli'na nataro peddi.

WAHYU 12:2 ပူးပေါင်းရင်းမြစ်များ

YESAYA 26:17

Pada-pada makkunrai iya maéloé mémmana maggulicci sibawa kelli nataro peddi, makkuwaniro idi ri yolomu, Puwang.

YESAYA 53:11

Rimakkuwannanaro makkedai Puwangnge, “Puranana nakenna anrasa-rasang, masennangngi matu sibawa massaunna. Iyaro atak-Ku, iya pésennangiyéngngi atik-Ku, purani natanggung pahukkungenna tau maégaé; nasaba aléna Uwaddampengengngi matu mennang.

YESAYA 54:1

Yérusalém, riyolo pada-padako makkunrai manangngé iya dé'é nawedding mémmana. Iyakiya makkekkuwangngé gora-gorano, sibawa akkélonno sibawa marennu! Saba' maéga senna ana'-ana'mu, napakacauri ana'-ana' makkunrai iya dé' narisalai ri lakkaié.

YESAYA 66:6

Engkalingai! Engka oni memmu ri kotaé; engka sadda polé ri Bola-Ku; iyanaro saddak-Ku iya mattengngangngé mpale'i balié!

MIKHA 4:9

Magi muteri maladde-ladde? Magi mumapeddi pada-pada makkunrai iya maéloé mémmana? Aga nasaba dé' muwappunnai arung, sibawa maténi sining pappangajamu?

MIKHA 5:3

Narékko poléni iyaro panguwasaé, naparéntai matu umma'na sibawa awatangeng nenniya akuwasang polé ri Puwang Allataalana muto. Tuwoi matu umma'-Na sibawa amang, nasaba sininna tauwé risininna linoé nangakuiwi matu arajan-Na,

MATIUS 24:8

Iya manennaro pammulanna bawang, pada-pada peddi napéneddingiyé séddié makkunrai ri wettu maélona mémmana'.

YOHANES 16:21

Rékko séddié makkunrai mawé'ni mémmana', masussai, saba' wettunnana manrasa-rasa. Iyakiya jajinnana ana'na, iyaro makkunraié nallupaiwi anrasa-rasanna matu nasaba marennui makkedaé séddi ana'lolo jaji ri linoé.

GALATIA 4:19

Ana'-ana'ku iya riyamaséiyé! Makkekkuwangngéwé manrasa-rasasika nasaba iko. Manrasa-rasaka pada-pada makkunrai mapeddié wettunna jajiyang ana'. Maéloka matteru-teru manrasa-rasa, rékko sipa'-sipa'na Kristus dé'pa natattaneng ri alému!

GALATIA 4:27

Saba' ri laleng Kitta'é tarokii, “Arennuno iko éh makkunrai manangngé, iya dé'é naengka naémmana! Ariyo-riyono sibawa gora-gorano éh iko iya dé'é naengka napéneddingiwi peddi émmanakengngé! Saba' makkunrai iya risalaiyé ri lakkainna lolongengngi matu lebbi maéga ana' naiya makkunrai iya silollongngé lakkainna.”

WAHYU 12:4

Nasibawang ikko'na nassarénréngengngi tawa tellunna polé risining wéttowingngé ri langié nanaggenrungengngi lao ri linoé. Iyaro nagaé tettongngi siyolong makkunrai iya maéloé mémmana'ro sibawa akkattana memme'i ana'na, ri wettu jajinna muwa.