WAHYU 11:9 - KITTA KAREBA MADECENG

⁹ Sining tau polé ri sininna bangsaé, sukué, basaé, enrengngé wanuwaé naitai matu ujuna tellungngesso sitengnga ittana, sibawa dé' napalaloi iyaro sining ujué rikuburu'.

WAHYU 11:9 ပူးပေါင်းရင်းမြစ်များ

1 ARUNG-NGARUNG 13:22

Lisuwi Saudara sibawa manré ménung, padahal riyattéyangngi Saudara untu' pogau'i gau'éro. Rimakkuwannanaro riyunoi matu Saudara, na ujuna Saudara dé' matu narikuburu ri kuburu kaluwargana Saudara.”

PAKKATOBBA 6:3

Namuni séddié tau mappunnai sératu ana' sibawa tuwo maitta senna angkanna macowa senna, iyakiya rékko dé' namarasa masennang sibawa dé'to nalolongeng attampungeng iya sitinajaé, manuru pallolongekku, ana'lolo iya maté najaji lebbi makessingngi totona naiya tauwéro.

YESAYA 33:1

Cilakani sining balitta! Marrampo'i mennang namuni dé' narirampo, sibawa bali'bellai namuni dé' naribali'bellari. Iyakiya purana marrampo sibawa bali'bella, aléna mennang mancaji matu rirampo sibawa ribali'bellari.

YEREMIA 7:33

Uju-ujuna mennang mancajiwi matu inanréna manu'-manu'é sibawa olokolo masekkangngé, dé'gaga rukkai.

MATIUS 7:2

Saba' pékkugiko madélékiwi tau laingngé, makkuwatoro Allataala madélékiko matu. Na ukkurang mupaké untu' tau laingngé, napaké towi matu Allataala untu' iko.

WAHYU 10:11

Nainappa riparéntakka, “Pallebbangngi siseppa birittanna Allataala passalenna bangsa-bangsaé, sining wanuwaé, sining basaé, enrengngé sining arungngé.”

WAHYU 11:11

Labe'nana tellungngesso sitengnga, poléni nappase' atuwong polé ri Allataala sibawa muttama'si ri laleng iya duwa tau nabiéro. Tokkong toni mennang tellong, angkanna sininna tauwé iya mitaéngngi mennang mancaji métau senna'.

WAHYU 13:7

Ripalalo towi méwai umma'na Allataala enrengngé caui mennang. Enrengngé akuwasang ri yasé'na sininna sukué, wanuwaé, basaé, sibawa bangsaé riyabbéréyang lao ri aléna.

WAHYU 17:15

Makkeda towi iyaro malaéka'é, “Uwai iya muwitaéro, onronna cakkuribangngé tudang, iyanaritu bangsa-bangsaé, sining ra'ya'é, sining wanuwaé sibawa sining basaé.

WAHYU 5:8

Ri wettu kédo makkuwannaro iyaro Ana' Bimbala'é, tassulunni iya eppa mahlu'é enrengngé iya duwappulo eppa pamimpingngéro ri yolona. Tungke'-tungke' mennang makkatenning kacapi enrengngé mangko' ulaweng iya mallise'é kamennyang, iyanaritu sining paddowangenna umma'na Allataala.

WAHYU 5:9

Napuwélonni mennang séddi élong iya barué: “Sipato'-Ko malai iyaro kitta'é enrengngé reppa'i sining ségélé'na. Saba' pura-No riyuno, nanallalengiwi amatén-Na, rupa tauwé polé ri sininna sukué, basaé, wanuwaé enrengngé bangsaé purani muwelli untu' Allataala.