WAHYU 11:8 - KITTA KAREBA MADECENG

⁸ Na ujuna tattale'i matu ri watattanana kota battowaé, ri onronna Puwanna risalli. Aseng ébara'na iyaro kotaé iyanaritu Sodom iyaré'ga Maséré'.

WAHYU 11:8 ပူးပေါင်းရင်းမြစ်များ

KAJAJIYANG 13:13

Iyaro kota Sodom naonroiwi sining tau iya maja senna'é sibawa madosaé lao ri Puwangnge.

KAJAJIYANG 19:24

Tappa napateppani Puwangnge bosi balérang iya makkéapié ri yasé'na Sodom sibawa Gomora.

ASSURENG 20:2

“Iyya'na Puwang Allataalamu iya tiwiékko massu polé ri Maséré onrommu ripowata.

ASSURENG 3:7

Nanakkedana Puwangnge, “Uwitani anrasa-rasanna umma'-Ku ri Maséré, sibawa méngkalingai mennang gora méllau ripaleppe polé risining tau iya tenre'éngngi mennang. Sitongenna, uwisseng maneng anrasa-rasanna mennang.

YESAYA 3:9

Kédona mennang iya matempoé mappaitangngi jana mennang. Mannessa-nessai mennang madosa pada-pada tau Sodongngé riyolo. Cilakani mennang! Napapoléngengngi mennang acilakang aléna.

YEREMIA 23:14

Iyakiya ri Yérusalém Uwitai nabi-nabié pogau'i iya lebbi majaéppasi. Mabbelléi mennang sibawa malaweng, enrengngé nasokongngi tau iya pogau'éngngi majaé, angkanna dé' muwi séddi tau maélo toba'. Untu' Aléku maja manengngi mennang pada-padai pabbanuwana Sodom nenniya Gomoro.”

YEREMIA 26:23

Nainappa ritiwi ri mennang lisu lao ri Arung Yoyakim. Nainappa arungngé massuro mpunoi, nariyabbéyang ujuna ri akkuburukeng samaé.

YEHEZKIEL 16:46

Kakamu iyanaritu Samaria ri manorang sibawa sininna désana. Sibawa anrimmu iyanaritu Sodom ri yattang silaong sininna désana.

YEHEZKIEL 16:49

Sodom silaong désa-désana matempoi nasaba mappunnai maéga pappassadiyaang inanré enrengngé naulléi tuwo sibawa tennang nenniya damé. Iyakiya dé' mennang najampangiwi tau kasiyasié sibawa tau matunaé.

YEHEZKIEL 23:19

Pédé maitta pédé biyasa malaweng, dé'gaga assilaingenna pada-pada ri wettu malolona wettunna maccakkuribang ri Maséré.

YEHEZKIEL 23:27

Makkuwaniro Upappésau matu napessu cintamu sibawa sininna alawengeng iya mupogau'é sipongenna engkako ri Maséré. Dé'na mumamménasa matu lao ri barahalaé muwi kégi iyaré'ga maréngngerang lao ri Maséré.”

YEHEZKIEL 23:3

Ri wettu malolona, monroi mennang ri Maséré. Kuwaniro mennang ateddéngeng aparawangenna, nainappa mennang mancaji cakkuribang.

YEHEZKIEL 23:8

Matterui bawang maccakkuribang pada-pada iya napogau'é riyolo ri Maséré, kégai ateddéngeng aparawangenna. Sipongeng baiccu'na, purani riyatinroi sibawa rigaukeng selaku cakkuribang.

YEHEZKIEL 37:11

Makkedai Allataala lao ri iyya, “Eh tolino dé'é namannennungeng, iyaé buku-bukué napulambangngi bangsa Israélié. Maddarékéi mennang makkedaé marakkoi mennang, temmaddennuwang sibawa temmappunnai esso mangolo.

AMOS 4:11

Sibagiyang polé ri iko Upaccappui pada-pada Upaccappuna Sodom sibawa Gomora. Iya tuwoé mupa ri yelle'mu iyanaritu pada-padai appulu iya riyalaé polé ri apié. Namuni makkuwaro, dé'to mulisu lao ri Iyya.

MATIUS 10:15

Engngerangngi! Ri Esso Kiyame', sining taunna Kota Sodom sibawa Gomora lebbi gampangngi matu riyaddampengeng ri Allataala, naiya sining tau ri kotaéro.”

RIWAYA'NA RASUL-RASUL-E 9:4

Mabuwanni ri tanaé nainappa méngkalinga séuwa sadda makkeda ri aléna, “Saulus, Saulus! Aga saba'na mucalla-Ka?”

IBRANI 13:12

Iyanaro saba'na namatéto Yésus ri saliwenna pintu gerbanna kotaé untu' pépaccingiwi umma'-Na polé ri dosaé sibawa dara-Na muto.

IBRANI 6:6

Iyakiya purairo nasalaiwi mennang atepperenna! Pékkugi makkulléi ripimping mennang lisu untu' toba'si polé ri dosa-dosana. Saba' mattengngangngi mennang nasallisi Ana'na Allataala sibawa mébbui ripakatu-Na ri yolona tau maégaé.

2 PETRUS 2:6

Pada-pada mutowi kota Sodom sibawa Gomora; Allataala pallennye'i iyaro kota-kotaé sibawa api kuwammengngi nancaji conto passalenna aga iya maéloé kajajiyang sibawa sining tau iya majaé.

YUDAS 1:7

Engngerang towi kota Sodom sibawa Gomora enrengngé kota-kota ri seddéna, iya pabbanuwanaé pogau'i gau'-gau' iya padaé napogau' sining malaéka'éro. Napogau'i mennang gau'-gau' iya mappangaddié sibawa maja ampé, angkanna risissai mennang sibawa pahukkungeng api mannennungengngé, untu' mancaji papparéngngerang lao ri sininna tauwé.

WAHYU 11:13

Na iyaro wettué kajajiyanni mpéwang tanaé iya maseroé. Tawa seppulona bagiyanna polé ri kotaéro ancuru', sibawa pitussebbu tau maté nasaba iyaro mpéwang tanaé. Sining tau laingngé métau senna'ni, nainappa mennang napoji arajanna Allataala ri surugaé.

WAHYU 11:9

Sining tau polé ri sininna bangsaé, sukué, basaé, enrengngé wanuwaé naitai matu ujuna tellungngesso sitengnga ittana, sibawa dé' napalaloi iyaro sining ujué rikuburu'.

WAHYU 14:20

Iyaro buwa-buwa anggoro'é ripara'i ri saliweng kota, napolé ri apparakengngéro massolo'ni daraé pada-pada saloé, bélana tellu ratu kilo, sibawa lamunna mawé' duwa météré.

WAHYU 14:8

Malaéka' iya maduwaé maccinrolaiwi malaéka' iya mammulangngé nagorato, “Sempé'ni! Kota Babél iya battowaé sempé'ni! Purani naébbu sininna bangsaé mancaji mabo' sibawa uwai anggoro – iyanaritu anggoro polé ri napessu pappangaddinna!”

WAHYU 16:19

Kota iya battowaéro mareppa'ni mancaji tellu bagiyang, naancuru' tona kota-kotana sininna wanuwaé ri linoé. Nainappa naéngngeranni Allataala matu Babél iya battowaéro. Na Allataala mébbui ménung anggoro polé ri onrong anggoro'na Allataala – iyanaritu anggoro cai-Na iya malluwa'-luwa'é.

WAHYU 17:1

Purairo sala séddinna tau polé ri iya pitu malaéka' iya makkatenningngé pitu onrongngéro laowi ri iyya sibawa makkeda, “Laono mai, maéloka paitakko pékkugi iyaro cakkuribang battowaé rihukkung matu, iyanaritu kota battowaéro iya ripatettongngé ri seddéna sining saloé!

WAHYU 17:18

Makkunrai iya muwitaéro iyanaritu kota battowaé, iya paréntaéngngi sining arungngé ri linoé.”

WAHYU 17:5

Ri linrona tarokii séuwa aseng iya mappunnaiyé bettuwang rahasiya. Iyaro asengngé iyanaritu “Babél Iya Battowaé, indo'na sininna cakkuribangngé sibawa sining tau maja ampé ri linoé.”

WAHYU 18:10

Tettongngi matu mennang polé mabéla saba' métaui mennang nakenna anrasa-rasanna. Makkedai mennang, “Aduh, tenniya culé-culé acilakanna kota iya tassebbo'éwé – kota Babél iya mawatangngé! Ri laleng sijang bawang purani ripajoppa pahukkungemmu!”

WAHYU 18:18

Sibawa gora ri wettunna mennang naita rumpué maddumpu polé ri apié iya tunuéngngi kotaéro. Gorani mennang, “Dé' naengka kota laingngé pada-pada kota iya battowaéwé!”

WAHYU 18:2

Nasibawang sadda iya battowaé, gorai, “Sempé'ni! Sempé'ni Babél battowaé! Makkekkuwangngé mancajini onronna sining sétangngé sibawa sining roh majaé. Ri lalenna tuwoi sininna rupanna manu'-manu' iya najisi'é sibawa iya nacéccé tauwé.

WAHYU 18:21

Purairo, séddi malaéka' iya poré makka séddi batu – silloppo batu allélurengngé iya battowaé – nainappa naggenrungeng ri lalenna tasi'é sibawa makkeda, “Makkuwaniyé carana kota Babél iya tassebbo'éro maélo riyaggenrungeng sibawa masero, angkanna dé'na nariruntu paimeng.

WAHYU 18:24

Rihukkungngi Babél saba' ri laleng kotaéro rilolongenni darana nabi-nabié, darana umma'na Allataala – rippe'na darana sininna tauwé iya puraé riyuno ri yasé'na linoé.