WAHYU 11:7 - KITTA KAREBA MADECENG

⁷ Puranana mennang nappallebbangeng birittanna, olokolo' iya massué polé ri pepping amaténgngé méwai matu mennang. Nacaui matu mennang sibawa naunoi mennang.

WAHYU 11:7 ပူးပေါင်းရင်းမြစ်များ

DANIEL 7:25

Mabbicarai matu méwai Allataala Iya Pommatanré sibawa tenre'i umma'na Allataala. Makkuragai matu pinrai hukkung-hukkungngé sibawa pésta-pésta agamana umma'na Allataala, narikuwasai matu mennang tellu sitengnga taung ittana.

LUKAS 13:32

Nappébali Yésus, “Laono namupowadangngi tau iya dé'é nakkégunaro, ‘Iyaé essoé sibawa baja upaddésu'i sétangngé sibawa pajjappai tau malasaé, iyakiya ri esso matellué maélo-Ka pattépui jama-jamak-Ku.’

LUKAS 8:31

Iyaro sining sétangngé naéllauwi sibawa masero kuwammengngi dé' naripaddésu' ri Yésus lao ri laleng Balorang Amaténgngé.

YOHANES 17:4

Purani Upakaraja Ambo'é ri yasé'na linoéwé ri laleng pappurai jama-jamang iya nasurowangngék-Ka Ambo'é.

YOHANES 19:30

Napérasaini Yésus uwai anggoro'éro nainappa makkeda, “Tépuni!” Nainappa napacannunnu ulun-Na namaté.

RIWAYA'NA RASUL-RASUL-E 20:24

Iyakiya dé' upaduliwi atuwokku, assaleng uwullé muwi paccappui jamang iya nawéréngngékka Puwang Yésus sibawa assaleng matinulu muka lettu ri ajjalekku untu' mabbirittangngi Karéba Madécéngngéro passalenna pammaséna Allataala.

2 TIMOTIUS 4:7

Purani uwaccowéri akkalaringngé sibawa makessing, enrengngé lettu'na ri garisi paccappurengngé. Tette'ka matinulu lao ri Kristus lettu paccappurenna.

WAHYU 11:3

Maélo-Ka suroi duwa tau sabbik-Ku iya mappaké pakéyang mabbarata, sibawa nappallebbangengngi matu mennang birittanna Allataala 1.260 esso ittana.”

WAHYU 12:17

Namacai senna'na iyaro nagaé lao ri makkunraiéro, angkanna lao gasai wijanna lainna iyaro makkunraié, iyanaritu sininna tau iya turusiyéngngi sining paréntana Allataala, enrengngé iya mabbéré asabbiyang passalenna Yésus sibawa akuwasan-Na.

WAHYU 13:11

Nainappa uwita sikaju olokolo' laing mompo polé ri laleng linoé. Mappunnaiwi duwa tanru' pada-pada tanru' ana' bimbala'é. Saddanna pada-padai sadda nagaé.

WAHYU 13:7

Ripalalo towi méwai umma'na Allataala enrengngé caui mennang. Enrengngé akuwasang ri yasé'na sininna sukué, wanuwaé, basaé, sibawa bangsaé riyabbéréyang lao ri aléna.