WAHYU 11:3 - KITTA KAREBA MADECENG

³ Maélo-Ka suroi duwa tau sabbik-Ku iya mappaké pakéyang mabbarata, sibawa nappallebbangengngi matu mennang birittanna Allataala 1.260 esso ittana.”

WAHYU 11:3 ပူးပေါင်းရင်းမြစ်များ

KAJAJIYANG 37:34

Nasapé'ni pakéyanna Yakub nasaba messéi nanapaké pakéyang karung. Siyagangngaré essona nawatingi ana'naro.

2 SAMUEL 3:31

Nariparéntanna Yoab ri Daud sibawa ana' buwana kuwammengngi nasapé'i pakéyanna mennang, sibawa paké pakéyang mabbarata nenniya watingiwi Abnér. Na wettunna naantara ujuna, aléna Arung Daud joppa ri munrinna petti ujué.

1 ARUNG-NGARUNG 21:27

Puranana Elia mabbicara, nasapé'ni Ahab pakéyanna nanapaké kaing karung selaku tanrang assessekeng, nainappa mappuwasa. Muwi ri wettunna matinro paké towi kaing karung, sibawa rékko joppai, tuli masara tappana.

2 ARUNG-NGARUNG 19:1

Wettunna naéngkalinga Arung Hizkia laporanna polé ri iya tellu tauwéro, nasapé'ni pakéyanna nanapaké kaing karung tanrang messé, nainappa lao ri Bolana Puwangnge.

1 TAWARIKH 21:16

Naitai Daud iyaro malaéka'é sajang ri pallawangenna langié sibawa linoé. Nasibawang peddang ri limanna, iyaro malaéka'é sadiyani untu' paccappui Yérusalém. Na Daud sibawa sining pamimpinna ra'ya'é, iya wettuéro mattengngang mappakéyang karung tanrang massesse kalé, suju' ri tanaé.

NEHEMIA 9:1

Ri tanggala duwappulona eppa ulengngéttoro, maddeppungenni ra'ya' Israélié. Mappuwasani mennang untu' mappaitangngi assesekalénna lao ri dosa-dosana. Napallainni aléna polé ri sininna tau laingngé. Selaku tanrang masussa, pakéi mennang kaing karung sibawa guguriwi ulunna tana. Nainappa mennang tettong sibawa mangakuiwi sininna dosana sibawa dosana toriyolona mennang.

AYUB 16:15

Pakéka karung tanrang amesséng, sibawa tudang ri laleng awué nasaba ricauka.

MAZMUR 69:11

Terika sibawa mappuwasa iyakiya napakatunaka mennang.

YESAYA 22:12

Ri wettuéro Puwang Iya Pommatanré sibawa Pommakuwasaé suroko teri sibawa mpating, maccukkuru gemme sibawa paké kaing karung.

YEREMIA 1:10

Iyaé essoé Uwérékko akuwasang lao ri bangsa-bangsaé sibawa sining akkarungengngé – akuwasang untu' léttungngi sibawa ruttungngi, untu' galéttéi sibawa paccappui, untu' mappatettong sibawa mattaneng.”

AWATINGENG 2:10

Pada tudanni tomacowa-cowana kotaé mammekko ri tanaé; namporiwi awu ulunna mennang, sibawa paké kaing karung tanrang masara. Muwi ana'-ana'daraé cannunnuto lettu ri tanaé.

YEHEZKIEL 4:6

Purairo, léwu titti liyatauno sibawa péneddingini pahukkungenna Yéhuda patappulo esso ittana, siesso napulambangngi sitaung pahukkungenna mennang.

DANIEL 12:7

Tau iya laingngéro makkai iya duwa limanna ménré ri langié. Uwéngkalingai mattanro nasabbing Allataala iya mannennungengngé sibawa makkeda, “Iyaro sining kajajiyangngé matterui matu tellu sitengnga taung ittana. Pajanana paccallangngé lao ri umma'na Allataala, paja toni iyaro sining kajajiyang makalallaingngé.”

DANIEL 7:25

Mabbicarai matu méwai Allataala Iya Pommatanré sibawa tenre'i umma'na Allataala. Makkuragai matu pinrai hukkung-hukkungngé sibawa pésta-pésta agamana umma'na Allataala, narikuwasai matu mennang tellu sitengnga taung ittana.

DANIEL 8:14

Uwéngkalingai malaéka iya séddiéssi mappébali, “Gangka 1.150 essopi. Ri lalenna wettuéro akkarobangeng arawéngngé sibawa akkarobangeng éléé dé' nariyakkasuwiyangeng. Purapiro nainappa ripalisu matu bola assompangngé.”

YOEL 1:13

Eh sining imang iya mattumaniyé ri mézbaé, pakéi kaing karungngé, sibawa terino. Uttama'no ri Bolana Puwangnge untu' mpating puppu benni, saba' dé'gaga akkarobangeng anggoro sibawa gandong untu' Allataalamu.

YUNUS 3:5

Mateppe'ni pabbanuwana Niniwé ri pasenna Allataalaro. Napettuini sininna ra'ya'é untu' mappuwasa, sibawa sininna tauwé, battowa iyaré'ga baiccu, pakéi kaing karung untu' mappaitangngi makkedaé nasesse'i mennang dosa-dosana.

YUNUS 3:8

Harusu'i tauwé sibawa olokolo'é paké kaing karung. Selaku tanrang assessekeng sininna tauwé harusu'i massempajang sibawa mattonget-tongeng lao ri Allataala. Harusu'i mennang napédécéngi ampé-ampéna iya majaé sibawa pangkaukenna iya pennoé dosa.

ABBILANGENG 11:26

Duwa ri yelle'na iya pituppulo pamimpingngéro, Eldad sibawa Médad, monroi ri akkémangngé dé' nalao silaong sibawa iya laingngé ri Kémana Puwangnge. Ri akkémangngéro nonnoi Roh-é ri yasé'na mennang, nanammula tona mennang sipadduwa mangobbi-obbi pada-pada nabié.

MATIUS 11:21

“Cilakano iko Korazim! Macilaka tono iko, Bétsaida! Akkalarapanna sining anu makalallaingngé iya naébbué ri tengnga-tengngamu pura napogau'i ri Tirus sibawa Sidon, pasti sining tauwé kuwaro maittana natoba' polé ri dosa-dosana mennang sibawa paké pakéyang mabbarata enrengngé taroiwi awu ulunna.

MATIUS 18:16

Iyakiya rékko dé', paccowéko séddi iyaré'ga duwa taupa. Saba' ri laleng Kitta'é tarokii, ‘Kaminang céddé duwa iyaré'ga tellu sabbi riyapparellung untu' pannessai séddié tau iya riteppué pasala.’

LUKAS 10:13

“Cilakano iko Korazim! Sibawa cilakano iko, Bétsaida! Ebara'na sining anu makalallaingngé iya ripogau'é ri tengnga-tengngamuro purani ripogau' ri Tirus sibawa Sidon, pasti maittani sining tauwé kuwaro natoba' polé ri dosa-dosana mennang, sibawa paké pakéyang mabbarata enrengngé taroiwi awu ulunna mennang.

LUKAS 24:48

Ikona ritu sabbi'-sabbinna iya manenro.

YOHANES 15:27

Na iko harusu' tokko mabbéré asabbiyang passalek-Ku, saba' sibawa Iyya mémenni mappammulai ri pammulanna.

YOHANES 3:27

Nappébali Yohanés, “Dé' naulléi mappunnai agi-agi tolinoé rékko dé' nariwéréng ri Allataala.

RIWAYA'NA RASUL-RASUL-E 1:8

Iyakiya lolongekko matu kuwasa, rékko engkani ri iko Rohna Allataala. Mancajiko matu sabbi-sabbik-Ku ri Yérusalém, ri sininna Yudéa, ri Samaria, sibawa lettu ri cappa'na linoé'.”

RIWAYA'NA RASUL-RASUL-E 13:31

Nainappa siyagangngaré esso ittana poléi mappaitangngi Aléna lao risining tau iya naéwaé silaong polé ri Galiléa lao ri Yérusalém. Iyanaro mennang makkekkuwangngé mancaji sabbi-sabbi untu' Aléna lao ri bangsa Israélié.

RIWAYA'NA RASUL-RASUL-E 2:32

Yésus iyanaé ripatuwo paimeng polé ri amaténgngé ri Allataala. Idi manengngé pura sabbingngi iyaro gau'é.

RIWAYA'NA RASUL-RASUL-E 3:15

Muwunoi, padahal Aléna ritu assalenna atuwongngé untu' sininna tauwé. Na Allataala pura patuwoi paimeng polé ri amaténgngé. Alétana pura mitai gau'éro.

1 KORINTUS 12:28

Makkuwatoro ri laleng jema'é, purani napattentu Allataala onrong untu' maddupa-rupang tau: Mula-mulanna rasul-rasul; maduwanna, nabi-nabi, matellunna guru-guru, nainappa mennang iya pakangkaé sining anu makalallaingngé, nainappa mennang iya riwéréngngé pangissengeng untu' pajjappai tauwé, iyaré'ga untu' tulungngi tau laingngé, iyaré'ga untu' mappimping, iyaré'ga mabbicara sibawa basa iya makalallaingngé.

2 KORINTUS 13:1

Untu' mabbékkatellunnanié poléka célléngiko. Ri laleng Kitta'é tarokii, “Tungke' parakara harusu'i ripakkasse ri asabbiyanna duwa iyaré'ga tellu tau sabbi, nainappa essa iyaro parakaraé.”

EFESUS 4:11

Aléna ritu iya “mabbéré pabbéré-pabbéré lao ri tolinoé”; sibagiyang nakka mancaji rasul, iya laingngé mancaji nabi; iya laingngéssi mancaji pabbiritta Karéba Madécéngngéro, na laingngéssi nakkai mancaji guru-guru sibawa pappiyarana jema'é.

ULANGENG 17:6

Iyakiya banna weddingngi rihukkung maté rékko engka duwa tau sabbi iyaré'ga lebbi; séddié tau dé' nawedding rihukkung maté rékko pappakatajang séddi tau sabbi bawang.

ULANGENG 19:15

“Séddi tau sabbi bawang dé' nagenne untu' pannessai séddié tau riteppu pasalai; kaminang kuranna duwa tau sabbi riyapparelluwang untu' gauéro.

WAHYU 1:5

sibawa polé ri Yésus Kristus, sabbi iya matinulué. Aléna ritu bunge'-bunge' ripatuwo paimeng polé ri amaténgngé sibawa Aléna ritu makuwasa lao risining arunna linoé. Yésus mamaséiki, nanasibawang amatén-Na nanapaleppe'ki polé ri dosa-dosata,

WAHYU 11:2

Iyakiya aja' muukkuru'i seddéna iya ri seddé saliwenna Bolana Allataalaro, saba' iyaro bagiyangngé purani riyabbéréyang lao risining tau iya dé'é naissengngi Puwangngé. Naléjja'-léjja'i matu mennang kota iya mapaccingngéro patappulo duwa uleng ittana.

WAHYU 11:6

Mappunnaiwi mennang akuwasang untu' tongkoi langié kuwammengngi aja' nateppa bosié ri wettu nappallebbangenna mennang biritta polé ri Allataala. Mappunnai towi akuwasang ri sininna mata uwai, untu' pinrai uwai mancaji dara. Sibawa mappunnai towi mennang akuwasang untu' munrui linoé sibawa sininna rupanna abalaé, uppa-uppanna mennang maéloi pogau'i.

WAHYU 12:6

Nalarina iyaro makkunraié lao ri padang kessi'é, ri onrong iya puraé ripassadiyangengngi ri Allataala. Ri onrongngéro ripiyarai matu 1.260 esso ittana.

WAHYU 13:5

Iyaro olokolo'é ripalaloi powadai gau'-gau' iya matempo senna'é sibawa pakatunai Allataala. Ripalaloi mapparénta patappulo duwa uleng ittana.

WAHYU 19:10

Tassulunna ri yolona iyaro malaéka'é maélo sompai, iyakiya makkedai lao ri iyya, “Aja'! Aja' musompaka, sompai Allataala! Saba' iyya atato pada-pada iko enrengngé pada-pada sininna saudaramu iya makkatenning masse'é ri asabbiyanna Yésus!” Saba' asabbiyanna Yésusnaro iya panurungengngéngngi tau iya mabbotoé.

WAHYU 20:4

Nainappa uwita sining kadéra akkarungengngé, sibawa sining tau iya tudangngé risining kadéra arajangngéro riwéréng kuwasa untu' pettuiwi pahukkungengngé. Uwita towi sining nyawana tau iya puraé rirette ulunna nasaba mabbéréi mennang asabbiyang passalenna Yésus, sibawa mappallebbangengngi paseng polé ri Allataala. Iyaro sining tauwé dé' nasompai olokolo'é, iyaré'ga dato'-dato'na. Dé'to mennang naengka natarima tanranna iyaro olokolo'é ri linrona iyaré'ga ri limanna. Natuwona mennang paimeng sibawa mapparénta selaku arung silaong Kristus sisebbu taung ittana.