WAHYU 11:2 - KITTA KAREBA MADECENG

² Iyakiya aja' muukkuru'i seddéna iya ri seddé saliwenna Bolana Allataalaro, saba' iyaro bagiyangngé purani riyabbéréyang lao risining tau iya dé'é naissengngi Puwangngé. Naléjja'-léjja'i matu mennang kota iya mapaccingngéro patappulo duwa uleng ittana.

WAHYU 11:2 ပူးပေါင်းရင်းမြစ်များ

MAZMUR 79:1

Mazmurna Asaf. Oh Allataala, bangsa iya dé'é naissek-Ko natudangini tana mana-Mu. Napanajisii mennang Bola-Mu, napancajiwi Yérusalém ruttungeng.

YESAYA 48:2

Namuni makkuwaro, muwangakuiwi sibawa matempo makkedaé pabbanuwanako kota mapaccingngé; sibawa sanréko ri Allataalana Israélié iya riteppué Puwang Iya Pommakuwasaé.

YESAYA 5:5

Mappakkuwaiyé Ugaukengngi matu iyaro palla anggoro'-Ku: Ubébbui matu sappo iya mattulilingiyéngngi, témbo iya linrungiyéngngi Uruttungngi matu, nainappa Uleppessang olokolo masekkangngé solangiwi sibawa léjja-léjja'i.

YESAYA 52:1

Tokkonno, éh Yérusalém, tokkonno! Pakkasse'i atimmu! Pasangngi pakéyang arajammu! Eh Yérusalém, kota iya mapaccingngé, tau najisi'é dé'na nauttama lalo ri gerbammu.

AWATINGENG 1:10

Rirampasa'ni sininna waramparanna risining balinna. Mala harusu'i naita mennang muttamakiwi Bolana Allataala, séuwa pangkaukeng iya nattéyangngé Puwangnge untu' tau iya tenniyaé umma'-Na.

YEHEZKIEL 4:6

Purairo, léwu titti liyatauno sibawa péneddingini pahukkungenna Yéhuda patappulo esso ittana, siesso napulambangngi sitaung pahukkungenna mennang.

YEHEZKIEL 42:20

Jaji, daéra Bolana Puwangnge nassanraiwi sikonrong tana massulapa eppaé, ukkuranna 250 météré ri tungke benrénna. Iyaro tanaé nattulilingiwi séddi témbo untu' passarangngi daéra iya ripallaingngé untu' Puwangnge naiya daéra untu' tau maégaé.

DANIEL 12:7

Tau iya laingngéro makkai iya duwa limanna ménré ri langié. Uwéngkalingai mattanro nasabbing Allataala iya mannennungengngé sibawa makkeda, “Iyaro sining kajajiyangngé matterui matu tellu sitengnga taung ittana. Pajanana paccallangngé lao ri umma'na Allataala, paja toni iyaro sining kajajiyang makalallaingngé.”

DANIEL 7:19

Nainappa macinnaka missengngi bettuwanna olokolo iya maeppaéro, iya sisalaé sibawa laingngé; iya makkuwaémmani mappakatau-tauna sibawa iya paancuru'é nenniya memme'i anréna sibawa kanuku tembagana nenniya isi bessinna, enrengngé léjja-léjja'i sésa-sésana.

DANIEL 7:25

Mabbicarai matu méwai Allataala Iya Pommatanré sibawa tenre'i umma'na Allataala. Makkuragai matu pinrai hukkung-hukkungngé sibawa pésta-pésta agamana umma'na Allataala, narikuwasai matu mennang tellu sitengnga taung ittana.

DANIEL 8:10

Iyaro tanru'é mancajiwi pédé maloppo narapi genne awatangenna untu' gasai tentarana surugaé iyanritu sining wéttowingngé, mala siyagangngaré ri yelle'na naggenrungeng ri tanaé sibawa naléjja'-léjja'i.

DANIEL 8:13

Nainappa uwéngkalinga séddi malaéka' makkeda lao ri laingngé, “Gangka siyaga ittana sininna iya paitaé ri laleng pakkitangngéro matteru matu? Gangka kégi dosa battowaéro sulléiwi akkarobangeng esso-essoé? Gangka kégi tentara surugaé sibawa bola assompangngéro riléjja'-léjja'?”

DANIEL 8:14

Uwéngkalingai malaéka iya séddiéssi mappébali, “Gangka 1.150 essopi. Ri lalenna wettuéro akkarobangeng arawéngngé sibawa akkarobangeng éléé dé' nariyakkasuwiyangeng. Purapiro nainappa ripalisu matu bola assompangngé.”

ABBILANGENG 14:34

Mutanggungngi matu addimonrinna dosamu patappulo taung ittana; sitaung ribilang untu' siesso polé ri tungke' patappulo esso iya mupaké untu' salidikiwi iyaro tanaé. Muwissengngi matu pékkugi rasana rékko Iyya méwako!

MATIUS 27:53

Massu mennang polé risining tampungngé puranana Yésus moto polé ri amaténgngé, sibawa muttama' ri Yérusalém. Namaéga tau mitai mennang kuwaro.

MATIUS 4:5

Purairo natiwini Ibillisi' Yésus ri Yérusalém, kota marajaé, nanataroi ri coppo Bolana Puwangngé.

MATIUS 5:13

“Ikona iyanaritu pejjéna linoé. Rékko makawai pejjé, weddigga ripejjéi paimeng? Dé'na gaga gunana, sangadinna riyabbéyang mani naléjja'-léjja'i tauwé.

LUKAS 21:24

Engka matu riyuno sibawa peddang, engkato matu ritiwi selaku tawangeng ri wanuwa-wanuwanna tauwé; nasining tau iya dé'é naissengngi Allataala naléjja'-léjja'i matu Yérusalém narapi cappu wettu iya pura napattentué Puwangngé untu' mennang.”

IBRANI 10:29

Pékkugi lebbi tane'na pahukkungeng iya harusu'é ripakennaiwi tau iya léjja'-léjja'éngngi Ana'na Allataala. Iyaro tauwé nangga' matunai dara assijancingenna Allataala, iyanaritu amaténna Kristus iya pépaccingiyéngngi polé ri dosaé. Napakatunai Roh iya mabbéré pammasé.

WAHYU 11:11

Labe'nana tellungngesso sitengnga, poléni nappase' atuwong polé ri Allataala sibawa muttama'si ri laleng iya duwa tau nabiéro. Tokkong toni mennang tellong, angkanna sininna tauwé iya mitaéngngi mennang mancaji métau senna'.

WAHYU 11:3

Maélo-Ka suroi duwa tau sabbik-Ku iya mappaké pakéyang mabbarata, sibawa nappallebbangengngi matu mennang birittanna Allataala 1.260 esso ittana.”

WAHYU 12:6

Nalarina iyaro makkunraié lao ri padang kessi'é, ri onrong iya puraé ripassadiyangengngi ri Allataala. Ri onrongngéro ripiyarai matu 1.260 esso ittana.

WAHYU 21:10

Nanakuwasaina Rohna Allataala, sibawa iyaro malaéka'é natiwika ri coppo'na bulu iya matanré senna'é. Najellokenna Yérusalém, kota mapaccingngéro. Iyaro kotaé nonnoi polé ri surugaé, polé ri Allataala,

WAHYU 21:2

Nauwitani iyaro kota mapaccingngé, iyanaritu Yérusalém iya mabarué, nonno polé ri Allataala. Iyaro kotaé purani ripassadiya pada-pada séddié botting makkunrai iya ribélo-béloiyé untu' duppaiwi bottimpurané.

WAHYU 22:19

Sibawa rékko nakurangiwi tauwé séuwa polé ri ada-ada botoéwé, Allataala matu kurangiwi towi polé ri tauwéro bagiyanna iya ripowadaé ri laleng kitta'éwé – iyanaritu bagiyanna polé ri aju atuwongngé sibawa polé ri kota mapaccingngéro.