WAHYU 11:1 - KITTA KAREBA MADECENG

¹ Purairo riwérékka sipolo aju iya maéloé pada sipeppa tekkeng pangukkuru', nainappa riparéntang, “Laono muukkuru'i Bolana Allataala sibawa mézbana. Bilangngi siyaga tau iya massompaé ri lalenna.

WAHYU 11:1 ပူးပေါင်းရင်းမြစ်များ

YESAYA 28:17

Adélékengngé Upancaji tulu pangukkuru, sibawa alempurengngé Upancaji tulu becci'na.” Bosi batué seringngi matu gangka mapaccing sininna bellé iya muwattuwangngé. Lémpe'é malirengngi matu onrong assubbuwammu.

DANIEL 7:27

Akuwasang nenniya arajanna sininna akkarungengngé ri linoé nabbéréyangngi matu lao ri umma'na Allataala Iya Pommatanré. Akuwasan-Na mennang untu' mapparénta dé' matu naccappa sibawa sininna panguwasaé ri linoé mattumaniwi matu mennang sibawa mapato.”

2 KORINTUS 6:16

Aga assisumpungenna Bolana Puwangngé sibawa bolana barahalaé? Idi'é Bolana Puwangngé, Allataala iya tuwoé. Allataala muto makkeda, “Maélo-Ka monro ri tengnga-tengngana mennang, sibawa tuwo silaong mennang. Mancaji-Ka matu Allataalana mennang, sibawa mennang mancaji matu umma'-Ku.

1 PETRUS 2:5

Iko pada-padako batu-batu iya tuwoé. Rimakkuwannanaro sitinajako maélo ripaké untu' patettongngi Bolana Allataala iya rohanié. Nanallalengiro mancajiko imang-ngimang iya tuwoé banna untu' Allataala, sibawa iya naolaéngngi Yésus Kristus makkasuwiyangengngi lao ri Allataala, akkarobangeng rohani iya naéloriyé atinna Allataala.

1 PETRUS 2:9

Iyakiya iko iyanaritu bangsa iya ripilé, imang-ngimang iya tumaningiyéngngi Arungngé, bangsa iya mapaccingngé, banna untu' Allataala, umma'na muto Allataala. Allataala piléko sibawa mobbiko massu polé ri pettangngé untu' muttama ri laleng tajanna iya mattappaé, sibawa akkatta kuwammengngi muwappallebbangengngi biritta passalenna sining pangkaukenna iya dé'é padanna.

WAHYU 10:11

Nainappa riparéntakka, “Pallebbangngi siseppa birittanna Allataala passalenna bangsa-bangsaé, sining wanuwaé, sining basaé, enrengngé sining arungngé.”

WAHYU 21:15

Malaéka' iya mabbicaraé sibawa iyya'ro mappunnaiwi tekkeng pangukkuru' polé ri ulawengngé, untu' mukkuru'i iyaro kotaé, pintu-pintu gerbanna sibawa témbo'na.