WAHYU 10:4 - KITTA KAREBA MADECENG

⁴ Massaddanna iya pitu guttuéro, maéloka mokii, iyakiya méngkalingaka séuwa sadda polé ri surugaé makkeda, “Rahasiyakangngi aga iya napowadaé iya pitu guttuéro; aja' muwokii!”

WAHYU 10:4 ပူးပေါင်းရင်းမြစ်များ

YESAYA 29:11

Bettuwanna tungke pakkitangngé tassubbui matu ri alému, pada-pada bobbo iya riségélé'é. Rékko iyaro bobbo'é ritiwii ri séddié tau iya weddingngé mabbaca kuwammengngi nabacangekko, makkedai matu makkedaé dé' nawedding, nasaba iyaro bobbo'é riségélé'i.

YESAYA 8:1

Makkedai Puwangnge lao ri iyya, “Alako séddi pépeng batu loppo, nainappa muwoki sibawa hurupu-hurupu iya manessaé: ‘Arrampasakeng iya Mapecci'é, Arrampokeng iya Masitta'é.’

YESAYA 8:16

Iko, ana'-ana' gurukku harusu'ko taroi sibawa piyarai sining paseng iya nabbéréyangngé Allataala lao ri iyya.

DANIEL 12:4

Nainappa makkedasi iyaro malaéka'é lao ri iyya, “Daniél, tongkoi iyaro kitta'é makkekkuwangngé, sibawa paddeppériwi ségélé kuwammengngi tette'i tattongko narapi paccappurenna linoé. Maéga tau cobai matu salidikiwi aga iya mattengngangngé kajajiyang. Iyakiya siya-siyai matu usahana mennanro.”

DANIEL 12:9

Nappébali, “Laono makkekkuwangngé, Daniél, saba' iyaé ada-adaé harusu'i risubbu sibawa rirahasiyakang narapi paccappurenna linoé.

DANIEL 8:26

Pakkitang passalenna akkarobangeng arawéngngé sibawa éléé iya puraé ripakatajang lao ri ikoro, tonget-tongengngi kajajiyang matu. Iyakiya iya manennaro kajajiyangngi matu ri wettu mangoloé iya mabélaé mupa; jaji aja' mucuritai muwi lao ri séddié tau.”

ULANGENG 29:29

Engka siyagangngaré passaleng iya narahasiyakangngé Puwang Allataalata; iyakiya hukkun-Na purani Napannessa lao ri idi, na idi sibawa wija-wijatta harusu'i turusiwi untu' mannennungeng.”

WAHYU 1:11

Mabbicarai iyaro saddaé, “Okii aga iya muwitaé, namukiringngi iyaro kitta'é lao ri iya pitu jema'éwé: Efésus, Smirna, Pérgamus, Tiatira, Sardis, Filadelfia sibawa Laodikia.”

WAHYU 1:19

Rimakkuwannanaro, okii gau'-gau' iya muwitaé, iyanaritu gau'-gau' iya engkaé makkekkuwangngéwé, sibawa gau'-gau' iya kajajiyangngé matu matti.

WAHYU 10:8

Nainappa sadda iya puraé uwéngkalinga polé ri surugaéro, mabbicarasi lao ri iyya. Makkedai, “Laono malai kitta lulung iya tattimpa'é ri limanna malaéka' iya makkellaé ri tasi'é sibawa ri pottanangngéro.”

WAHYU 22:10

Nainappa makkedasi, “Aja' murahasiyakangngi ada-ada botoé ri laleng kitta'éwé, saba' macawé'ni wettunna iya manennaé maélo kajajiyang.