WAHYU 10:3 - KITTA KAREBA MADECENG

³ Nainappa gora sibawa sadda battowa pada-pada sining singaé iya mattengngangngé mowang. Puranana gora iyaro malaéka'é, iya pitu guttué mappébalini sibawa sadda maddalenrung.

WAHYU 10:3 ပူးပေါင်းရင်းမြစ်များ

MAZMUR 29:3

Allataala iya marajaé magguttui ri tompo'na tasi'é, maddaremmengngi saddan-Na ri tompo'na dolangengngé.

AMSAL 19:12

Caina arungngé pada-padai angngaunna singaé; akessingenna arungngé pada-padai cinoddo iya rica'éngngi tanet-tanengngé.

YESAYA 31:4

Makkedai Puwangnge lao ri iyya, “Pada-pada singaé mangngaung untu' mattahangengngi anréna sibawa dé' namakkullé ripéttauri ri paggera'na sibawa kelli'na sirombongan pakkampi iya ripangaraé untu' méwai, makkuwatoniro umusui matu sibawa mattahangengngi Bulu Sion.

YESAYA 42:13

Mallurui Puwangnge mammusu pada-pada séddié pahlawang, pada-pada séddié prajuri penno sumange mammusu. Nagoranni kelli ammusurengngé, sibawa mappaitangngi aporén-Na lao ri balié.

YESAYA 5:29

Sining prajuri'na mangngaung pada-pada singa iya silalonaé patikkeng, nanatiwii lari, na dé'gaga mulléi paleppe'i.

YEREMIA 25:30

Sininna iya Upowadangngékko, éh Yérémia, harusu'i mupalettu. Powadangngi mennang, ‘Maggalenrungngi saddanna Puwangnge polé ri surugaé; polé ri onron-Na iya mapaccingngé memmu'i méwai umma'-Na. Sininna pabbanuwana linoé méngkalingai kelli pada-pada pajjama iya mappara anggoro'é ri onrong addésekengngé.

YEHEZKIEL 10:5

Iyaro oni kampa pannina sining kérub-é riyéngkalingai lettu ri seddé saliweng, pada-pada saddanna Allataala Iya Pommakuwasaé.

HOSEA 11:10

Makkedai Puwangnge, “Naccowéri-Ka matu umma'-Ku narékko mangngauk-Ka pada-pada singaé sibawa sélengiwi balinna. Mapperi-periwi matu umma'-Ku polé ri tibang yajang untu' sompa-Ka.

YOEL 3:16

Mangngaungngi Puwangnge polé ri Sion, bulu-Na; polé ri Yérusalém magguttui saddan-Na. Taggottang langié sibawa linoé nasaba Aléna. Iyakiya tette'i matu Puwangnge méwaiwi sibawa linrungiwi Israélié, umma'-Na.

AMOS 1:2

Iyanaé napowada Amos, “Mangngaungngi Puwangnge polé ri Bulu-bulu Sion, maddalenrungngi saddan-Na polé ri Yérusalém. Marakkoi sining padang wellaé, marakko senna'ni wellaé ri Bulu Karmél.”

AMOS 3:8

Narékko mangngaungngi singaé, nigana dé' namétau? Narékko mabbicarai Puwang Iya Pommatanré, nigana mulléi mammekko sibawa dé' nappallebbangengngi pasenna?

WAHYU 14:2

Nainappaka méngkalinga séuwa sadda polé ri langié memmu pada-pada uwai jompi iya battowaé sibawa dalenrung guttué iya maseroé. Iyaro saddaé riyéngkalingai pada-pada oni paréwa oni-oni polé ri pakkacapié iya mattengngangngé paoniwi kacapinna.

WAHYU 15:1

Nainappa uwita ri langié séuwa iya makalallaingngé sibawa dé'gaga padanna serona. Engka pitu malaéka' sibawa pitu abala iya paccappurengngé. Iyanaé paccappurenna Allataala tuppa'i cai-Na.

WAHYU 15:7

Nainappa sala séddinna polé ri eppaé mahlu'éro mabbéré lao ri iya pitu malaéka'éro pitu onrong ulaweng iya pennoé sibawa caina Allataala, – Allataala iya tuwoé mannennungeng.

WAHYU 4:5

Polé ri kadéra arajangngéro massui cahaya billa'é enrengngé oni letté iya maddalenrungngé. Sibawa ri yolona kadéra arajangngé engka pitu sulo iya malluwa'-luwa'é; iyanaritu iya pitu Rohna Allataala.

WAHYU 8:5

Nainappa iyaro malaéka'é nala iyaro addupa-dupangngé, nanalisekiwi sibawa api polé ri mézbaé, nainappa naggenrungeng ri yasé'na linoé. Naddalenrunna guttué enrengngé siyanré-anré billa'é, kuwaéttopa mpéwanni tanaé.