WAHYU 10:1 - KITTA KAREBA MADECENG

¹ Nainappa uwita séddi malaéka' poré iya laingngé nonno polé ri surugaé. Risalipuriwi sibawa ellung, enrengngé séuwa tarawu mattemmuiwi ulunna. Tappana maccahaya pada-pada mata essoé, sibawa ajéna pada-pada alliri apié.

WAHYU 10:1 ပူးပေါင်းရင်းမြစ်များ

MAZMUR 104:3

sibawa patettongngi bolamu ri tompo'na uwai ri langié. Ellungngé Mupancaji karéta-Mu, Mutonangiwi pannina angingngé.

MAZMUR 97:2

Riyattulilingiwi ellung sibawa pettang; adélékengngé sibawa hukkungngé iyanaritu tettongenna apparéntan-Na.

ASSURENG 16:10

Ri wettu mabbicarana mupa Harun lao ri iya manenna, makkitani mennang lao ri padang kessi'é natappa paitani cahayana Puwangnge ri laleng ellungngé.

ELONG MARAJA 5:15

Ajéna pada-padai alliri-alliri marmer puté, sibawa pallanggana ulaweng tuléng. Pakkalénna siggagga sining bulué ri Libanon, sibawa siggello pong aras-é.

YESAYA 19:1

Iyanaé pasenna passalenna Maséré. Laowi Puwangnge ri Maséré tonangi ellung iya magattié. Ténré barahala-barahala Maséré'é ri yolo-Na sibawa marenni ati tau Maséré'é.

YESAYA 54:9

“Pada-pada ri wettunna Nuh majjanci-Ka makkedaé lémpe rajaé dé'na nalle'i linoé, makkuwatoro makkekkuwangngé majjanci-Ka makkedaé dé'na Umacai matu iyaré'ga mancakko paimeng.

AWATINGENG 3:44

Cai-Mu pada-padai ellung iya maumpe senna'é angkanna sempajatta dé' naulléi bettui.

YEHEZKIEL 1:28

sibawa madduparupang balona pada-pada tarawué. Iyanaro tajang pawilo-wiloé iya mappaitangngéngngi ahadérékenna Puwangnge.

DANIEL 10:6

Mattappa tubunna pada-pada paramataé, rupanna siccakka cahaya billa'é, sibawa malluwa-luwa' matanna pada-pada apié. Taiyya sibawa ajéna millak-killang pada-pada tembaga iya rigoso'é, sibawa saddanna paéngkalinga pada-pada saddanna tau maégaé.

DANIEL 7:13

Ri laleng pakkitakku iyaro wennié, uwitai séuwa iya pada-padaé tolino. Poléi sibawa riyattulilingi ri ellungngé nainappa lao ri Aléna iya tuwoé mannennungeng sibawa riyappaddissengeng lao ri aléna.

ANGIMANGENG 16:2

adan-Na, “Palettukengngi silessuremmu Harun makkedaé banna ri wettu iya ripattentué weddingngi muttama ri laleng Bili' Pommapaccingngé iya rilacce'é sibawa kaing paddenring, nasaba kuwaniro uwappaitang alé-Ku sibawa ellung ri yasé'na pattongkona Petti Assijancingngé. Rékko najjalékkaiwi Harun iyaro paréntaé, matéi matu.

MATIUS 17:2

Ri yolona mennang, tappinrani tappana Yésus: Macakkai rupan-Na pada-pada mata essoé sibawa pakéyan-Na maputé lala'-lala'.

LUKAS 21:27

Ri wettuénnaro napolé matu Ana'na Tolinoé ri ellungngé sibawa akuwasan-Na nenniya alebbiren-Na battowaé.

RIWAYA'NA RASUL-RASUL-E 26:13

Na wettukku ri tengnga laleng, kira-kira tangasso, Datu Iya Malebbié, uwitai cahayaé polé ri langié iya lebbi cakkaé naiya mata essoé. Iyaro cahayaé mattappai mattulilingika sibawa mattulilingiwi sining tau iya uwéwaé silaong joppa.

WAHYU 1:7

Itai, poléni risalipuri ri ellungngé! Sininna tauwé naitai matu Aléna, muttama toni mennang iya puraé gajangngi. Sininna bangsaé ri linoé mpatingngi matu nasaba Aléna. Iyyé, pasti! Aming!

WAHYU 18:1

Purairo uwitani séddi malaéka' laing nonno polé ri surugaé. Mappunnaiwi akuwasang iya battowaé, sibawa tappana mébbui sininna linoéwé mancaji macakka.

WAHYU 18:21

Purairo, séddi malaéka' iya poré makka séddi batu – silloppo batu allélurengngé iya battowaé – nainappa naggenrungeng ri lalenna tasi'é sibawa makkeda, “Makkuwaniyé carana kota Babél iya tassebbo'éro maélo riyaggenrungeng sibawa masero, angkanna dé'na nariruntu paimeng.

WAHYU 20:1

Purairo uwitani séddi malaéka' nonno polé ri surugaé. Ri limanna nakkatenningngi goncinna balorang amaténgngé sibawa séddi balenggu iya battowaé.

WAHYU 4:3

Rupanna iyaro tauwé mattappa pada-pada paramata baiduri pandangngé enrengngé paramata dalimaé. Séuwa tarawu mattappa zamrud mattulilingiwi iyaro kadéra arajangngé.

WAHYU 5:2

Nainappa uwita séddi malaéka' iya mawatangngé, gora-gora sibawa sadda iya maloppoé, “Niga sipato' reppa'i iyaé sining ségélé'é enrengngé timpa'i iyaé kitta'é?”

WAHYU 8:13

Nainappaka makkita, nauwéngkalingani sikaju manu'-manu' kuwajang iya mattengngangngé luttu ri bétaraé, gora, “Cilaka! Cilaka! Cilakai sininna tauwé ri linoé rékko naéngkalingai iya tellu malaéka' laingngéro seppungngi tarompé'na matti!”