WAHYU 1:7 - KITTA KAREBA MADECENG

⁷ Itai, poléni risalipuri ri ellungngé! Sininna tauwé naitai matu Aléna, muttama toni mennang iya puraé gajangngi. Sininna bangsaé ri linoé mpatingngi matu nasaba Aléna. Iyyé, pasti! Aming!

WAHYU 1:7 ပူးပေါင်းရင်းမြစ်များ

AYUB 33:26

Rékko massempajangngi, riyamaséiwi matu ri Allataala, nanapojiwi matu Allataala sibawa marennu nanapalisuwi matu Allataala keadaanna.

MAZMUR 22:16

Marakko tigero'ku pada-pada reppa pincengngé, maddeppé lilaku ri ellak-kellakku. Puwang, Musalaika ri tompo'na awué pada-pada tau iya matéénna.

MAZMUR 68:1

Untu' pamimping kor. Mazmurna Daud.

MAZMUR 97:2

Riyattulilingiwi ellung sibawa pettang; adélékengngé sibawa hukkungngé iyanaritu tettongenna apparéntan-Na.

YESAYA 19:1

Iyanaé pasenna passalenna Maséré. Laowi Puwangnge ri Maséré tonangi ellung iya magattié. Ténré barahala-barahala Maséré'é ri yolo-Na sibawa marenni ati tau Maséré'é.

DANIEL 7:13

Ri laleng pakkitakku iyaro wennié, uwitai séuwa iya pada-padaé tolino. Poléi sibawa riyattulilingi ri ellungngé nainappa lao ri Aléna iya tuwoé mannennungeng sibawa riyappaddissengeng lao ri aléna.

NAHUM 1:3

Mémeng Puwangnge, dé' namasitta macai; iyakiya makuwasa senna towi angkanna nigi-nigi pogau' asalang dé' Napaleppe'i matu polé ri pahukkungengngé. Kégi Puwangnge joppa, kuwaro mompo anginraja; ri onrong ajé-Na makkella, kuwaro awué mancaji ellung.

ZAKHARIA 12:10

Nainappa wija-wijanna Daud enrengngé pabbanuwana Yérusalém Uwéréngngi matu ati iya pojiyéngngi mamasé sibawa pojiyéngngi massempajang. Naitai matu mennang iya puraé nagajang mennang sibawa mpatingiwi pada-pada tau mpatingiyéngngi amaténna ana' tungke'na. Mpatingngi matu mennang sibawa mamasé, pada-pada tau iya ateddéngengngénna ana' macowa.

ZAKHARIA 12:11

Iyaro essoé engka matu mpatingeng masero ri Yérusalém, pada-pada mpatingengngé untu' Hadad-Rimon ri Lompo Megido.

ABBILANGENG 24:17

Uwitai, iyakiya tenniya makkekkuwangngé; utiroi, iyakiya polé mabéla. Séddiwi arung polé ri Israélié assalenna, poléi matu pada-pada wéttowing mattappaé. Sining pamimpinna Moab naancuru'i matu naancuru'i matu bangsa Sét.

MATIUS 16:27

Dé'na namaitta Ana'na Tolinoé silaong sining malaéka'-Na napolé matu sibawa akuwasanna Ambo'-Na. Iyaro wettué Nawale'i tungke'-tungke' tau situru pangkaukenna.

MATIUS 16:28

Issenni! Riyelle'mu mennang kuwaé engka dé' namaté matu, riwettu dé'napa naitai Ana'na Tolinoé polé selaku Arung.”

MATIUS 24:30

Purairo tanranna Ana'na Tolinoé paitani matu ri langié. Iyaro wettué sininna bangsaé ri linoé teriwi matu. Naitai matu mennang Ana'na Tolinoé polé ri yasé'na ellungngé sibawa akuwasanna enrengngé alebbirenna battowaé.

MATIUS 25:31

“Rékko poléi Ana'na Tolinoé selaku Arung ritinrosi ri sininna malaéka'-Na, tudangngi matu ri yasé'na kadéra arajan-Na iya malebbié.

MATIUS 26:64

Nappébali Yésus, “Makkuwaitu adatta puwang. Iyakiya ateppe'no: mappammulai makkekkuwangngé, muwitai matu Ana'na Tolinoé tudang ri seddé ataunna Allataala Iya Pommakuwasaé, sibawa polé ri yasé'na ellungngé ri langié!”

MARKUS 13:26

Iyaro wettué paitai matu Ana'na Tolinoé polé ri lalenna ellungngé sibawa akuwasanna battowaé nenniya marajaé.

MARKUS 14:62

Nappébali Yésus, “Iyya'na, namuwita maneng matu Ana'na Tolinoé tudang ri seddé ataunna Allataala Iya Pommakuwasaé enrengngé polé ri laleng ellungngé ri langié!”

LUKAS 21:27

Ri wettuénnaro napolé matu Ana'na Tolinoé ri ellungngé sibawa akuwasan-Na nenniya alebbiren-Na battowaé.

YOHANES 19:34

Iyakiya sala séddinna polé risining prajuri'éro gajangngi benrénna Yésus sibawa bessi; nassuna daraé sibawa uwai.

YOHANES 19:37

Ri laleng Kitta'é taroki towi, “Naitai matu mennang iya puraé mennang nagajang.”

1 TESALONIKA 1:10

Mabbicara towi mennang passalenna pékkugiko mamménasaiwi apolénna Ana'na Allataala polé ri surugaé, iyanaritu Yésus, iya puraé napatuwo Allataala polé ri amaténgngé. Yésus éttonaro iya passalamaékki polé ri caina Allataala iya mangoloé.

1 TESALONIKA 4:17

Purairo, idi iya tuwoé mupa iyaro wettué riyakkaki matu silaong mennang ri laleng ellungngé untu' siruntu Puwangngé ri langié. Nainappaki monro matu silaong Puwangngé lettu mannennungeng.

IBRANI 10:29

Pékkugi lebbi tane'na pahukkungeng iya harusu'é ripakennaiwi tau iya léjja'-léjja'éngngi Ana'na Allataala. Iyaro tauwé nangga' matunai dara assijancingenna Allataala, iyanaritu amaténna Kristus iya pépaccingiyéngngi polé ri dosaé. Napakatunai Roh iya mabbéré pammasé.

IBRANI 6:6

Iyakiya purairo nasalaiwi mennang atepperenna! Pékkugi makkulléi ripimping mennang lisu untu' toba'si polé ri dosa-dosana. Saba' mattengngangngi mennang nasallisi Ana'na Allataala sibawa mébbui ripakatu-Na ri yolona tau maégaé.

1 YOHANES 3:2

Saudara-saudara iya upojiyé! Idi makkekkuwangngé iyanaritu Ana'-ana'na Allataala, iyakiya keadaatta matti dé'pa namanessa. Iyakiya riissengngi makkedaé rékko poléi Kristus, mancajiki matu pada-pada Aléna, saba' taitai matu ri laleng keadaan-Na iya sitongennaé.

YUDAS 1:14

Hénokh, assossoreng mapitué polé ri Adam, riyolo engka naengka nabotoi passalenna sining tauwéro. Makkedai Hénokh, “Itai, maéloi polé Puwangngé sibawa massebbu-sebbu malaéka'-Na iya mapaccingngé

WAHYU 22:20

Iya palettu'éngngi sininna birittaéwé makkedai, “Tongeng, maélo-Ka polé masitta'!” Aming! Poléni' oh Puwang Yésus!

WAHYU 22:4

sibawa naitai tappa-Na. Asenna Allataala riyokii matu ri linrona mennang.

HAKING-HAKING 5:31

Tennapodo sining balim-Mu, oh Puwang, matéi pada-pada Siséra, iyakiya sininna sahaba'-Mu mattappai pada-pada mata essoé ri bitaraé! Purairo, amanni wanuwaéro patappulo taung ittana.