WAHYU 1:4 - KITTA KAREBA MADECENG

⁴ Saudara-saudara iya engkaé ripitué jema' ri daérana Asia! Iyya, Yohanés, mamménasaiko riwérékko barakka sibawa asaléwangeng polé ri Allataala – iyanaritu Aléna iya engkaé, iya engkaénna, sibawa iya engkaénna matteru – kuwaéttopa polé ri iya pitu roh iya engkaé ri yolona kadéra arajanna Allataala,

WAHYU 1:4 ပူးပေါင်းရင်းမြစ်များ

MAZMUR 90:2

Ri wettu dé'napa naripancaji sining bulué, ri wettu dé'napa Mutappai linoé, Iko ritu Allataala iya mannennungengngé, dé' pammulanna sibawa dé' paccappurenna.

ASSURENG 3:14

Nakkeda Allataala, “Iyya iyanaritu Iyya engka. Iyanaé harusu mupowada lao ri bangsa Israélié, Aléna iya riteppué Iyya engka, pura suroka lao ri iko.

YESAYA 11:2

Akuwasanna Puwangnge pimpingngi matu, pancajiwi engka akkalenna sibawa mapanré, macca mala apettung sibawa pogau'i; missengngi élona Allataala sibawa métau ri Aléna.

YESAYA 41:4

Niga pogau' manengngi iyaro? Niga pattentui lalenna sejaraé? Iyya, Puwang, Iyya'na ritu iya mammulangngé, sibawa tette engka lettu paccappureng.

YESAYA 57:15

Saba' makkuwaiyé adanna Allataala Iya Pommatanré sibawa mapaccingngé, iya makuwasaé untu' mannennungeng, “Monroka ri onrong iya matanré sibawa mapaccingngé, iyakiya ri yelle'nato sining tau iya mariyawa atié sibawa iya sesse'éngngi dosa-dosana, untu' palisui sumange'na sibawa amménasanna mennang.

MIKHA 5:2

Jaji, naleppessangngi matu Puwangnge umma'-Na rikuwasai risining balinna narapi makkunrai iya ripattentué untu' mancaji indo'na iyaro panguwasaé jajiyangngi Aléna. Purairo sining tau sibangsana iya engkaé ri appalirengngé ripasséddiwi matu paimeng sibawa bangsana.

ZAKHARIA 3:9

Upalénne'i matu ri yolona Yosua séddi batu massulapa pitu iya Usobbi'é matu sibawa oki-oki. Ri laleng si essoé Uwabbéyangngi matu dosaé polé ri wanuwaéwé.

ZAKHARIA 6:5

Mappébaliwi, “Joppai mennang lao ri iya eppa sulapa'é puranana mennang mangolo ri Puwang sininna alangngé.

YOHANES 1:1

Ri pammulanna, dé'napa naripancaji linoé, engka mémenni Saddaé. Engkai Saddaé silaong Allataala sibawa Saddaé pada-padai Allataala.

RIWAYA'NA RASUL-RASUL-E 19:10

Napogau'i iyaro gau'éro matteru-teru sitaung ittana narapi sininna tauwé iya monroé ri daéra Asia, muwi tau Yahudi iyaré'ga tau bangsa laing, iya manenna naéngkalingai ada-adanna Puwangngé.

RIWAYA'NA RASUL-RASUL-E 2:9

Idi'é sining tau polé ri Partia, Média, Elam; polé ri Mésopotamia, Yudéa sibawa Kapadokia; polé ri Pontus sibawa Asia,

ROMA 1:7

Iyaro saba'na uwokii iyaé sure'é lao ri iko. Tennapodo Allataala Ambo'ta sibawa Puwang Yésus Kristus mabbéré barakka sibawa asaléwangeng lao ri iko.

2 KORINTUS 1:2

maddennuwang tennapodo Allataala, Ambo'ta sibawa Puwang Yésus Kristus mabbéré barakka enrengngé asaléwangeng lao ri iko.

IBRANI 13:8

Yésus Kristus tette'i pada, muwi riyolo, makkekkuwangngé, enrengngé lettu mannennungeng.

YAKOBUS 1:17

Tungke' pabbéré iya makessingngé sibawa hadiya iya sukkué apolénna poléi ri surugaé, napanurungngi Allataala, Pabbinruna sininna tajangngé ri langié. Aléna ritu Allataala iya dé'é nappinra sibawa dé'to nassabariwi muwi pettang aga.

WAHYU 1:1

Lise'na iyaé kitta'é passalenna aga iya napowadaé Yésus Kristus passalenna sining kajajiyang iya kajajiyangngé matti. Allataala mappaissengengngi lao ri Kristus kuwammengngi nappaitangngi lao ri ata-atanna Allataala aga iya masitta'é harusu kajajiyang. Nasuroi Kristus malaéka'-Na lao ri Yohanés, atan-Na, untu' mappaissengengngi sining kajajiyangngéro lao ri aléna.

WAHYU 1:11

Mabbicarai iyaro saddaé, “Okii aga iya muwitaé, namukiringngi iyaro kitta'é lao ri iya pitu jema'éwé: Efésus, Smirna, Pérgamus, Tiatira, Sardis, Filadelfia sibawa Laodikia.”

WAHYU 1:17

Wettukku mitai Aléna, mabuwanna ri yolo-Na pada-pada tau maté. Iyakiya napalénne'i lima ataun-Na ri iyya nainappa makkeda, “Aja' mumétau! Iyya'na iya pammulangngé sibawa iya paccappurengngé.

WAHYU 1:20

Iyanaé rahasiyana polé ripitué wéttowing iya muwitaé ri lima atauk-Ku, sibawa polé ripitu ajé lampu ulawengngéro: Iyaro pitué wéttowing iyanaritu sining malaéka'na pitu jema'é, sibawa pitu ajé lampuro iyanaritu pitu jema'éro.”

WAHYU 1:8

“Iyya'na ritu iya pammulangngé sibawa iya paccappurengngé,” adanna Puwang Allataala, iya engkaé, sibawa iya engkaénna enrengngé iya engkaé matteru, Iya Pommakuwasaé.

WAHYU 1:9

Iyya Yohanés, saudaramu iya siputotoé sibawa iko ri laleng anrasa-rasangngé iya napéneddingiyé tungke' iya maccowériyéngngi Kristus. Tahakki manrasa-rasa selaku umma' appunnangen-Na. Ripalika ri Pulo Patmos nasaba uwappallebbangengngi paseng polé ri Allataala, iya napakkasse'é Yésus naolai asabbiyan-Na.

WAHYU 16:5

Uwéngkalingani malaéka' iya makuwasaiyéngngi uwai makkeda, “Pahukkungeng iya Mupatakkennaé iyanaritu adélé'i, oh Pommapaccingngé, Allataala iya engkaé, sibawa iya engkaénna!

WAHYU 2:12

“Lao ri malaéka'na jema'é ri Pérgamus, okii makkuwaé: Iyanaé paseng polé ri Aléna iya makkatenningngé peddang iya matareng walié.

WAHYU 2:18

“Lao ri malaéka'na jema'é ri Tiatira, okii makkuwaéwé: Iyanaé paseng polé ri Ana'na Allataala, iya malluwa'-luwa'é matan-Na pada-pada apié, enrengngé ajé-Na mabbara pada-pada tembaga ritunué.

WAHYU 2:8

“Lao ri malaéka'na jema'é ri Smirna, okii makkuwaéwé: Iyanaé paseng polé ri Aléna iya mammulangngé sibawa paccappurengngé – iya matéénna natuwo paimeng.

WAHYU 22:16

“Iyya, Yésus, pura suroi malaéka'-Ku lao ri iko kuwammengngi nappassengengngi gau'-gau'éwé untu' apentingenna jema'-jema'é. Iyya'naé wija-wijanna Daud; Iyya'naé wéttowing alau iya macakkaéro.”

WAHYU 22:8

Iyya, Yohanés, pura méngkalingai sibawa mitai iya manennaé. Puranana uwéngkalinga sibawa mitai, tassulunna ri yolona malaéka' iya puraé majjellokengngi iya manennaro lao ri iyya, namaéloka sompai,

WAHYU 3:1

“Lao ri malaéka'na jema'é ri Sardis, okii makkuwaé: Iyanaé paseng polé ri Aléna iya mappunnaiyé pitu roh polé ri Allataala enrengngé iya pitu wéttowingngéro. Uwisseng aga iya mupogau'é. Adanna tuwoko, padahal matéko!

WAHYU 3:14

“Lao ri malaéka'na jema'é ri Laodikia, okii makkuwaé: Iyanaé paseng polé riyasengngé Aming, Sabbi iya matinulué enrengngé tongengngé, assalenna séuwa-séuwaé iya napancajiyé Allataala.

WAHYU 3:7

“Lao ri malaéka'na jema'é ri Filadelfia, okii makkuwaé: Iyanaé paseng polé ri Aléna iya mapaccingngé enrengngé tongengngé. Aléna ritu pakkatenning goncing iya nappunnaiyé Daud; rékko natimpa'i, dé' muwi séddi mulléi tongkoi, sibawa rékko tattongkoi, dé' muwi séddi tau mulléi timpa'i.

WAHYU 4:5

Polé ri kadéra arajangngéro massui cahaya billa'é enrengngé oni letté iya maddalenrungngé. Sibawa ri yolona kadéra arajangngé engka pitu sulo iya malluwa'-luwa'é; iyanaritu iya pitu Rohna Allataala.

WAHYU 4:8

Iya eppa mahlu'éro, tungke'-tungke' mappunnaiwi enneng panni, sibawa ri mattulilinna enrengngé ri lalenna pennoi sibawa mata. Esso wenni iyaro mahlu'-mahlu'é dé' nappésau makkélong, “Mapaccing, mapaccing, mapaccingngi Puwangngé, Allataala Pommakuwasaé; iya engkaé, iya engkaénna, sibawa iya engkaé matteru.”

WAHYU 5:6

Nainappa uwita séddi Ana' Bimbala' tettong ri tengnga-tengngana kadéra arajangngéro, riyattulilingi ri iya eppa mahlu'é enrengngé sininna pamimpingngéro. Iyaro Ana' Bimbala'é samanna purani rigéré. Mappunnaiwi pitu tanru' sibawa pitu mata: iyanaritu pitu roh polé ri Allataala iya puraé risuro lao ri sininna linoé.

WAHYU 8:2

Nainappa uwita iya pitu malaéka' iya tettongngé ri yolona Allataala, sibawa riwéréngngi mennang pitu tarompé'.