WAHYU 1:3 - KITTA KAREBA MADECENG

³ Masennangngi tau iya bacaéngngi sibawa tau iya méngkalingaéngngi biritta botona iyaé Kitta'é enrengngé matinulu lao ri aga iya tarokié ri lalenna. Saba' dé'na namaittana nakajajiyang matu iya manennaé.

WAHYU 1:3 ပူးပေါင်းရင်းမြစ်များ

AMSAL 8:34

Masennangngi tau iya méngkalingaékka iya tungke esso-essoé tudang mattajeng ri sumpang bolaku, sibawa majjaga-jaga ri gerbang onronna.

YEREMIA 51:61

Nainappa makkedaka lao ri Séraya, “Lettu'mu muwa ri Babél, usahakangngi kuwammengngi na sininna iya tarokié ri laleng kitta'éwé weddingngi mubacangeng sining tauwé kuwaro.

MATIUS 24:15

“Muwitai matu ‘Ja iya paancuru'é’, pada-pada napowadaé Nabi Daniél, tettong ri onrong mapaccingngé. (Papparéngngerang lao ri pabbacaé: Pénessaiwi aga bettuwanna.)

LUKAS 11:28

Iyakiya mappébaliwi Yésus, “Lebbi masennappi tau iya méngkalingaéngngi ada-adanna Allataala sibawa pajoppaéngngi!”

ROMA 13:11

Ri lainnaé iya manennaro muwisseng makkedaé iyaé wettué iyanaritu wettummu untu' pésedding polé ri tinroé. Saba' wettunnana untu' ripassalama'ki pédé' macawé'ni makkekkuwangngéwé naiya wettutta bunge' nappa mammula mateppe'.

ROMA 13:12

Mawé'ni labe' wennié; nadé'na namaitta namatajang. Jaji, madécéngenni mappésauki pogau'i pangkaukeng-pangkaukeng mapettangngé. Harusu'ki passakkekiwi aléta sibawa senjata tajang.

1 PETRUS 4:7

Sininna séuwa-séuwaé nacawékini accappurenna, rimakkuwannanaro sitinajako makuwasaiwi alému sibawa matike', kuwammengngi muwulléi massempajang.

2 PETRUS 3:8

Iyakiya Saudara-saudaraku, iyaro séddié passaleng aja' muwallupaiwi: makkedaé ri laleng pakkitanna Puwangngé, séddié esso dé'gaga sisalana sibawa sisebbu taung – duwa-duwanna pada-pada muwi ri Aléna.

WAHYU 22:10

Nainappa makkedasi, “Aja' murahasiyakangngi ada-ada botoé ri laleng kitta'éwé, saba' macawé'ni wettunna iya manennaé maélo kajajiyang.

WAHYU 22:12

Nakkeda Yésus, “Pénessaiwi iyaé! Dé'na namaittana Umaélo polé sibawa tiwi saro untu' mpale'i tungke' tau situru aga iya puraé napogau'.

WAHYU 22:20

Iya palettu'éngngi sininna birittaéwé makkedai, “Tongeng, maélo-Ka polé masitta'!” Aming! Poléni' oh Puwang Yésus!

WAHYU 3:11

Masitta'-Ka polé! Jagaiwi madécéd-décéng aga iya muwappunnangiyé, kuwammengngi nadé' muwi séddi tau malai hadiya apakalammu.