WAHYU 1:1 - KITTA KAREBA MADECENG

¹ Lise'na iyaé kitta'é passalenna aga iya napowadaé Yésus Kristus passalenna sining kajajiyang iya kajajiyangngé matti. Allataala mappaissengengngi lao ri Kristus kuwammengngi nappaitangngi lao ri ata-atanna Allataala aga iya masitta'é harusu kajajiyang. Nasuroi Kristus malaéka'-Na lao ri Yohanés, atan-Na, untu' mappaissengengngi sining kajajiyangngéro lao ri aléna.

WAHYU 1:1 ပူးပေါင်းရင်းမြစ်များ

MAZMUR 25:14

Puwangnge iyanaritu sellaona tau mateppe'é, napannessai akkatta-Na lao ri mennang.

DANIEL 8:16

Uwéngkalingai sadda iya mangobbié ri liwenna Salo Ulai, adanna, “Gabriél, pakatajanni lao ri aléna pakkitangngéro.”

DANIEL 9:21

Ri wettu massempajakku, Gabriél iya puraé uwita ri laleng pakkitakku iya riyoloéro, luttui mattuju lao ri iyya. Iyaro wettué, wettunna tauwé makkasuwiyangeng akkarobangeng arawéng.

DANIEL 9:23

Wettummu mammula méllauwi lao ri Allataala, mabbéréi pappébali. Poléka palettu'i saba' Namaséiko. Nah, éngkalingai madécéd-décéng ri wettu upakatajanna bettuwanna pakkitangngéro.

AMOS 3:7

Puwang Iya Pommatanré dé' naengka napogau'i séuwaé tennapannessai rancana-Na lao risining nabié, ata-atan-Na.

YOHANES 12:49

Saba' dé' Uwabbicara polé ri élo alé-Ku; Ambo'é suro-Ka, Aléna ritu parénta-Ka aga harusu' Upowada sibawa Upalettu'.

YOHANES 15:15

Dé'na Uwobbiko ata, saba' ataé dé' naissengngi aga napogau' puwanna. Uwobbiko sellao, saba' sininna Uwéngkalingaé poléi ri Ambo'é, pura manenni Upaissengiko.

YOHANES 17:8

Purani Upalettu' ri mennang ada-ada iya nawéréngngék-Ka Ambo'; napurani natarima mennang. Naisseng mennang makkedaé Ambo' ritu suro-Ka.

YOHANES 3:32

Mabbicarai passalenna iya puraé naita sibawa naéngkalinga, iyakiya dé' séddi tau mateppe' ri pappésabbiyan-Na.

YOHANES 8:26

Maéga mupa passaleng iya maéloé Upowada sibawa madéléki. Iyakiya iya suroék-Ka wedding riyatepperi. Na Iyya paissengiwi linoé aga Uwéngkalinga polé ri Aléna.”

ROMA 16:25

Ripojiwi Allataala! Makuwasai péwatangiwi atepperenna Saudara situru Karéba Madécéng polé ri Allataala iya uwabbirittangngé passalenna Yésus Kristus. Uwabbirittangngi iyaro karébaé situru sibawa aga iya napannessaé Allataala; iyanaritu rancanana Allataala iya maddatu-datu taungngénna ittana dé' naissengngi tauwé.

GALATIA 1:12

Dé' utarimai iyaro karébaé polé ri tolinoé, sibawa dé'to muwi séddi tau iya mappagguruwangngéngngi lao ri iyya. Yésus Kristus muto ritu iya pallessuéngngi lise'na Karéba Madécéngngéro polé ri iyya.

EFESUS 3:3

Nabukkai Allataala rahasiyana rancana-Na nanapowadakka. (Passalenna iyaé purani uwokii riyolo sibawa marippe,

TITUS 1:1

Ana'ku Titus! Iyya, Paulus, mokii iyaé sure'é selaku atanna Allataala sibawa rasulna Yésus Kristus. Ripiléka sibawa risuro untu' tulungngi sining tau napilé Allataala kuwammengngi namancaji mawatang ri laleng teppe'na mennang. Harusu tokka pimpingngi mennang kuwammengngi naissengngi pappagguruwang iya tongengngé iya nappagguruwangngé agamata.

WAHYU 1:19

Rimakkuwannanaro, okii gau'-gau' iya muwitaé, iyanaritu gau'-gau' iya engkaé makkekkuwangngéwé, sibawa gau'-gau' iya kajajiyangngé matu matti.

WAHYU 1:9

Iyya Yohanés, saudaramu iya siputotoé sibawa iko ri laleng anrasa-rasangngé iya napéneddingiyé tungke' iya maccowériyéngngi Kristus. Tahakki manrasa-rasa selaku umma' appunnangen-Na. Ripalika ri Pulo Patmos nasaba uwappallebbangengngi paseng polé ri Allataala, iya napakkasse'é Yésus naolai asabbiyan-Na.

WAHYU 17:1

Purairo sala séddinna tau polé ri iya pitu malaéka' iya makkatenningngé pitu onrongngéro laowi ri iyya sibawa makkeda, “Laono mai, maéloka paitakko pékkugi iyaro cakkuribang battowaé rihukkung matu, iyanaritu kota battowaéro iya ripatettongngé ri seddéna sining saloé!

WAHYU 19:10

Tassulunna ri yolona iyaro malaéka'é maélo sompai, iyakiya makkedai lao ri iyya, “Aja'! Aja' musompaka, sompai Allataala! Saba' iyya atato pada-pada iko enrengngé pada-pada sininna saudaramu iya makkatenning masse'é ri asabbiyanna Yésus!” Saba' asabbiyanna Yésusnaro iya panurungengngéngngi tau iya mabbotoé.

WAHYU 19:9

Nainappa makkeda iyaro malaéka'é lao ri iyya, “Okii iyaé: ‘Masennangngi tau iya riundangngé lao ri pésta akawingenna iyaro Ana' Bimbala'é.’ ” Nainappa iyaro malaéka'é tambai towi, “Iyanaé biritta tongeng polé ri Allataala.”

WAHYU 21:2

Nauwitani iyaro kota mapaccingngé, iyanaritu Yérusalém iya mabarué, nonno polé ri Allataala. Iyaro kotaé purani ripassadiya pada-pada séddié botting makkunrai iya ribélo-béloiyé untu' duppaiwi bottimpurané.

WAHYU 21:9

Séddi polé ri iya pitu malaéka' iya puraé makkatenningngi sining onrong iya pennoé sibawa iya pitu abala paccappurengngéro laoni ri iyya sibawa makkeda, “Laono mai! Maéloka jellokekko Bottingngé, iyanaritu bainéna Ana' Bimbala'é.”

WAHYU 22:1

Najjelloreng towi iyaro malaéka'é lao ri iyya salo iya mabbéré atuwong uwaina. Iyaro saloé reppe-reppe pada-pada kacaé. Sibawa massolo'i polé ri kadéra arajanna Allataala sibawa Ana' Bimbala'éro,

WAHYU 22:16

“Iyya, Yésus, pura suroi malaéka'-Ku lao ri iko kuwammengngi nappassengengngi gau'-gau'éwé untu' apentingenna jema'-jema'é. Iyya'naé wija-wijanna Daud; Iyya'naé wéttowing alau iya macakkaéro.”

WAHYU 22:6

Nainappa makkeda iyaro malaéka'é lao ri iyya, “Iyaé sining ada-adaé tongengngi sibawa weddingngi riyatepperi. Puwang Allataala iya mabbéréyangngéngngi Roh-Na lao ri nabi-nabié, pura suroi malaéka'-Na untu' majjellokengngi lao risining atan-Na aga iya masitta'é harusu kajajiyang.”

WAHYU 22:8

Iyya, Yohanés, pura méngkalingai sibawa mitai iya manennaé. Puranana uwéngkalinga sibawa mitai, tassulunna ri yolona malaéka' iya puraé majjellokengngi iya manennaro lao ri iyya, namaéloka sompai,

WAHYU 22:9

iyakiya makkedai lao ri iyya, “Aja'! Aja' musompaka! Sompai Allataala! Saba' iyya ata muto pada-pada iko, sibawa pada-pada saudara-saudaramu sining nabié sibawa sininna tauwé iya turusiyéngngi sining paseng ri laleng kitta'éwé!”

WAHYU 4:1

Purairo lolongessika pakkitang. Uwitai séddi tange' tattimpa' ri surugaé. Nainappa riyéngkalingasi sadda iya bunge'na pura mabbicara lao ri iyya pada-pada oni tarompé'é. Makkedai iyaro saddaé, “Enré'no kuwaé. Maélo-Ka mappaitangngi lao ri iko aga iya maéloé kajajiyang matti.”

WAHYU 5:7

Nainappa malluru iyaro Ana' Bimbala'é sibawa malai iyaro kitta lulungngé polé ri lima ataunna tau iya tudangngé ri yasé'na kadéra arajangngé.