ULANGENG 9:7 - KITTA KAREBA MADECENG

⁷ Engngerangngi pékkugiwi Puwang Allataalamu macai ri padang kessi'é. Sipongenna musalai Maséré narapi lettu'ko kuwaé, muéwai Puwangnge.

ULANGENG 9:7 ပူးပေါင်းရင်းမြစ်များ

ASSURENG 14:10

Wettunna naita tau Israélié polé arung Maséré sibawa tentarana, métau senna'ni mennang sibawa kelli lao ri Puwangnge méllau pattulung.

ASSURENG 14:11

Nakkeda mennang lao ri Musa, “Dé'ga gaga kuburu ri Maséré, angkanna mutiwiki kuwammengngi tamaté ri onrongngéwé? Itani addimonrinna pangkaukemmuro!

ASSURENG 16:2

Ri padang kessi'éro mannoko-noko manenni lao ri Musa sibawa Harun.

ASSURENG 17:2

Namannoko-noko'na mennang lao ri Musa sibawa makkeda, “Wérékki uwai rénung.” Nappébali Musa, “Magi muwannoko-noko sibawa cobaiwi Puwangnge?”

ASSURENG 23:21

Puriatiwi sibawa turusiwi. Aja' mumaronta lao ri aléna nasaba suro-Kui, sibawa dé' naddampengengngi matu pelanggarammu.

YESAYA 48:8

Uwisseng dé' naweddikko riyatepperi, riyolopa mutarompo selaku tomadoraka. Rimakkuwannanaro dé' muwissengngi, dé' muwi séddi ada lettu ri daucculimmu.

YEREMIA 11:10

Purani mennang napogau' dosa iya napogau'é toriyolona mennang iya dé'é namaélo matinulu lao ri Iyya, sompai mennang déwata-déwata laing sibawa dé' namaélo turusiwi parénta-Ku. Muwi Israélié iyaré'ga Yéhuda majjalékaiwi assijancing iya puraé Uwébbu sibawa toriyolona.

YEREMIA 32:30

Bunge pammulang sejarana mupa mennang, purana naébbu Iyya dé' namasennang tau Israélié sibawa tau Yéhudaé. Napaénré'i mennang cai-Ku sibawa pangkaukeng-pangkaukenna mennang iya majaé.

YEREMIA 44:9

Muwallupainiga sininna ja iya napogau'é toriyolomu, arung-ngarunna Yéhuda sibawa sining bainéna mennang nenniya iko sibawa sining bainému ri tana Yéhuda sibawa risining lalenna kota Yérusalém?

YEHEZKIEL 20:13

Iyakiya ri padang kessi'éttonaro naéwa-Ka mennang. Najjalékkaiwi mennang parénta-parénta-Ku, sibawa sampéyangngi hukkung-hukkuk-Ku iya tanggungngéngngi makkedaé tau iya turusiyéngngi tette'i tuwo. Nacarépai senna'i mennang esso Saba'é. Rimakkuwannanaro, ri padang kessi'éro sadiyana maélo-Ka malleppessangngi ajjallo'na cai-Ku lao ri mennang sibawa pabbinasai mennang.

YEHEZKIEL 20:43

Muwéngngeranni matu kuwaro sininna pangkaukeng mappakaciddi-ciddi iya puraé panajisi'i alému. Namaja matu péneddimmu méngngerangngi sininna jaéro.

YEHEZKIEL 20:8

Iyakiya naéwa-Ka mennang sibawa dé' namaélo méngkalinga-Ka. Dé' namaélo mennang buwangngi dato-dato iya mappakaciddi-ciddi'éro sibawa dé'to namaélo mappésau sompai barahala-barahalana Maséré. Wettunna mennang kuwa mupiro, sadiyana maélo leppessangngi cai-Ku lao ri mennang.

YEHEZKIEL 36:31

Maréngngerakko matu lao ri ampé-ampému iya majaé sibawa tindakammu iya dé'é nasitinajaro, nainappako mancaji maciddi ri alému muto nasaba dosa-dosamu sibawa atunammuro.

ABBILANGENG 11:4

Ri laleng allalengenna sining tau Israéliéro engkato sining tau laing maccowé. Macinna senna'i mennanro manré juku, na tau Israélié mammula toni maddaréké. Adanna mennang, “Ah, coba engka juku untu' idi!

ABBILANGENG 14:22

makkedaé polé risining tauwéwé dé' muwi séddi tau tuwo mupa untu' muttamakiwi wanuwa iya puraé Uwajjanciyang lao ri néné-nénéna mennang. Saba' dé' namaélo mapato ri Iyya, sibawa matteru-teruna cobaika. Padahal purani naita cahaya-Ku iya pawilo-wiloé, sibawa sining anu makalallaing iya Upogau'é ri Maséré sibawa ri padang kessi'é.

ABBILANGENG 17:10

Namakkeda Puwangnge lao ri Musa, “Palénne'ni tekekenna Harun paimeng ri yolona Petti Assijancingngé. Iyaro tekkengngé harusu'i ritaro selaku papparéngngerang lao ri tau Israélié iya pojiyéngngi maronta'ro makkedaé matéi matu mennang rékko dé' nappésau mannoko-noko.”

ABBILANGENG 21:5

namannoko-noko lao ri Allataala sibawa Musa. Makkedai mennang, “Magi mutiwiki massu polé ri Maséré? Aga untu' mpunoki ri padang kessi'éwé? Kuwaé dé' gaga inanré, sibawa dé'to gaga uwai. Majani pénedditta sibawa inanré iya makawaéwé!”

ABBILANGENG 25:2

Iyaro sining makkunraié naérai mennang lao ri pésta-pésta akkarobangngé untu' pakalebbii déwatana mennang. Maccowé toni tau Israélié manréi iyaro akkarobangngé sibawa sompai déwatana tau Moab-é.

1 KORINTUS 15:9

Iyya iyanaritu rasulna Puwangngé iya kaminang mariyawaé. Dé' usitinaja riteppu rasul, saba' purani upanrasa-rasa jema'na Allataala.

EFESUS 2:11

Saudara-saudara tenniyaé tau Yahudi! Engngerangngi keadaammu wettu riyolo: Riteppuko “tau tenrisunna”, ri tau Yahudié iya mangakué risunna (akkattana iya lolongengngénnaé tanrang iya naébbué tolinoé ri tubunna).

ULANGENG 31:27

Uwisseng mennang matedde ati senna sibawa napoji maronta. Ri wettu tuwoku mupa maronta'i mennang lao ri Puwangnge; apalagi matti, rékko maténa!

ULANGENG 8:2

Engngerangngi! Patappulo taung ittana Puwang Allataalamu pimpikko ri laleng allalengeng mabélaé molai padang kessi'é. Iyaro allalengengngé nakkattaiwi Puwangnge untu' cobaiko, kuwammengngi Naulléi mitai aga tattampu ri laleng atimmu sibawa aga muturusiwi matu parénta-parénta-Na.

ULANGENG 9:24

Sipongenna uwissekko, tuli muéwai Puwangnge.

ULANGENG 9:4

Puranana napaddésukekko Puwang Allataalamu, aja' muwasengngi makkedaé natiwiko kuwaro untu' mappunnaiwi tanaéro nasaba makessikko sibawa pogau'i élona Puwang Allataalamu angkanna sitinaja tarimai. Dé' sises-siseng! Napaddésu'i Puwangnge bangsa-bangsaéro untu' iko nasaba majai mennang. Naleppessakko Puwangnge malai tanana mennang, nasaba macinnai rupaiwi jancin-Na lao ri néné-nénému Abraham, Ishak sibawa Yakub.