ULANGENG 9:4 - KITTA KAREBA MADECENG

^4-5 Puranana napaddésukekko Puwang Allataalamu, aja' muwasengngi makkedaé natiwiko kuwaro untu' mappunnaiwi tanaéro nasaba makessikko sibawa pogau'i élona Puwang Allataalamu angkanna sitinaja tarimai. Dé' sises-siseng! Napaddésu'i Puwangnge bangsa-bangsaéro untu' iko nasaba majai mennang. Naleppessakko Puwangnge malai tanana mennang, nasaba macinnai rupaiwi jancin-Na lao ri néné-nénému Abraham, Ishak sibawa Yakub.

ULANGENG 9:4 ပူးပေါင်းရင်းမြစ်များ

KAJAJIYANG 15:16

Labe'nana eppa assossoreng, lisuni matu ana' eppomu kuwaé, nasaba dé' Urukkai matu tau Amorié ri wettu dé'napa mennang namaja senna angkanna parellui rihukkung.”

YEHEZKIEL 36:22

Narimakkuwannanaro, palettu'i aga Iyya Puwang Iya Pommatanré upowada lao ri bangsa Israélié, ‘Aga iya maéloé Upogau' matti tenniya nasaba iko, éh sining tau Israélié, sangadinna nasaba asek-Ku iya mapaccingngé, iya puraé mucarépai kégi-kégiko lao.

YEHEZKIEL 36:32

Engngerangngi éh Israélié, makkedaé iya manennaro Upogau'i tenniya nasaba iko. Harusu'ko masiri sibawa matuna nasaba ampé-ampému. Iyya Puwang Iya Pommatanré pura mabbicara.’ ”

ANGIMANGENG 18:3

Aja' muturui pangkaukenna tauwé ri Maséré, onrong puraé muwonroi, iyaré'ga tauwé ri Kanaan, kégi Utiwiko makkekkuwangngé.

ROMA 11:20

Mémeng tongeng iyaro. Iyakiya riyabbéyangngi mennang nasaba dé' namateppe' mennang, na Saudara ritarima nasaba mateppe'i Saudara. Jaji aja'na namatempo Saudara nasaba iyaro; sibalé'na harusu'i Saudara métau.

ROMA 11:6

Napiléi mennang situru pammasé-Na sibawa tenniya situru pangkaukenna mennang. Saba' rékko iyaro pappiléna Allataala siturui pangkaukenna tolinoé, tentu iyaro pammaséna Allataala tenniyana pammasé iya tongengngé.

1 KORINTUS 4:4

Dé' uwasengngi aléku pasala muwi ri laleng aga, iyakiya iyaro tenniya buttinna makkedaé mémekka dé' upassala. Aléna Puwangngé ritu iya pattentuéngngi pasalaka iyaré'ga dé'.

1 KORINTUS 4:7

Niga pancajiwi Saudara lebbi naiya tau laingngé? Dé'ga nasininna séuwa-séuwaé natarimai Saudara polé ri Allataala? Jaji, magi mumaélo mammingkikengngi alému, samanna aga iya engkaé ri Saudararo tenniya séuwa iya riyabbéréyangngé?

ULANGENG 12:31

Carana iyaro bangsa-bangsaé sompai déwata-déwatana mennang, aja' muturui untu' sompai Puwang Allataalamu, saba' massompai mennang sibawa pogau'i pangkaukeng-pangkaukeng majaé iya nabenciyé Puwangnge. Mala ana'-ana'na muto mennang natunu ri yasé'na mézbaé selaku akkarobangeng untu' déwata-déwatana mennang.

ULANGENG 31:27

Uwisseng mennang matedde ati senna sibawa napoji maronta. Ri wettu tuwoku mupa maronta'i mennang lao ri Puwangnge; apalagi matti, rékko maténa!

ULANGENG 8:17

Jaji, aja' sises-siseng muwappikkiri makkedaé nasibawang usaha sibawa awatangeng alému namumancaji sugi.

ULANGENG 9:24

Sipongenna uwissekko, tuli muéwai Puwangnge.

ULANGENG 9:7

Engngerangngi pékkugiwi Puwang Allataalamu macai ri padang kessi'é. Sipongenna musalai Maséré narapi lettu'ko kuwaé, muéwai Puwangnge.

2 TIMOTIUS 1:9

Napassalama'ki Allataala sibawa naobbiki kuwammengngi namancaji umma' ri Aléna. Napogau'i iyaro tenniya nallalengiwi aga iya puraé ripogau', sangadinna nallalengiwi rancana-Na muto sibawa pammasé-Na. Nawérékki pammasé-Na naolai Kristus Yésus riwettu dé'napa naripancaji linoéwé.