ULANGENG 9:3 - KITTA KAREBA MADECENG

³ Iyakiya makkekkuwangngé, alému matu sabbingngi pékkugi Puwang Allataalamu joppa ri yolomu pada-pada api iya paangurengngé. Nacaui matu mennang ri yolona matammu, angkanna mulléi paddésu'i sibawa paccappui mennang sibawa masitta pada-pada iya najjanciyangngé Puwangnge.

ULANGENG 9:3 ပူးပေါင်းရင်းမြစ်များ

ASSURENG 23:23

Malaéka'-Ku poddiyoloiko matu sibawa tiwiko ri wanuwanna bangsa Amorié, Hét-é, Feris-é, Kanaangngé, Héwié sibawa Yébus-é, sibawa ripaccappui matu mennang.

YESAYA 27:4

Dé'na Umarasa macaina. Ebara'na engka wella iyaré'ga alekale maddori, maélo-Ka paccappui, sibawa tunu manengngi.

YESAYA 30:27

Akuwasanna sibawa arajanna Puwangnge paitai polé mabéla. Api sibawa rumpué mappaitangngi cai-Na. Mabbicarai sibawa mennang, sibawa ada-adan-Na mattunui pada-pada apié.

YESAYA 30:30

Napparéngkalingangngi matu saddanna Puwangnge iya marajaé, sibawa tungke tau napéneddingiwi matu akuwasan-Na iya héba'é. Cai-Na papoléi matu api iya paangurengngé, bosi raja, bosi batu sibawa anginraja.

YESAYA 30:33

Riyilopa napura napassadiya onrong attunung untu' arung Asyur. Iyaro onrongngé maliyung sibawa malowang, mallise aju tunung iya maggoppo-goppoé. Puwangnge palluwa'i matu sibawa masseppungengngi nappase'-Na pada-pada salo belérangngé.

YESAYA 33:14

Ténréi nataro tau sining tau madosaé ri Sion. Adanna mennang, “Apettunna Allataala pada-padai api malluwa'é untu' mannennungeng. Naulléga engka wedding tahang ri laleng api iya mappaccappuéro?”

MIKHA 2:13

Utimpa'i matu lalengngé sibawa tiwiko massu polé ri appalirengngé. Murumpa'i matu pintu-pintu gerbangngé nennniya lao sibawa laluwasa. Iyya, Puwang muto, iyanaritu Arummu, na-Upimpikko matu massu.”

MATIUS 15:10

Nanaobbini Yésus sining tauwé nakkeda lao ri mennang, “Engkalingai kuwammengngi mupahangngi!

MARKUS 7:14

Nainappa Yésus mobbii tau maégaéro siseppa sibawa makkeda lao ri mennang, “Engkalingai kuwammengngi mupahangngi!

ROMA 8:31

Agana wedding ripowada makkekkuwangngé passalenna iya manennaro? Rékko engkai Allataala ri idi, nigana mulléi méwaki?

EFESUS 5:17

Aja' mumadonggo, iyakiya salidikiwi aga iya naéloriyé Puwangngé.

ULANGENG 1:30

Puwang Allataalamu pimpikko matu sibawa mammusurekko pada-pada pura musabbingngé ri Maséré

ULANGENG 20:1

“Rékko laoko mammusu méwai sining balimmu, aja' mumétau mitai karéta musuna sibawa anyaranna mennang iya maégaé enrengngé tentarana mennang iya jumellanaé lebbi égai naiya jumellamu. Puwang Allataalamu paleppe'ko polé ri Maséré, makkuwatoro tulukko matu.

ULANGENG 20:4

Puwang Allataalamu maccowé matu untu' tulukko, sibawa Aléna matu mpérékko apakalang.’

ULANGENG 4:24

saba' Puwang Allataalamu pada-padai api iya paangurengngé. Dé' namaélo ripappada-padai sibawa muwi aga.

ULANGENG 7:16

Tungke' bangsa iya nabbéréyangngé Puwang Allataalamu ri laleng akuwasammu harusu'i mupabbinasa; aja' muwappaitang paressé babuwa lao ri mennang. Aja' musompai déwata-déwatana mennang, nasaba iyaro pangkaukengngé mappapoléi acilakang lao ri iko.

ULANGENG 7:22

Iyaro bangsa-bangsaé Napaddésu'i taccéddé-céddé ri yolomu. Dé' nawedding mupaccappu mennang masitta, kuwammengngi aja' natattamba olokolo masekkangngé namancaji ancamang lao ri alému.

ULANGENG 9:6

Ateppe'no makkedaé dé' nabbéréyangngi Puwang Allataalamu iyaro tana commo'é lao ri iko nasaba sitinajako tarimai. Dé'! Ikoé bangsa iya matedde atié.

2 TESALONIKA 1:8

sibawa api iya malluwa'-luwa'é. Nonnoi untu' hukkungngi tau iya dé'é napaduliwi Allataala sibawa iya dé'é namaélo tuwo situru Karéba Madécéng passalenna Yésus Puwatta.

IBRANI 12:29

Saba' Allataalata pada-padai api iya paangurengngé.

YOSUA 11:12

Nainappa nasittai Yosua iyaro kota-kotaé, nanatikkengngi sining arunna sibawa nauno situru paréntana Musa, atanna Puwang-ngéro.

YOSUA 11:8

Na Puwangnge mébbui umma Israélié caui mennang. Tau Israélié gasai sibawa lellungngi mennang lettu sibbéla Misréfot-Maim sibawa Sidon ri manorang, sibawa sibbéla Lompo Mizpa ri alau. Matteruni musué angkanna dé' muwi séddi tau polé ri balié iya nasésaé – maté maneng.

YOSUA 14:12

Rimakkuwannanaro, abbéréyanni makkekkuwangngé daéra bulué iya najjanciyangngé Puwangnge lao ri iyya wettunna iyya sibawa sining tau iya uwéwaé silaong lisu tiwi laporang. Iyaro wettué alému muto méngkalingai, makkedaé kuwaro engka bangsa-bangsa rassasa iya riyasengngé bangsa Enak. Monroi mennang ri laleng kota-kota battowa iya mattémbo'é. Naullé Puwangnge tulukka matu, angkakku uwulléi paddésu'i mennang, pada-pada iya napowadaé Puwangnge.”

YOSUA 3:14

Iyaro wettué mattengngangngi wettu éngngalang, na abiyasanna uwaina Salo Yordan sapui. Wettunna nasalai tau Israélié akkémanna mennang untu' malléttoiwi Salo Yordan, sining imangngé joppai lebbi riyolo nanatiwi towi Petti Assijancingngé. Na wettunna imang-ngimangngéro makkellarengngi ajéna ri laleng uwaina saloé,

HAKING-HAKING 4:14

Nanakkeda Débora lao ri Barak, “Ayo, maju! Puwangnge ritu pimpikko. Iyaé essoé Nawérékko apakalang lao ri Siséra.” Nananonnona Barak polé ri Bulu Tabor silaong sibawa iya seppulo sebbu taunna,