ULANGENG 9:2 - KITTA KAREBA MADECENG

² Sining taunna battowai namawatang pakkalénna; rassasai ritu mennang, napurani muwéngkalinga makkedaé dé' muwi séddi tau mulléi méwai mennang.

ULANGENG 9:2 ပူးပေါင်းရင်းမြစ်များ

AYUB 11:10

Rékko Natikkekko sibawa natiwiko ri mahkama-Na, nanigana barani lawa-lawaiwi tindakan-Na?

ASSURENG 9:11

Sining ahli passéhéré'é dé'na naulléi mangolo ri Musa nasaba sininna watakkaléna mennang pennoni lettang pada-pada sining tau Maséré laingngé.

DANIEL 11:16

Napogau'i matu siyélonaé arunna wanuwa manorang na dé'gaga méwai muwi céddé. Natudangi towi matu tana iya magelloé sibawa makuwasai manengngi.

DANIEL 8:4

Uwitai iyaro bimbala laié mattanru lao ri yajang, manorang sibawa yattang. Dé' muwi séddi olokolo iya tahangngé moloiwi iyaré'ga leppe polé ri akuwasanna. Napogau'i siélo atinna sibawa mancaji matempoi.

AMOS 2:9

Namuni makkuwaro, éh umma'-Ku, untu' iko ritu upaccappui tau Amori iya matanré pada-pada pong camaraé sibawa mawatangngé pada-pada pong terpentingngé.

NAHUM 1:6

Niga mulléi tahang narékko macayii Puwangnge? Dé'gaga mulléi leppe polé ri cai-Na? Napallessui cai-Na iya malluwa'é ancuru'i batué sibawa mancaji awu ri yolo-Na.

ABBILANGENG 13:22

Bunge'-bunge'na laowi mennang ri bagiyang yattanna wanuwaéro nalettu ri kota Hébron, onrong naonroiyé sining tau Ahimangngé, Sésai sibawa Talmai, wija-wijanna Enak. Hébron ripatettongngi pituttaung riyolona kota Zoan ri Maséré.

ABBILANGENG 13:28

Iyakiya pabbanuwana iyaro wanuwaé pada mawatang. Kota-kotana mennang battowa sibawa mabbénténg. Nappani, riitai sining tau wijanna rassasaé kuwaro.

ABBILANGENG 13:33

Mala mitaki tau iya pada-padaé rassasa, iyanaritu wijanna tau Enak-é. Rékko ribandingngi sibawa mennang, pappénedditta padami incalé, na mattentuni makkuwaro anggapanna mennang lao ri idi.”

ULANGENG 1:28

Jaji untu' aga laoki kuwaro? Sining tau iya risuroé lao kuwaro mébbuki métau ri laleng nalaporo'na makkedaé iyaro bangsaé lebbi watangngi sibawa lebbi poréi naiya idi, sibawa monroi mennang ri kota-kota iya sittanré langié témbo'na. Mitai mennang rassasa kuwaro!’

ULANGENG 2:21

Pada-pada tau Enak-é, battowato mennang watakkaléna. Mawatang senna mennang, sibawa maéga jumellana. Iyakiya Puwangnge paccappui mennang, angkanna tau Amongngé sittaiwi tanaéro, nainappa monro kuwaro.

ULANGENG 7:24

Nabbéréyangngi matu sining arunna mennang lao ri iko. Muwunoi matu mennang, nariyallupai matu asenna mennang. Dé' muwi séddi tau mulléi tahang moloiko; mupaccappu manengngi matu.

YOSUA 11:21

Ri wettuéttonaro nalao Yosua paccappui bangsa Enak-é, iyanaritu bangsa rassasa iya monroé ri daéra bulué – ri Hébron, Débir, Anab, sibawa sininna daéra buluna Yéhuda nenniya Israélié. Riyuno maneng ri Yosua, sibawa kota-kotana mennang ripaccappu.

YOSUA 11:22

Dé' muwi séddi tau polé ri bangsa Enak-éro iya nasésaé ri daéra Israélié, banna ri Gaza, Gat sibawa Asdod engka mupa.

YOSUA 15:14

Wija-wijanna Enak iyanaritu tau Sésai, Ahiman sibawa Talmai. Napaddésu manengngi mennang Kaléb polé ri Hébron.