ULANGENG 9:16 - KITTA KAREBA MADECENG

¹⁶ Uwitani makkedaé muwajjalékkaini paréntana Puwang Allataalamu. Madosano lao ri Puwangnge nasaba muwébburengngi alému séuwa dato'-dato' saping polé ri bessié.

ULANGENG 9:16 ပူးပေါင်းရင်းမြစ်များ

ASSURENG 32:19

Macawé'nana Musa ri akkémangngéro, naitani iyaro saping ulawengngé sibawa sining tauwé mattengngang séré-séré, namacaina. Kuwatoniro, ri ponna buluéro, naggeppuwang Musa batu iya natiwiéro angkanna ancuru tabburé-buré.

ASSURENG 32:4

Nalani Harun iyaro anting-ngantingngé, nanaancuru'i sibawa nacuwangngi ri laleng séddié accuwangeng nanaébbui séddi dato'-dato' saping. Nakkeda iyaro bangsaé, “Eh Israélié, iyanaé déwatata iya mantara'ékki massu polé ri Maséré!”

ULANGENG 9:15

Nainappaka giling, nautiwi towi iya duwa batu assijancingngé sibawa duwa lima, unonnoriwi bulu iya mattengngangngé malluwa-luwa.

ULANGENG 9:17

Na ri yolona matammu uwaggeppuwangngi iya duwa batu assijancingngéro angkanna ancuru tassiya-siya.