ULANGENG 9:12 - KITTA KAREBA MADECENG

¹² Nainappa makkeda Puwangnge lao ri iyya, ‘Nonnono masitta, nasaba bangsamu iya mutiwié massu polé ri Maséré napogau'ni majaé. Lésséni mennang polé ri parénta-parénta-Ku, sibawa mébbu dato'-dato' untu' risompa.’

ULANGENG 9:12 ပူးပေါင်းရင်းမြစ်များ

MAZMUR 78:57

Bali'bellai mennang pada-pada toriyolona, sibawa dé' nawedding riyatepperi pada-pada uso mabbéngko'é.

ASSURENG 13:3

Makkedani Musa lao ri bangsa Israélié, “Iyaé essoé Puwangnge paleppe'ko sibawa akuwasan-Na iya battowaé, angkanna mulléi massu polé ri Maséré, onrommu ripowata. Rimakkuwannanaro, paréngngerangiwi iyaé essoé. Aja'na muwanré roti iya engkaé raginna.

ASSURENG 32:1

Wettunna naita bangsa Israélié makkedaé maitta senna'ni Musa dé'pa nanonno polé ri bulué, iyakiya monro mupi kuwaro, nakatulunni mennang Harun sibawa makkeda lao ri aléna, “Dé'na nirisseng aga iya kajajiyangngé sibawa Musa, tau iya puraé tiwiki massu polé ri Maséré; jaji ébburenni déwata iya pimpingngékki matu.”

HOSEA 6:4

Iyakiya makkedai Puwangnge, “Eh Israélié sibawa Yéhuda! Aga harusu Upogau' sibawa iko? Pappojimmu lao ri Iyya masitta'i teddéng pada-pada saléwué iyaré'ga cinoddoé ri éléé.

GALATIA 1:6

Hérakka passalenna Saudara-saudara! Riyobbiko ri Allataala nasaba pammaséna Kristus, iyakiya makkekkuwangngé masitta wéggakko mabbokoriwi Allataala sibawa maccowériwi “karéba madécéng” iya laingngé naiya Karéba Madécéng iya polé ri Allataala.

ULANGENG 31:29

Uwisseng makkedaé matékuna, iyaro sining tauwé mancaji majai sibawa sampéyangngi aga iya puraé uwappagguruwang lao ri mennang. Nanakennai matti abala, nasaba naébbui Puwangnge macai ri laleng napogau'na aga iya Nattéyangngé.”

ULANGENG 32:5

Iyakiya iko iyanaritu bangsa iya dé'é namatinulu, sibawa dé' nasitinajana mancaji umma'-Na, bangsa iya pennoé acéko-cékong sibawa dosa.

ULANGENG 4:16

Jaji jagaiwi kuwammengngi aja' narapiko madosa nasaba muwébburengngi alému dato'-dato' untu' risompa ri laleng rupa muwi aga, worowané iyaré'ga makkunrai,

ULANGENG 5:15

Engngerangngi, makkedaé iko riyolo ripowatato ri Maséré, nainappa ripamaradéka ri Puwang Allataalamu sibawa awatangeng iya battowaé. Rimakkuwannanaro Uparéntakko untu' pakarajai esso Saba'é.

ULANGENG 9:16

Uwitani makkedaé muwajjalékkaini paréntana Puwang Allataalamu. Madosano lao ri Puwangnge nasaba muwébburengngi alému séuwa dato'-dato' saping polé ri bessié.

ULANGENG 9:26

sibawa massempajang makkuwaé: Oh Puwang Iya Pommatanré, aja' Mupaccappui umma appunnangem-Mué, bangsa iya Mupaleppe'é sibawa Muwantara massu polé ri Maséré nasibawang awatangeng sibawa akuwasam-Mu iya battowaé.

ULANGENG 9:29

Iyakiya éngngerangngi, Puwang, makkedaé mennangngé bangsa iya Mupilé mancaji umma'-Mu, sibawa Mutiwii polé ri Maséré nasibawang awatangeng sibawa akuwasam-Mu iya battowaé.”

YUDAS 1:10

Iyakiya nasibawang paccella-paccella, iyaro sining tauwé luruiwi sininna séuwa-séuwaé iya dé'é napahangngi mennang. Pada-padai mennang olokolo'é iya dé'é akkalenna, iya missengngéngngi gau'-gau'é sibawa pappérasanna. Iyakiya mala nasaba gau'-gau'énnaro nanassabariwi naancuru' mennang.

HAKING-HAKING 2:17

Iyakiya dé' mennang nabati-batiwi iyaro sining pamimpingngé. Massompai mennang déwata-déwata laing, sibawa dé' namatinulu lao ri Puwangnge. Dé' mennang naccowériwi contona néné-nénéna iya mapatoé risining paréntana Puwangnge.