ULANGENG 9:10 - KITTA KAREBA MADECENG

¹⁰ Nainappa nawérékka Puwangnge iya duwa batu puraé narokiri Allataala. Ri batuéro tarokii ada-ada iya Napowadaé polé ri tengnga-tengngana apié lao ri iko, wettummu maddeppungeng ri ponna bulué.

ULANGENG 9:10 ပူးပေါင်းရင်းမြစ်များ

ASSURENG 31:18

Puranana mabbicara sibawa Musa ri tompo'na Bulu Sinai, nabbéréyanni Allataala lao ri aléna iya duwa létta batu iya puraé narokiri Allataala sibawa parénta-parénta-Na.

MATIUS 12:28

Iyakiya Iyya Upaddésu'i sétangngé sibawa akuwasanna Rohna Allataala. Bettuwanna iyaro makkedaé mappammulani Allataala mapparénta ri tengnga-tengngamu.

LUKAS 11:20

Iyakiya Iyya, Upaddésu'i sétangngé sibawa akuwasanna Allataala, na bettuwanna iyaro iyanaritu mappammulai Allataala mapparénta ri tengnga-tengngamu.

2 KORINTUS 3:3

Aléna muto mennang mitai makkedaé Saudara sinrupai sure' iya naokié Kristus, iya nakkiringengngé naolaki. Iyaro sure'é dé' nariyoki sibawa dawa, iyakiya sibawa Rohna Allataala iya tuwoé; tenniyato ri yasé'na pépeng batué, iyakiya ri atinna rupa tauwé.

ULANGENG 10:4

Ri batuéro naokini Puwangnge Seppulo Parénta pada-pada iya mammulangngé, iyanaritu parénta-parénta iya Nawéréngngékko, wettun-Na mabbicara polé ri tengnga-tengngana apié ri esso maddeppungemmu ri ponna bulué. Purairo Nawérénna Puwangnge pépeng batuéro

ULANGENG 18:16

Ri esso maddeppungemmu ri Bulu Sinai, muwéllauwi kuwammengngi aja'na muwéngkalingai Puwang Allataalamu mabbicara sibawa aja'na muwitai ahadéréken-Na ri laleng api iya malluwa-luwa'é, nasaba métauko maté.

IBRANI 8:10

Iyakiya makkekkuwangngé, iyanaritu assijancing iya maéloé Uwébbu sibawa umma' Israélié ri esso-esso iya mangoloé, adanna Puwangngé: Maélo-Ka taroi hukkuk-Ku ri laleng pikkiranna, sibawa mokii ri atinna mennang. Maélo-Ka mancaji Allataalana, sibawa mennang mancaji umma'-Ku.