ULANGENG 9:1 - KITTA KAREBA MADECENG

¹ “Engkalingai Saudara-saudara! Iyaé essoé muwalléttoiwi Salo Yordan untu' tudangiwi daérana bangsa-bangsa iya lebbi battowaé sibawa lebbi mawatangngé naiya iko. Kota-kotana mennang battowai sibawa témbo'-témbo' iya maccaloli'é sittanré langié.

ULANGENG 9:1 ပူးပေါင်းရင်းမြစ်များ

KAJAJIYANG 11:4

Adanna mennang, “Laono mai tapatettong kota sibawa manara iya coppo'naé lettu ri langié, kuwammengngi tarompoki sibawa dé' tassara-sarang ri sininna linoé.”

ASSURENG 32:1

Wettunna naita bangsa Israélié makkedaé maitta senna'ni Musa dé'pa nanonno polé ri bulué, iyakiya monro mupi kuwaro, nakatulunni mennang Harun sibawa makkeda lao ri aléna, “Dé'na nirisseng aga iya kajajiyangngé sibawa Musa, tau iya puraé tiwiki massu polé ri Maséré; jaji ébburenni déwata iya pimpingngékki matu.”

DANIEL 4:11

Iyaro ajué matanré senna; maloppo senna batanna sibawa masse. Coppo'na lettu ri langié, angkanna naullé mitai sininna tauwé ri linoé.

AMOS 2:9

Namuni makkuwaro, éh umma'-Ku, untu' iko ritu upaccappui tau Amori iya matanré pada-pada pong camaraé sibawa mawatangngé pada-pada pong terpentingngé.

ABBILANGENG 13:22

Bunge'-bunge'na laowi mennang ri bagiyang yattanna wanuwaéro nalettu ri kota Hébron, onrong naonroiyé sining tau Ahimangngé, Sésai sibawa Talmai, wija-wijanna Enak. Hébron ripatettongngi pituttaung riyolona kota Zoan ri Maséré.

ABBILANGENG 33:51

iyaé parénta-paréntaé untu' bangsa Israélié, “Rékko muwalléttoiwi Salo Yordan untu' muttama ri wanuwa Kanaan,

ULANGENG 1:28

Jaji untu' aga laoki kuwaro? Sining tau iya risuroé lao kuwaro mébbuki métau ri laleng nalaporo'na makkedaé iyaro bangsaé lebbi watangngi sibawa lebbi poréi naiya idi, sibawa monroi mennang ri kota-kota iya sittanré langié témbo'na. Mitai mennang rassasa kuwaro!’

ULANGENG 11:23

Nanapaddésu'i matu Puwangnge sininna bangsaéro polé ri yolomu, sibawa muwonroiwi matu tana appunnangenna bangsa-bangsa iya lebbi battowaé sibawa lebbi mawatangngé naiya iko.

ULANGENG 11:31

Dé'na namaitta namuwalléttoiwi Salo Yordan sibawa tudangiwi tana iya Nawéréngngékko Puwang Allataalamu. Puranana musittai tanaéro sibawa monro kuwaro,

ULANGENG 27:2

Ri esso muwalléttoinna Salo Yordan untu' muttama ri wanuwa iya nawéréngngékko Puwang Allataalamu, harusu'ko patettong siyagangngaré batu loppo nainappa mupuwaléi.

ULANGENG 3:18

Iyaro wettué, uwéréngngi mennang paréntaéwé: Nawérékko Puwang Allataalamu daéra seddé alauna Salo Yordan untu' onrong muwonroi. Iyakiya prajuri'-prajuri'mu harusu'i massenjata sibawa malléttoiwi Salo Yordan poddiyoloiwi suku-suku Israél iya laingngé.

ULANGENG 4:1

Namakkeda Musa lao ri bangsaéro, “Apatoiwi sininna hukkung iya upagguruwangngékko, kuwammengngi weddikko tuwo narapi muwonroi tana iya maéloé nabbéréyang Puwangnge, Allataalana toriyolomu, lao ri iko.

ULANGENG 4:38

Bangsa-bangsa iya lebbi battowaé sibawa lebbi watangngé napaddésu'i polé ri yolomu, untu' mantara'ko lao ri wanuwanna mennang iya nawéréngngékko, wanuwa iya makkekkuwangngé mancaji appunnangemmu.

ULANGENG 6:10

“Majjanciwi Puwang Allataalamu lao ri néné-nénému Abraham, Ishak sibawa Yakub makkedaé maéloi mabbéréyangngi iyaro wanuwaé lao ri iko. Battowa kota-kotana sibawa macommo, natenniya iko patettongngi.

ULANGENG 7:1

“Puwang Allataalamu tiwiko matu ri wanuwa iya maéloé muwonroi, sibawa maéga bangsa ripaddésu matu polé kuwaro. Ri yolona matammu Napaddésu'i matu pitu bangsa iya lebbi battowaé sibawa lebbi mawatangngé naiya iko, iyanaritu sining tau Hét-é, Girgasié, Amorié, Kanaangngé, Féris-é, Héwié sibawa Yébus-é.

YOSUA 1:11

kuwammengngi namattulili ri sininna akkémanna umma Israélié sibawa mpéréngngi paréntaéwé, “Passadiyai bokongngé, nasaba tellungngessopi naharusu'ko malléttoiwi Salo Yordan untu' tudangiwi wanuwa iya nawéréngngékko Puwang Allataalamu.”

YOSUA 1:15

Harusu'ko tulungngi mennang narapi mennang natudangi tana ri seddé yajanna Salo Yordangngé iya nabbéréyangngé Puwang Allataalamu lao ri mennang. Puranana nabbéréyang Puwangnge atennangengngé lao ri sininna bangsa Israélié, nappako wedding lisu ri tanamu ri seddé alauna Yordangngé, iya nawéréngngékko Musa atanna Puwang-ngéro.”

YOSUA 14:12

Rimakkuwannanaro, abbéréyanni makkekkuwangngé daéra bulué iya najjanciyangngé Puwangnge lao ri iyya wettunna iyya sibawa sining tau iya uwéwaé silaong lisu tiwi laporang. Iyaro wettué alému muto méngkalingai, makkedaé kuwaro engka bangsa-bangsa rassasa iya riyasengngé bangsa Enak. Monroi mennang ri laleng kota-kota battowa iya mattémbo'é. Naullé Puwangnge tulukka matu, angkakku uwulléi paddésu'i mennang, pada-pada iya napowadaé Puwangnge.”

YOSUA 3:14

Iyaro wettué mattengngangngi wettu éngngalang, na abiyasanna uwaina Salo Yordan sapui. Wettunna nasalai tau Israélié akkémanna mennang untu' malléttoiwi Salo Yordan, sining imangngé joppai lebbi riyolo nanatiwi towi Petti Assijancingngé. Na wettunna imang-ngimangngéro makkellarengngi ajéna ri laleng uwaina saloé,

YOSUA 3:16

iyatoro wettué napettu massolo uwaina saloé. Mabéla ri bagiyang ulunna saloé, maddeppungengngi uwaina ri Adam, séddiwi kota iya monroé ri seddéna kota Sartan. Uwaéna ri bagiyang toddang iya massolo'é lao ri Tasi Maté pettu siseng, angkanna naulléi mallétto umma Israélié ri yasé'na tana rakkoé siyolong kota Yérikho. Sining imang iya mpulééngngi Petti Assijancingngéro tette'i tettong ri tengnga-tengngana saloé narapi lettu maneng umma Israélié ri liweng.

YOSUA 3:6

Nainappa Yosua paréntangngi sining imangngé kuwammengngi naakkai Petti Assijancingngéro nanajoppa poddiyoloiwi umma Israélié. Napogau'ni mennang paréntana Yosua.

YOSUA 4:19

Lettu'ni umma Israélié ri liwenna Yordan sibawa ri tanggala seppulona uleng mammulangngé, sibawa makkémai mennang ri Gilgal seddé alauna Yérikho.

YOSUA 4:5

nainappa makkeda, “Laono ri tengngana Salo Yordan, ri yolona Petti Assijancinna Puwang Allataalamu. Tungke-tungke harusu'i makka séddi batu polé kuwaro – jumellana seppulo duwa batu situru sibawa jumellana suku-sukué ri laleng bangsa Israélié.