ULANGENG 8:8 - KITTA KAREBA MADECENG

⁸ Iyaro wanuwaé powassélé'i madduparupang gandong, anggoro, buwa ara, buwa dalima, pong zaitun sibawa cani.

ULANGENG 8:8 ပူးပေါင်းရင်းမြစ်များ

KAJAJIYANG 49:11

Nassiyorengngi matu ana' kaleddé'na ri ajué, pong anggoro iya kaminang makessingngé. Nabissaiwi pakéyanna sibawa anggoro, anggoro siccella'é daraé.

2 SAMUEL 4:6

Makkunrai panganrowang bolaé cakkaruddui wettunna pépaccingiwi gandongngé, namatinro. Rimakkuwannanaro Rékhab sibawa Baana naulléi muttama.

1 ARUNG-NGARUNG 5:11

Na untu' mpéréngngi inanré sining tau silise saorajana Hiramro, tungke' taung nabbéréyangngi Salomo lao ri Hiram 322.500 kilo gandong sibawa 4.400 bang minnya zaitun asli.

2 ARUNG-NGARUNG 18:32

narapi upalétté'ko riséuwaé wanuwa iya maéloé pada sibawa wanuwammu muto. Kuwaro engka palla anggoro iya powassélékengngékko anggoro, sibawa dare gandong iya powassélé'é labbu untu' inanrému. Ri wanuwaéro engka maéga pong zaitun, minnya zaitun sibawa cani. Rékko muturusiwi aga iya upétangngarengngékko, tuwoko matu, dé' mumaté. Aja' muwéngkalingai Hizkia! Banna nabelléko ri laleng makkedanna makkedaé Puwangnge passalama'ko matu.

MAZMUR 147:14

Najagaiwi daéramu kuwammengngi natette amang, sibawa pamessoriko sibawa gandong iya kaminang makessingngé.

MAZMUR 81:16

Tau iya céccéék-Ka Upatunru'i matu, rihukkungngi matu mennang untu' mannennungeng.

YESAYA 7:23

Iyaro wettué sining palla anggoro iya ritanengiyé tungke-tungke sisebbu pong anggoro sibawa iya ellinnaé sisebbu dowi péra', natuwoiwi matu alekale maddori.

YEREMIA 2:7

Lao ri wanuwa iya macommo'é Uwantara'i mennang untu' péneddingiwi sining wassélé'na sibawa sininna iya makessingngé kuwaro. Iyakiya kuwaro napanajisi'i mennang tana-Ku sibawa appunnangek-Ku napancajiwi mennang séuwa iya mappakaciddi-ciddi'é.

YEREMIA 5:17

Napaccappui matu mennang wassélé tanaé sibawa inanrému enrengngé mpunoi ana'-ana'mu. Olokolo sapimmu sibawa bimbala'mu nagéréi matu mennang, sibawa palla-palla anggoro'mu nenniya sining pong aramu napaccappui matu mennang. Kota-kota mabbénténg iya muwattuwangngé naancuru'i matu mennang.

YEHEZKIEL 27:17

Yéhuda sibawa Israélié séléi barang dangkangemmu sibawa gandong, cani, minnya zaitun sibawa rampa-rampa.

HOSEA 2:8

Dé' naengka nangakuiwi indo'mu makkedaé Iyya ritu mpéréngngi gandong, anggoro, minnya zaitun, sibawa sininna ulaweng péra' iya napaké untu' sompai iyaro Baal.

MIKHA 4:4

Tungke' tauwé tuwoi matu amang sibawa saléwangeng ri tengngana palla anggoro'é sibawa palla aras-é; dé'gaga péttau-péttauriwi matu, iyanaro jancinna Puwang Iya Pommakuwsaé.

HABAKUK 3:17

Namuni pong araé dé'gaga buwana sibawa pong anggoro'é dé'gaga anggoro'na, namuni buwa zaitungngé dé' najaji sibawa wassélé gandongngé ri dare'é mappakacélé, namuni maté maneng sining bimbala'é sibawa dé'gaga lise'na wakké olokolo'é,

ABBILANGENG 13:23

Nalettu'na mennang ri lompo Eskol. Kuwaniro mennang rette sitakké buwa anggoro iya makkuwaé mani tane'na, angkanna harusu'i naulé duwa tau. Tiwi towi mennang siyagangngaré buwa dalima sibawa buwa ara.

YOHANES 6:13

Napaddeppungengngi mennang seppulo duwa baku penno lebbinna iyaro nanré polé ri limaé roti iya nanré tau maégaéro.

YOHANES 6:9

“Kuwaé engka ana' worowané mappunnai lima roti sibawa duwa balé. Iyakiya aga bettuwanna iyaro untu' tau makkuwaéwé égana?”

ULANGENG 32:13

Naébbui mennang makuwasaiwi sining bulué; nanréi mennang wassélé'na sining dare'é sibawa ménung cani liya polé ri bulu-bulu batué. Lolongengngi mennang minnya polé ri pong zaitungngé iya tuwoé ri tana mabbatué.

ULANGENG 32:14

Saping sibawa bémbé bimbala'na mennang powassélé maéga susu; olokolo'na mennang kaminang makessing, gandong sibawa uwai anggoro'na mennang kaminang magello.

ULANGENG 6:3

Rimakkuwannanaro éngkalingai saudara-saudara, pogau'i iyaro sibawa matinulu, kuwammengngi musaléwangeng sibawa mancaji bangsa iya battowaé ri wanuwa iya sugié namacommo, pada-pada najjanciyangngé Puwang Allataalana toriyolota.

ULANGENG 8:7

Puwang Allataalamu tiwiko ri wanuwa iya macommo'é; wanuwa iya maégaé salona sibawa mata uwaina, nenniya solo' uwai ri lalenna tanaé iya cumpaé ri lompo'-lompo'é sibawa bulu-bulué.

ULANGENG 8:9

Dé' mualupureng matu kuwaro iyaré'ga akurangeng. Batu karanna tampu'i bessi, sibawa polé ri bulu-buluna weddikko kali tembaga.