ULANGENG 8:2 - KITTA KAREBA MADECENG

² Engngerangngi! Patappulo taung ittana Puwang Allataalamu pimpikko ri laleng allalengeng mabélaé molai padang kessi'é. Iyaro allalengengngé nakkattaiwi Puwangnge untu' cobaiko, kuwammengngi Naulléi mitai aga tattampu ri laleng atimmu sibawa aga muturusiwi matu parénta-parénta-Na.

ULANGENG 8:2 ပူးပေါင်းရင်းမြစ်များ

KAJAJIYANG 22:1

Siyagangngaré wettu ri munrinna Allataala mojiwi atinulurenna Abraham. Mangobbii Allataala, “Abraham!” Nanappébali Abraham, “Iyyé Puwang.”

2 TAWARIKH 32:31

Na wettunna sining suro polé ri Babél polé untu' makkutanangngi ri aléna passalenna ajjappanna iya makalallaingngé, Puwangnge leppessangngi Hizkia tinda' riyalé, kuwammengngi naulléi mojiwi atinna.

2 TAWARIKH 33:12

Ri laleng anrasa-rasannaro napakariyawai aléna lao ri Puwang Allataalana, sibawa massempajang méllauwi pattulun-Na.

2 TAWARIKH 33:19

Ri laleng kitta Sejarana Nabi-nabié pura toni riyoki sempajanna Manasyé sibawa pappébalinna Allataala lao ri sempajannaro, enrengngé curita passalenna dosa-dosana ri wettu dé'napa natoba', sining onrong assompang barahalaé sibawa dato'-dato'na Déwi Asyéra iya naébbué, nenniya sining barahala iya nasompaé.

NEHEMIA 9:19

Namuni ri padang kessi'éro dé' Musalaiwi mennang, nasaba penno-Ko paressé babuwa. Alliri ellungngé sibawa apié dé' Mureddu'i paimeng, panunju lalenna mennang ri essoé sibawa wennié.

AYUB 33:17

Akkata-Na kuwammengngi nappésau mennang madosa sibawa salaiwi atemponna.

MAZMUR 103:2

Pojiwi Puwangnge, éh nyawaku, aja' muwallupaiwi sininna akessingen-Na!

MAZMUR 106:7

Wettunna ri Maséré dé' napahangngi néné-nénéta; winru-Mu iya mappabengngaé dé' mennang napahangngi. Nallupaiwi matu mennang pammasé-Mu iya maonaé, sibawa ri seddéna Tasi Gelagah maronta'i mennang lao ri Iya Pommatanré.

MAZMUR 136:16

Napimpingngi umma'-Na lalo ri padang kessi'é; mannennungengngi pammasé-Na.

MAZMUR 77:11

Naumakkeda, “Iyanaé peddiriwi atikku, makkedaé Iya Pommatanré dé'na namakuwasana.”

MAZMUR 81:7

“Purani uwakka tiwi polé ri salangkammu, sibawa leppessangngi baka lémparengngé polé ri limammu.

ASSURENG 15:25

Massempajanni Musa sibawa mattonget-tongeng lao ri Puwangnge, nainappa najjellokeng Puwangnge sipolo aju. Iyaro ajué naggenrungenni Musa ri laleng uwai, namancaji makawana iyaro uwai, angkanna wedding riyénung. Ri onrongngéro mabbéréni Puwangnge peraturang-peraturang lao ri mennang, sibawa kuwatoniro Nacobai mennang.

ASSURENG 16:35

Iyaro mannaé mancajiwi inanréna tau Israélié patappulo taung ittana mangoloé, narapi lettu ri Kanaan, onronna mennang mattette. (

ASSURENG 16:4

Nakkeda Puwangnge lao ri Musa, “Makkekkuwangngé maélo-Ka panonno inanré iya maonaé pada-padaé bosié untu' iko maneng. Tungke' esso harusu'ko paddeppungengngi iyaro inanré situju genne'é untu' siesso. Nanallalengiro maélo-Ka mojiwi umma'-Ku kuwammengngi Uwissengngi aga mennang naturusiwi parénta-parénta-Ku iyaré'ga dé'.

ASSURENG 20:20

Nappébali Musa, “Aja' mumétau. Poléi Allataala banna untu' cobaiko kuwammengngi mutette turusiwi, sibawa dé' mumadosa.”

AMSAL 17:3

Ulaweng sibawa péra'é riojiwi ri apié, iyakiya atinna tauwé riojiwi ri Puwangnge.

YESAYA 2:17

Tau matempoé ripakariyawai matu, sibawa tau maboroé ripatunru'i. Banna Aléna Puwangnge iya ripakarajaé.

YEREMIA 2:6

Dé' nabati-batika; Iyya, iya puraé dulungngi mennang ri lalengngé, sibawa tiwii mennang massu polé ri Maséré molai padang kessi'é, daéra makabuttu iya maégaé kalebbok-kalebbonna, enrengngé marakko namabbahaya – padang iya dé'é nariyonroi sibawa dé' narilaloi!

YEHEZKIEL 20:19

Iyya ritu Puwang Allataalamu. Turusiwi hukkung-hukkung sibawa parénta-parénta-Ku.

AMOS 2:10

Purano Utiwi massu polé ri Maséré, sibawa Udulung molai padang kessi'é patappulo taung ittana. Purani Uwabbéréyang lao ri iko tanana tau Amorié mancaji wanuwammu muto.

ABBILANGENG 14:33

Patappulo taung ittana ana'-ana'mu sollé matu ri padang kessi'é. Nasaba dé mumatinulu, iyaro ana'-ana'mu manrasa-rasai matu, narapi maté tau iya paccappurengngé ri yelle'mu.

LUKAS 18:14

Nakkeda Yésus, “Ateppe'no, wettunna lisu ri bolaé, iyaro passinge' simaé ritarimai ri Allataala na tenniya iyaro tau Farisié. Saba' tungke' tau iya pakatanréngngi aléna ripakariyawai matu; natungke tau iya pakariyawaéngngi aléna ripakatanréi matu.”

YOHANES 2:25

Dé' naparellu tauwé mabbéré pappakatajang lao ri Aléna passalenna nigi-nigi, saba' aléna missengngi aga iya engkaé ri laleng atinna rupa tauwé.

ULANGENG 1:3

Ri tanggala séddinna uleng seppulo séddi ri laleng taung mapatappuloé nasalainnana mennang Maséré, napalettu'ni Musa ri bangsaéro sininna iya napparéntangngé Puwangnge untu' ripowadangngi mennang.

ULANGENG 1:33

iya joppaé ri yolomu untu' sapparekko onrong makkéma. Najellorekko laleng ri wennié sibawa alliri api, sibawa ri essoé ri laleng alliri ellung.”

ULANGENG 13:3

aja' mupuriyatiwi. Puwang Allataalamu pakéi iyaro tauwé untu' cobaiko, untu' mitai aga tonget-tongekko pojiwi Puwangnge sibawa sukku iyaré'ga dé'.

ULANGENG 2:7

Engngerangngi pékkugi Puwang Allataalamu pura barakkakiko ri laleng sininna iya mupogau'é. Napiyaroko ri wettu sollému ri padang kessi iya malowangngéwé. Nalinrungiko patappulo taung ittana sibawa nawérékko sininna iya muwapparelluwangngé.

ULANGENG 29:5

Patappulo taung ittana Puwangnge pimpikko molai padang kessi'é, namuni pakéyammu sibawa sandala'mu dé' namancaji malusa.

ULANGENG 32:7

Engngerangngi wettu riyolo, pénessaiwi wettunna sippangka-sippangka iya labe'é. Akkutanangngi ri tomatowammu, kuwammengngi napaissengiko mennang.

ULANGENG 7:18

Iyakiya aja' mumétau lao ri mennang; éngngerangngi aga napogau' Puwang Allataalamu lao ri arung Maséré sibawa sininna ra'ya'na.

ULANGENG 8:16

Ri padang kessi'é Nawérékko manna untu' inanrému, inanré iya dé'é naissengngi néné-nénému. Napogau'i Puwangnge iyaro untu' cobaiko sibawa pakariyawai atimmu, kuwammengngi paccappurenna weddingngi Napogau' madécéngngé lao ri iko.

YAKOBUS 1:3

Saba' muwissengngi, rékko tette'ko mateppe' ri Puwangngé ri wettu péneddingiko, addimonrinna iyanaritu: mancajiko sabbara.

YAKOBUS 4:10

Sitinajako pakariyawai alému ri yolona Puwangngé, naripakatanréko matu ri Puwangngé.

YAKOBUS 4:6

Namuni makkuwaro, pammaséna Allataala iya nawéréngngékki lebbi mawatangngi naiya cinnana iyaro rohta. Iyanaro saba'na ri laleng Kitta'é taroki towi, “Allataala méwai tau iya matempoé, iyakiya sibalé'na namaséiwi tau iya mariyawa atié.”

1 PETRUS 1:7

Akkattana iyanaritu pabuttiwi tonget-tongekkoga mateppe' ri Puwangngé iyaré'ga dé'. Muwi ulaweng iya weddingngé masolang, riojiwi sibawa api. Nah, teppe'mu lebbi mangke'i naiya ulawengngé, jaji harusu towi rioji kuwammengngi nancaji mattinetto. Nanallalengiro murioji matu enrengngé ripakalebbi kuwaéttopa ripakatanré ri Essona Yésus Kristus polé paimeng.

WAHYU 2:23

Sining iya maccowériyéngngi maélo tok-Ka mpunoi kuwammengngi sininna jema'é namaingekiwi makkedaé Iyya'naé iya mpellungiyéngngi pikkiranna sibawa atinna tolinoé. Iko maneng maélo-Ka mpale'i situru pangkaukemmu tungke'-tungke'.

HAKING-HAKING 2:22

Maélo-Ka pakéi iyaro bangsa-bangsaé untu' mojiwi bangsa Israélié, kuwammengngi Uwissengngi aga maéloiga umma Israélié maccowériwi parénta-parénta-Ku pada-pada néné-nénéna, iyaré'ga dé'.”

HAKING-HAKING 3:4

Engkai mennang kuwaro untu' mancaji batu ojiyang lao ri bangsa Israélié. Nanallalengiwiro weddingngi riisseng aga bangsa Israélié naturusiwiga parénta-parénta iya puraé nabbéréyang Puwangnge lao ri néné-nénéna mennang naolai Musa.