ULANGENG 8:1 - KITTA KAREBA MADECENG

¹ “Sininna hukkung iya uwéréngngékko essoéwé harusu'i mupogau' sibawa matinulu, kuwammengngi mutette tuwo, tattamba maéga sibawa monroiwi tana iya najjanciyangngé Puwangnge lao ri néné-nénému.

ULANGENG 8:1 ပူးပေါင်းရင်းမြစ်များ

YEHEZKIEL 20:19

Iyya ritu Puwang Allataalamu. Turusiwi hukkung-hukkung sibawa parénta-parénta-Ku.

ULANGENG 1:8

Iyya, Puwang, pura majjanciyangngi sininna daéraéro lao ri toriyolomu Abraham, Ishak sibawa Yakub enrengngé wija-wijanna mennang. Jaji laono tudangiwi tanaéro.’ ”

ULANGENG 4:1

Namakkeda Musa lao ri bangsaéro, “Apatoiwi sininna hukkung iya upagguruwangngékko, kuwammengngi weddikko tuwo narapi muwonroi tana iya maéloé nabbéréyang Puwangnge, Allataalana toriyolomu, lao ri iko.

ULANGENG 5:32

Saudara-saudara, turusiwi sibawa matinulu sininna iya napparéntangngé Puwang Allataalamu lao ri iko. Aja' muwajjalékkaiwi muwi séddi polé ri parénta-paréntaéro.

ULANGENG 5:33

Pogau'ni sininna napparéntangngé Puwang Allataalamu lao ri iko kuwammengngi musaléwangeng sibawa mulléi mattette ri wanuwa iya maéloé muwonroi.”

ULANGENG 8:18

Engngerangngi makkedaé Puwang Allataalamu iya mpéréngngékko iyaro asugirengngé. Napogau'i gau'éro nasaba lettu essoéwé matinulu mupi lao ri assijancing iya Naébbué sibawa néné-nénému.