ULANGENG 7:9 - KITTA KAREBA MADECENG

⁹ Engngerangngi makkedaé Puwang Allataalamu iyanaritu séddi-séddinna Allataala, na Aléna Allataala iya matinulué. Puwangnge pennoiwi jancin-Na sibawa mappaitangngi pammasé-Na iya tette'é narapi sisebbu assossoreng lao ri tau iya pojiyéngngi sibawa turusiwi parénta-parénta-Na.

ULANGENG 7:9 ပူးပေါင်းရင်းမြစ်များ

KAJAJIYANG 17:7

Maélo-Ka rupaiwi jancik-Ku lao ri iko sibawa lao ri wija-wijammu, massossoreng, na iyaro assijancik-Ku mannennungengngi. Maélo-Ka mancaji Allataalamu sibawa Allataalana wija-wijammu.

KAJAJIYANG 28:15

Engngerangngi, maélo-Ka tulukko sibawa linrungiko, kégi-kégiko lao, sibawa maélo-Ka tiwiko lisu ri wanuwaéwé. Dé' Umaélo salaiko narapi pura Upogau' sininna aga iya Uwajjanciyangngé lao ri iko.”

KAJAJIYANG 9:15

Uwéngngerangngi matu jancik-Ku lao ri iko sibawa lao risininna mahlu' tuwoé, iyanaritu makkedaé lémpe'é dé'na matu napabbinasai sininna iya tuwoé.

1 ARUNG-NGARUNG 8:23

namassempajang, “Puwang, Allataalana Israélié! Ri langié iyaré'ga ri linoé dé'gaga iya pada-padangngék-Ko! Murupaiwi jancim-Mu sibawa mappaitangngi pammasé-Mu lao ri umma'-Mu iya matinulué sibawa mapatoé sukku atinna lao ri Iko.

1 TAWARIKH 16:15

Tuli naéngngerangngi assijancin-Na matu, jancin-Na takkennai mannennungeng.

2 TAWARIKH 6:14

“Puwang Allataalana Israélié! Ri langié iyaré'ga ri linoé dé'gaga pada-padam-Mu! Murupaiwi jancim-Mu sibawa mappaitangngi pammasému lao ri umma'-Mu iya matinulué nenniya mapatoé sibawa sukku atinna lao ri Iko.

NEHEMIA 1:5

“Oh Puwang Allataala makuwasaé ri surugaé. Idi Allataala Iya Marajaé namangoloki ri idi sibawa penno tau. Tette'ki matinulu sibawa makkatenningngi jancim-Mu lao ri tau iya méloriyék-Ko sibawa turusiyéngngi parénta-Mu.

NEHEMIA 9:32

Oh Allataala, Allataalata iya mawatangngé! Allataala iya battowaé namasero! Matinulu-Ko makkatenningngi sininna assijancingngé; janci-jancim-Mu Murupaiwi sibawa Mupogau'i. Sipongenna arung Asyur tenre'ki lettu makkekkuwangngé, maéga anrasa-rasang ripéneddingi. Sining arutta, imangngé, nabié sibawa sining tomariyoloé, makkuwatoro sining toriyoloé sibawa ra'ya'é, pura manenni manrasa-rasa. Aja' Muwallupaiwi sininna anrasa-rasangngéro! Aja' Muwallupaiwi polé ri paréngngeram-Mu!

MAZMUR 103:18

lao ri tau iya makkatenningngé ri assijancin-Na, sibawa matinulué pogau'i parénta-Na.

MAZMUR 105:8

Tuli naéngngerangngi matu assijancin-Na, mannennungeng jancin-Na.

MAZMUR 119:75

Uwisseng makkedaé adélé'i apettum-Mu oh Puwang, puraka Muhukkung nasaba atinulurem-Mu.

MAZMUR 146:6

Aléna ritu pancajiwi langié sibawa linoé, tasi'é sibawa sininna lise'na; tette'i matinulu mannennungeng.

MAZMUR 36:6

Puwang, sittanré langié pammasé-Mu, sibawa atinulurem-Mu lettu ri ellungngé.

ASSURENG 20:6

Iyakiya Uwappaitangngi pammasé-Ku lao ri massebbu-sebbu assossorenna sining tau iya méloriyékka sibawa turusiwi parénta-Ku.

YESAYA 49:7

Allataala mapaccing Pappassalama'na Israélié makkeda lao ri tau iya ripakatuna senna'é, sibawa iya ricéccé ri bangsa-bangsaé enrengngé mancaji atanna sining panguwasaé, “Naitai matu sining arungngé pangkaukek-Ku; tokkongngi matu mennang pakalebbi-Ka. Naita towi matu sining panguwasaé, nanasuju' massompa.” Kajajiyangngi iyaro nasaba Puwangnge pura piléi atan-Na; Allataala mapaccinna Israélié matinului lao ri jancin-Na.

YEREMIA 32:18

Muwappaitangngi pammasé-Mu iya mannennungengngé lao ri massebbu-sebbu tau, iyakiya Ikoto hukkungngi tauwé nasaba dosana tomatowanna. Iko Allataala iya marajaé sibawa poré; asem-Mu Puwang Iya Pommakuwasaé.

AWATINGENG 3:23

tuli barui tungke' esso tongeng, matinulu senna'i Puwangnge!

DANIEL 9:4

Uwakuiwi dosana sininna bangsaku lao ri Puwang Allataalaku. Adakku, “Puwang Allataala, marajaki, na Idi pakalebbiki. Tuli Murupaiwi assijancim-Mu sibawa mappaitangngi pammasé-Mu iya mannennungengngé lao ri mennang iya mamaséiyék-Ko sibawa pogau'i aga iya Muwapparéntangngé.

ABBILANGENG 14:18

‘Iyya, Puwang, dé' namasitta macai. Uwappaitangngi pammasé-Ku nenniya atinulurek-Ku sibawa maona. Uwaddampengengngi tau iya madosaé sibawa iya méwaékka. Namuni makkuwaro, asalanna tomatowaé Uwakkabalekengngi matu lao ri ana'-ana'na nenniya eppo-eppona, lettu ri wija-wijanna matellué sibawa maeppaé.’

ROMA 8:28

Taisseng makkedaé Allataala matoro'i sininna gau'é, angkanna napowassélé iya makessingngé untu' sining tau iya mamaséiyéngngi sibawa iya Naobbié situru rancana-Na.

1 KORINTUS 1:9

Weddingngi Allataala riyatepperi tonget-tongeng. Aléna ritu Allataala iya puraé mobbiko untu' mancaji séddi sibawa Ana'-Na, iyanaritu Yésus Kristus, Puwatta.

1 KORINTUS 10:3

Manré manengngi mennang nanré rohani iya padaé,

1 KORINTUS 8:3

Iyakiya tau iya tonget-tongengngé mamaséiwi Allataala, riissengngi ri Allataala.

2 KORINTUS 1:18

Nasibawang Allataala iya weddingngé riyatepperi, jancikku lao ri Saudara tenniya “Iyyé” sibawa “Dé'”.

ULANGENG 32:39

Itani, Iyya Allataala Iya Séuwaé, dé'gaga Allataala sangadinna Iyya. Paunoka sibawa mappatuwo, loi sibawa mappajjappa. Rékko tinda'ka, dé' muwi séddi tau mulléi méwa.

ULANGENG 32:4

Puwangnge Pangéwangemmu iya baranié, sukku winru-Na, sibawa adélé sininna lalen-Na. Matinulu Allataalaku, dé'gaga acéko-cékong ri Aléna, Napogau'i iya makessingngé sibawa tongengngé.

ULANGENG 4:35

Iya manennaro najellokekko Puwangnge untu' pabuttiwi makkedaé banna iyaro Puwangnge Allataala, sibawa dé'gaga laingngé.

ULANGENG 4:39

Rimakkuwannanaro amaingekini iyaé essoé sibawa aja' muwallupaiwi: Puwangnge alé-aléna Allataala ri langié sibawa ri linoé; dé'gaga laingngé.

ULANGENG 5:10

Iyakiya Uwappaitangngi pammasé-Ku lao ri massebbu-sebbu assossoreng polé risining tau iya pojiyékka sibawa turusiwi parénta-Ku.

1 TESALONIKA 5:24

Allataala, iya puraé mobbiko, pogau'i matu gau'éro sibawa matinului.

2 TESALONIKA 3:3

Iyakiya matinului Puwangngé. Napéwatangiko matu sibawa nalinrungiko polé ri Si Majaé.

2 TIMOTIUS 2:13

Rékko dé' tamatinulu, tette' Aléna matinulu, saba' dé' naulléi siéwa Aléna muto.”

TITUS 1:2

Iyaro pappagguruwangngé nallalengi mamménasa makkedaé tarimaki matu atuwong tongengngé sibawa mannennungengngé. Allataala pura majjanciyangngi iyaro atuwongngé riwettu dé'napa nappammula wettué – na Allataala dé' nakkullé mabbellé.

IBRANI 10:23

Sitinajaki makkatenning masse ri amménasang iya tangakuiyé, saba' weddingngi riyatepperi Allataala rupaiwi jancin-Na.

IBRANI 11:11

Nasaba mateppe'i, nawedding Abraham lolongeng wija-wijanna polé ri Sara, namuni Abraham macowa senna'ni, sibawa Sara paimeng manang. Mateppe'i Abraham makkedaé narupaiwi matu Allataala jancin-Na.

IBRANI 6:18

Iyaro duwaé passaleng dé' nawedding tappinra; dé' namakkullé mabbellé Allataala passalenna jancin-Na sibawa tanro-Na! Rimakkuwannanaro, idi iya mallinrungngénna ri Allataala, riwérékki dorongang masero untu' makkatenning masse ri paddennuwang iya mallebba'é ri yolota.

YAKOBUS 1:12

Masennangngi tau iya mattahangngé ri wettunna péneddingi paccobang. Saba' rékko naulléi mattahang ri laleng paccobangngé, natarimai matu sarona, iyanaritu atuwong iya puraé najjanciyang Allataala lao risining tau iya mamaséiyéngngi Allataala.

1 YOHANES 1:9

Iyakiya rékko tangakuiwi dosa-dosata lao ri Allataala, narupaiwi matu jancin-Na sibawa napogau'i aga iya adélé'é. Naddampengengngi dosa-dosata sibawa napépaccingiki polé ri sininna pangkauketta iya salaé.

HAKING-HAKING 2:1

Laoni malaéka'na Puwangnge ri Bokim polé ri Gilgal sibawa makkeda lao risining tau Israélié, “Purani Upassuko polé ri Maséré, sibawa tiwiko ri wanuwa iya puraé Ujanciyangngi néné-nénému. Pura Upowada towi, ‘Assitarong janci ri yelle'ta Iyya sibawa iko dé' Umaélo pettuiwi.

HAKING-HAKING 5:31

Tennapodo sining balim-Mu, oh Puwang, matéi pada-pada Siséra, iyakiya sininna sahaba'-Mu mattappai pada-pada mata essoé ri bitaraé! Purairo, amanni wanuwaéro patappulo taung ittana.