ULANGENG 7:8 - KITTA KAREBA MADECENG

⁸ Iyakiya Puwangnge piléko nasaba namaséiko sibawa macinnai rupaiwi janci iya Naébbué sibawa néné-nénému. Iyanaro saba'na purako Napassalama sibawa akuwasang iya battowaé sibawa paleppe'ko polé ri angatangenna arung Maséré.

ULANGENG 7:8 ပူးပေါင်းရင်းမြစ်များ

KAJAJIYANG 19:16

Bata-batani Lot. Iyakiya messéi Puwangnge lao ri aléna; rimakkuwannanaro iya duwa topoléna rénréngngi Lot sibawa bainéna enrengngé iya duwa ana'na massu ri kotaé.

KAJAJIYANG 19:29

Makkuwaniro, wettunna Allataala pabbinasai kota-kotaéro ri lompo naonroiyé Lot, maréngngerangngi Allataala lao ri Abraham nanatulungngi Lot lari.

2 SAMUEL 22:20

Napaleppe'ka polé ri abalaé sibawa passalama'ka nasaba Naélorika.

1 ARUNG-NGARUNG 10:9

Ripojiwi Puwangnge, Allataalana Puwang! Ri laleng naakkana Puwang mancaji arunna Israélié, nappaitangngi Puwangnge pékkugi sennanna lao ri Puwang. Dé' pura-purana mamaséiwi bangsa Israélié; iyanaro saba'na naakkai Puwang mancaji arunna mennang, kuwammengngi weddingngi Puwang patettongngi hukkungngé sibawa adélékengngé.”

1 TAWARIKH 16:16

Iyaro assijancingngé Naébbui sibawa Abraham, nainappa sibawa Ishak,

2 TAWARIKH 9:8

Ripojiwi Puwangnge, Allataalana Puwang! Ri laleng nakkana Puwang mancaji arung untu' mapparénta ri laleng asen-Na, nappaitangngi pékkugi sennanna lao ri Puwang. Nasaba namaséiwi umma Israélié sibawa napuwéloi kuwammengngi natette mennang engka, nanakkai Puwang mancaji arunna, kuwammengngi naulléi Puwang patettongngi hukkungngé sibawa adélékengngé.”

MAZMUR 105:42

Saba' naéngngerangngi Puwangnge jancin-Na lao ri Abraham, atan-Na.

MAZMUR 44:3

Iko muto paddésu'i bangsa-bangsaé kuwammengngi nattette umma'-Mu ri wanuwanna mennang. Mucilakaiwi bangsa-bangsa laingngé, iyakiya umma'-Mu Muleppessangngi mabbija-bija.

MAZMUR 44:4

Iyaro tanaé dé' nasittaiwi sibawa peddang; dé' nasibawangngi awatangeng riyaléna napakala mennang, iyakiya nasibawang akuwasang sibawa cahaya ahadérékem-Mu, saba' Muwéloriwi umma'-Mu.

ASSURENG 13:14

Rékko ri munri makkutanai ana'mu aga bettuwanna iya manennaro, harusu'ko baliwi makkuwaé, ‘Nasibawang akuwasang iya battowaé natiwiki Puwangnge massu polé ri wanuwa Maséré, onrotta ripowata.

ASSURENG 13:3

Makkedani Musa lao ri bangsa Israélié, “Iyaé essoé Puwangnge paleppe'ko sibawa akuwasan-Na iya battowaé, angkanna mulléi massu polé ri Maséré, onrommu ripowata. Rimakkuwannanaro, paréngngerangiwi iyaé essoé. Aja'na muwanré roti iya engkaé raginna.

ASSURENG 20:2

“Iyya'na Puwang Allataalamu iya tiwiékko massu polé ri Maséré onrommu ripowata.

ASSURENG 32:13

Engngerangngi ata-atam-Mu Abraham, Ishak sibawa Yakub. Engngerangngi makkedaé majjanci-Ko sibawa tanro untu' mpéréngngi mennang wija singngéga wéttowingngé ri langié, makkuwatoro sininna tana iya Muwajjanciyangngéro mancajiwi matu appunnangenna wija-wijanna mennang untu' mannennungeng.”

ASSURENG 6:6

Upancajiko matu umma'-Ku, na Iyya mancaji Allataalamu. Namuwissengngi matu makkedaé Iyya'naé Puwang, Allataalamu, iya paleppe'ékko polé ri angatangengngé ri Maséré.

YESAYA 43:4

Mangke'ko ri matak-Ku, Uwangke'ko sibawa Uwamaséiko; na-Uwabbéréyangngi tolinoé selaku passullému, bangsa-bangsaé selaku passuléna nyawamu.

YESAYA 63:9

Aléna paimeng nakenna asussanna mennang. Dé' nakiring Puwangnge suro iyaré'ga duta; Aléna ritu paleppe'i mennang nasaba pammasé sibawa paressé babuwa-Na. Tuli napiyarai mennang riyolopa nariyolo.

YEREMIA 31:3

Uwappaitangngi alé-Ku polé mabéla lao ri mennang. Eh umma Israélié, riyolopa natuli Uwamaséiko, na untu' matteru tette'i matu Uwappaitang makkedaé tuli Uwamaséiko.

YEHEZKIEL 36:22

Narimakkuwannanaro, palettu'i aga Iyya Puwang Iya Pommatanré upowada lao ri bangsa Israélié, ‘Aga iya maéloé Upogau' matti tenniya nasaba iko, éh sining tau Israélié, sangadinna nasaba asek-Ku iya mapaccingngé, iya puraé mucarépai kégi-kégiko lao.

MIKHA 6:4

Purano Utiwi massu polé ri Maséré, sibawa Upaleppe polé ri angatangengngé; purani Usuro Musa, Harun, sibawa Miryam untu' pimpikko.

MIKHA 7:20

Lao ri umma'-Mu, wijanna Abraham sibawa Yakub, Muwappaitangngi matu atinulurem-Mu sibawa pappojim-Mu iya dé'é gaga paggangkannaro pada-pada iya Muwajjanciyangngé lao ri toriyolota riyolo.

ZEFANYA 3:17

Rilinrungiko ri Puwang Allataalamu iya baranié. Pakalako nasaba akuwasan-Na. Marennui sibawa mariyo-riyoi Puwangnge nasaba iko, ri laleng pammasé-Na Nawérékko atuwong mabaru.

MALEAKHI 1:2

Makkedai Puwangnge lao ri umma'-Na, “Uwamaséiko.” Iyakiya mappébaliwi mennang, “Pékkugi Puwangnge mamaséiki?” Mappébaliwi Puwangnge, “Tenniyaga Esau kakana Yakub? Iyakiya Uwamaséiwi Yakub,

MATIUS 11:26

Iyanaro pésennangiwi atinna Ambo'.”

LUKAS 1:55

Dé' Nallupaiwi jancinna Puwangngé, namaséiwi Abraham sibawa wijanna lettu mannennungeng.”

ROMA 11:28

Nasaba tau Yahudié dé' namaélo tarimai Karéba Madécéng polé ri Allataala, mancajiwi mennang balinna Allataala; na mala iyaro mancajiwi amaupekeng lao ri Saudara-saudara iya tenniyaé Yahudi. Iyakiya nasaba pappiléna Allataala, na iyaro sining tau Yahudié tette'i riyamaséi ri Allataala nasaba néné-nénéna.

ULANGENG 1:8

Iyya, Puwang, pura majjanciyangngi sininna daéraéro lao ri toriyolomu Abraham, Ishak sibawa Yakub enrengngé wija-wijanna mennang. Jaji laono tudangiwi tanaéro.’ ”

ULANGENG 10:15

Iyakiya pammaséna Puwangnge lao ri toriyolomu makkuwamani rajanna, angkanna polé risininna bangsaé iko ritu Napilé, na muwi lettu makkekkuwangngé iko umma'-Na iya napilé.

ULANGENG 23:6

Gangka tuwomu sibawa lettu mannennungeng, aja' mutulungngi iyaro bangsa-bangsaé iyaré'ga mébbui mennang madécéng.

ULANGENG 33:3

Tongeng, namaséiwi Puwangnge bangsa-Na nalinrungiwi sininna tau iya mancajiyé appunnangen-Na. Laono mai tasuju' ri yolona ajé-Na sibawa turusiwi parénta-parénta-Na.

ULANGENG 4:20

Iyakiya iko iyanaritu bangsa iya ripassalama'é polé ri Maséré, onrommu manrasa-rasa sibawa masero. Natiwiko massu polé ri wanuwaéro, kuwammengngi mancajiwi bangsana muto pada-pada keadaammu makkekkuwangngéwé.

ULANGENG 4:34

Engkaga naengka séuwa déwata iya baraniyé malai séddié bangsa polé ri bangsa-bangsa iya engkaé nainappa napancaji mennang umma ri aléna, pada-pada iya napogau'é Puwang Allataalamu untu' iko ri Maséré? Alému mitai pékkugi Allataala sibawa awatangeng iya battowaé papolé abala sibawa musu, pogau'i sining anu makalallaingngé sibawa pogau'i gau'-gau' iya maseroé.

ULANGENG 4:37

Nasaba napojiwi toriyolomu, napurako napilé; nasibawang akuwasanna iya battowaé purano natiwi massu polé ri Maséré.

ULANGENG 5:6

Puwangnge mappallebbangengngi, ‘Iyya'na Puwang Allataalamu iya tiwiékko massu polé ri Maséré, onrommu ripowata.

1 YOHANES 4:19

Idi mamaséki, nasaba Allataala lebbi riyolo mamaséiki.

1 SAMUEL 12:22

Purai mattanro Puwangnge, makkedaé dé' namaélo salaiko nasaba purai Napettui untu' pancajiko umma'-Na.