ULANGENG 7:7 - KITTA KAREBA MADECENG

⁷ Napojiko sibawa napiléko Puwangnge, tenniya nasaba lebbi battowako naiya bangsa-bangsa laingngé; sitongenna iko iyanaritu bangsa iya kaminang baiccu'é ri tompo'na linoé.

ULANGENG 7:7 ပူးပေါင်းရင်းမြစ်များ

1 TAWARIKH 16:19

Riyolo umma'na Puwangnge tuwoi selaku tau laing kuwaro jumellana mennang céddé bawang.

MAZMUR 105:12

Riyolo tuwoi umma'na Allataala selaku tau laing kuwaro jumellana mennang céddé bawang.

MAZMUR 115:1

Tenniya idi, oh Puwang, tenniya idi, iyakiya Iko bawang harusu ripoji, saba' matinulu-Ko sibawa tette mamasé.

MAZMUR 44:3

Iko muto paddésu'i bangsa-bangsaé kuwammengngi nattette umma'-Mu ri wanuwanna mennang. Mucilakaiwi bangsa-bangsa laingngé, iyakiya umma'-Mu Muleppessangngi mabbija-bija.

YESAYA 51:2

Engngerangngi néné-nénému Abraham sibawa Sara; wettuk-Ku mobbii Abraham, dé' nappunnai ana'; nainappa Ubarakkaki sibawa Uwéréng wija-wijanna iya maégaé.

YESAYA 63:9

Aléna paimeng nakenna asussanna mennang. Dé' nakiring Puwangnge suro iyaré'ga duta; Aléna ritu paleppe'i mennang nasaba pammasé sibawa paressé babuwa-Na. Tuli napiyarai mennang riyolopa nariyolo.

YEHEZKIEL 20:5

Palettu'i aga iya Upowadaéwé. Purani Upilé Israélié sibawa mattanro untu' mennang. Ri Maséré, Uwappaissengengngi aléku lao ri mennang enrengngé makkeda, ‘Iyya'na Puwang Allataalamu.’

YEHEZKIEL 36:22

Narimakkuwannanaro, palettu'i aga Iyya Puwang Iya Pommatanré upowada lao ri bangsa Israélié, ‘Aga iya maéloé Upogau' matti tenniya nasaba iko, éh sining tau Israélié, sangadinna nasaba asek-Ku iya mapaccingngé, iya puraé mucarépai kégi-kégiko lao.

MATIUS 7:14

Iyakiya macipii sibawa mawatangngi tange' nenniya laleng iya tiwiéngngi tauwé ri atuwongngé. Na banna céddé tau iya lolongengngéngngi.”

LUKAS 12:32

“Iko iya céddé'mi jumellamu, aja' mumétau! Saba' masennang Ambo'mu mpérékko barakka polé ri Apparéntan-Na.

ROMA 11:6

Napiléi mennang situru pammasé-Na sibawa tenniya situru pangkaukenna mennang. Saba' rékko iyaro pappiléna Allataala siturui pangkaukenna tolinoé, tentu iyaro pammaséna Allataala tenniyana pammasé iya tongengngé.

ROMA 9:18

Jaji, maressé babuwai Allataala lao riséddié tau, rékko naéloriwi Allataala makkuwaro. Sibawa Allataala nassabariwi séddié tau nancaji matedde ati, rékko napuwéloi Allataala makkuwaro.

ROMA 9:21

Dé'ga na tau iya mébbuéngngi po' bungaéro mappunnai ha' jamai iyaro tana litaé siélo-élona atinna? Polé ri sitékké tana lita, iyaro tauwé mappunnai ha' mébbu duwanrupa po' bunga: séddi makessing, na iya laingngé makurang kessing.

ULANGENG 1:10

Puwang Allataalamu pura mébbui tattamba jumellana singngéga sining wéttowingngé ri langié.

ULANGENG 10:22

Wettunna néné-nénému lao ri Maséré, jumellana mennang banna pituppulo tau. Iyakiya Puwang Allataalamu pura mébbui jumellamu singngéga wéttowing-wéttowingngé ri langié.”

ULANGENG 14:2

Iko iyanaritu appunnangenna Puwang Allataalamu; polé ri sininna bangsa-bangsaé ri yasé'na linoé, iko iyanaritu iya napilé Allataala untu' mancaji umma'-Na.”

ULANGENG 4:37

Nasaba napojiwi toriyolomu, napurako napilé; nasibawang akuwasanna iya battowaé purano natiwi massu polé ri Maséré.

1 YOHANES 3:1

Itani pékkugi Allataala mamaséiki angkanna nangakuiki selaku ana'-ana'-Na. Mémeng idi iyanaritu Ana'-ana'na Allataala. Iyanaro saba'na lino iya majaéwé dé' naissekki, saba' linoéwé dé' naissengngi Allataala.

1 YOHANES 4:10

Iyanaé pammasé: Tenniya idi iya mamaséiyéngngi Allataala, iyakiya Allataala iya mamaséiyékki sibawa kiringngi Ana'-Na kuwammengngi naolai Aléna talolongeng addampengeng ri dosa-dosata.