ULANGENG 7:6 - KITTA KAREBA MADECENG

⁶ Pogau'i iya manennaro nasaba appunnangennako Puwang Allataalamu. Polé risininna bangsaé ri tompo'na linoé iko ritu napilé Puwang Allataalamu untu' mancaji umma'na iya dé'é padanna.

ULANGENG 7:6 ပူးပေါင်းရင်းမြစ်များ

1 ARUNG-NGARUNG 3:8

Engkaka ri tengnga-tengngana bangsa iya puraé Mupilé mancaji umma'-Mu. Mennang séuwa bangsa iya battowaé iya tenribilangngé jumellana.

EZRA 9:2

Tau worowané Yahudié kawingngi sibawa makkunrai bangsa laingngé, angkanna umma ripallaing appunnangenna Puwangnge dé'na natulénna. Mala iya kaminang riyoloé pogau'i iyaro iyanaritu sining tomariyoloé sibawa pajaba'na Israélié.

MAZMUR 114:2

napancajiwi Puwangnge Yéhuda onrong mapaccin-Na, Israél napancaji daéra akuwasan-Na.

MAZMUR 135:4

Napiléi Yakub untu' Aléna, umma Israélié napancajiwi appunnangen-Na.

MAZMUR 50:5

Adan-Na, “Paddeppungengngi sininna umma'-Ku iya puraé siyo assijancing sibawa Iyya, nenniya pakkasse'i sibawa akkarobangeng rigéré.”

ASSURENG 6:7

Utiwiko matu ri wanuwa iya Uwajjanciyangngé sibawa tanro lao ri Abraham, Ishak sibawa Yakub; iyaro tanaé Uwérékko mancaji appunnangeng ri alému. Iyya'na Puwang.”

YESAYA 41:8

Iyakiya iko, Israélié, atak-Ku, umma upilé-Ku, iko wijanna Abraham, sellao-Ku.

YESAYA 41:9

Purano Uwala polé ri cappa-cappa'na linoé, Uwobbi polé ri onrong-ngonrong iya kaminang mabélaé. Adak-Ku, ‘Iko ritu atak-Ku; dé' Usampéyangngi pappilé-Ku.’

YESAYA 6:13

Mala rékko ri yelle'na seppulo tau engka mupa iya monroé ri wanuwaéro, ripaccappu towi matu. Iyakiya pada-pada aju cikare'é rékko ritubbangngi engka mupa tona, makkuwatoro engka mupa matu nasésa polé ri bangsaéro iya mancajiyé pammulanna umma iya mapaccingngé.”

YESAYA 62:12

Riyasengngi matu mennang: ‘Umma mapaccing’; ‘Umma iya napassalama'é Puwangnge’. Riteppui matu Yérusalém ‘Kota iya ripalécé ri Puwangnge’, ‘Kota iya dé'énna risalaiwi ri Puwangnge’.

YEREMIA 2:3

Israél, iko appunnangek-Ku paribadi, buwa atik-Ku iya Usayangngé. Upatatteppai abalaé lao ri sininna iya mébbuékko manrasa-rasa, Iyya, Puwang, pura mabbicara.”

YEHEZKIEL 20:5

Palettu'i aga iya Upowadaéwé. Purani Upilé Israélié sibawa mattanro untu' mennang. Ri Maséré, Uwappaissengengngi aléku lao ri mennang enrengngé makkeda, ‘Iyya'na Puwang Allataalamu.’

ANGIMANGENG 20:24

Tana iya sugié sibawa macommo'éro purani Ujancingekko, jaji Uwérékko mancaji appunnangemmu. Iyya'na Puwang Allataalamu iya passarangngékko polé ri bangsa-bangsa laingngé.

ANGIMANGENG 20:26

Upallaikko polé ri bangsa-bangsa laingngé kuwammengngi mumancaji appunnangek-Ku. Harusu'ko mapaccing nasaba Iyya'na Puwang, namapaccikko.

AMOS 3:2

“Polé ri sininna bangsaé ri linoé, iko ritu alé-aléna bangsa iya Uwissengngé sibawa Ujampangiyé. Iyanaro saba'na nabattowa dosamu, sibawa pasti Uhukkukko.”

MALEAKHI 3:17

Makkedai Puwang Iya Pommakuwasaé, “Mancajiwi matu mennang umma'-Ku. Ri esso tinda'-Ku, mancajiwi matu mennang appunnangek-Ku Uwéloriyé. Uwamaséiwi matu mennang, pada-pada séddié ambo' méloriwi ana' iya mattumaniyé lao ri aléna.

RIWAYA'NA RASUL-RASUL-E 13:17

Allataalana bangsa Israélié pura piléi néné-nénéta, sibawa napancajinna bangsaéwé bangsa battowa wettunna mennang monro ri Maséré' selaku topolé-polé. Nainappa nasibawang akuwasanna Allataala iya battowaé tiwii mennang massu polé ri Maséré'.

ROMA 9:4

Mennang iyanaritu umma'-Na iya napilé sibawa Allataala pancajiwi mennang ana'-ana' ri Aléna, enrengngé pannessai akuwasan-Na lao ri mennang. Pakangkai assijancingeng sibawa mennang enrengngé mpéréngngi mennang hukkung-hukkung agama. Allataala paissengiwi lao ri mennang pékkugi mennang harusu' massompa sibawa pura toni mennang natarima janci-jancin-Na.

ULANGENG 14:2

Iko iyanaritu appunnangenna Puwang Allataalamu; polé ri sininna bangsa-bangsaé ri yasé'na linoé, iko iyanaritu iya napilé Allataala untu' mancaji umma'-Na.”

ULANGENG 14:21

Olokolo iya maté riyalé dé' nawedding muwanré, iyakiya wedding nanré tau laing iya monroé ri yelle'mu, iyaré'ga ribalu lao ri bangsa laingngé. Iko iyanaritu umma iya ripallaingngé untu' Puwang Allataalamu. Juku ana' bimbala iyaré'ga ana' bémbé'é dé' nawedding rinasu silaong uwai susunna indo'na.”

ULANGENG 26:18

Iyaé essoé natarimako Puwangnge selaku umma ri Aléna, pada-pada iya Najanciyangngékko, sibawa Naparéntakko untu' pogau'i sininna parénta-Na.

ULANGENG 26:19

Naébbuko matu Puwangnge lebbi battowa polé ri sininna bangsa laing iya puraé Napancaji, ripojiko matu sibawa ripakalebbi. Mancajiko umma'na Puwang Allataalamu pada-pada iya Najjanciyangngé.”

ULANGENG 28:9

Rékko muturusiwi Puwang Allataalamu sibawa pogau'i sininna parénta-Na, napancajiko matu umma'-Na, pada-pada iya Najjanciyangngé.

ULANGENG 33:3

Tongeng, namaséiwi Puwangnge bangsa-Na nalinrungiwi sininna tau iya mancajiyé appunnangen-Na. Laono mai tasuju' ri yolona ajé-Na sibawa turusiwi parénta-parénta-Na.

ULANGENG 4:20

Iyakiya iko iyanaritu bangsa iya ripassalama'é polé ri Maséré, onrommu manrasa-rasa sibawa masero. Natiwiko massu polé ri wanuwaéro, kuwammengngi mancajiwi bangsana muto pada-pada keadaammu makkekkuwangngéwé.

ULANGENG 4:37

Nasaba napojiwi toriyolomu, napurako napilé; nasibawang akuwasanna iya battowaé purano natiwi massu polé ri Maséré.

TITUS 2:14

Purani nakkarobangeng Aléna untu' idi untu' paleppe'ki polé ri sininna jaé, sibawa pancajiki séddi umma' iya leppe'é polé ri dosaé, iya mancajiyé appunnangen-Na bawang, enrengngé mapato pogau'i makessingngé.

1 PETRUS 2:9

Iyakiya iko iyanaritu bangsa iya ripilé, imang-ngimang iya tumaningiyéngngi Arungngé, bangsa iya mapaccingngé, banna untu' Allataala, umma'na muto Allataala. Allataala piléko sibawa mobbiko massu polé ri pettangngé untu' muttama ri laleng tajanna iya mattappaé, sibawa akkatta kuwammengngi muwappallebbangengngi biritta passalenna sining pangkaukenna iya dé'é padanna.

2 PETRUS 2:5

Makkuwatoro sibawa linoé ri wettu riyolo, dé' naleppessangngi Allataala leppe' polé ri pahukkungenna. Allataala kiring lémpe raja ri linona sining tau majaé ri wettuéro. Banna Nuh silaong pitu tau laing bawang ripassalama', nasaba Nuh patassiyai biritta passalenna iya naéloriyé ri atinna Allataala.

2 PETRUS 2:9

Jaji, naisseng Puwangngé pékkugi passalama'i sining tau iya turusiyéngngi élo-Na rékko moloiwi paccobang-paccobang. Sibawa naisseng Puwangngé pékkugi taroi sining tau iya majaé untu' risissa ri Esso Pangadilangngé,

1 SAMUEL 12:22

Purai mattanro Puwangnge, makkedaé dé' namaélo salaiko nasaba purai Napettui untu' pancajiko umma'-Na.