ULANGENG 7:18 - KITTA KAREBA MADECENG

¹⁸ Iyakiya aja' mumétau lao ri mennang; éngngerangngi aga napogau' Puwang Allataalamu lao ri arung Maséré sibawa sininna ra'ya'na.

ULANGENG 7:18 ပူးပေါင်းရင်းမြစ်များ

MAZMUR 105:5

Eh wijanna Abraham, atan-Na, sibawa wijanna Yakub, tau napilé-Na, éngngerangngi sininna anu makalallaing iya Napogau'é, aja' muwallupaiwi sining apettun-Na.

MAZMUR 77:11

Naumakkeda, “Iyanaé peddiriwi atikku, makkedaé Iya Pommatanré dé'na namakuwasana.”

MAZMUR 77:12

Maéloka méngngerangngi sining pangkaukem-Mu Puwang, makkatenningngi sining anu makalallaim-Mu wettu riyolo.

MAZMUR 78:11

Nallupaiwi mennang sining pangkauken-Na, sibawa sining anu makalallaing iya Nappaitangngé lao ri mennang.

ABBILANGENG 21:34

Makkedani Puwangnge lao ri Musa, “Aja' mumétau ri aléna. Maéloka mpérékko apakalang. Mucaui matu, sininna ra'ya'na sibawa wanuwanna. Gaukenni pada-pada pura mugaukengngéngngi Arung Sihon iya mapparéntaé ri Hésybon.”

ULANGENG 1:29

Iyakiya makkedaka: Aja' mumétau lao risining tauwéro.

ULANGENG 1:30

Puwang Allataalamu pimpikko matu sibawa mammusurekko pada-pada pura musabbingngé ri Maséré

ULANGENG 20:1

“Rékko laoko mammusu méwai sining balimmu, aja' mumétau mitai karéta musuna sibawa anyaranna mennang iya maégaé enrengngé tentarana mennang iya jumellanaé lebbi égai naiya jumellamu. Puwang Allataalamu paleppe'ko polé ri Maséré, makkuwatoro tulukko matu.

ULANGENG 3:6

Iya manenna kotaéro riyancuru'i, sibawa sininna tau worowané, makkunraié sibawa ana'-ana'na mennang riyunoi, pada-pada iya ripogau'é sibawa kota-kotana Arung Sihon polé ri Hésybon.

ULANGENG 31:5

Puwangnge mpérékko matu apakalang lao ri mennang, naharusu'ko gaukengngi pada-pada iya upowadangngékko.

ULANGENG 31:6

Sitinajako pakkasse'i atimmu sibawa barani! Aja' mumétau lao ri mennang, saba' Aléna Puwang Allataalamu maélo tulukko. Dé' Namaélo pakacéléko iyaré'ga salaiko.”

YOSUA 8:1

Makkedai Puwangnge lao ri Yosua, “Paddeppungenni sininna tentaramu, namulao sibawa mennang ri Ai. Aja' mumanenneng sibawa métau! Maélo-Ka mpérékko apakalang lao ri arung Ai. Ra'ya'na, kotana sibawa wanuwanna musittaiwi matu.

HAKING-HAKING 6:13

Nametté Gidéon, “Taddampengekka, puwang! Rékko tongengngi nasibawakki Puwangnge, magi nasininna gau'éwé nakennaki? Kégani sininna anu makalallaing iya puraé napogau' Puwangnge riyolo sibawa iya nacuritangengngéngngi néné-nénéta passalenna pékkugi Puwangnge passui mennang polé ri Maséré? Makkekkuwangngé nasalaini Puwangnge sibawa leppessakki rikuwasai risining tau Midiangngé.”