ULANGENG 7:16 - KITTA KAREBA MADECENG

¹⁶ Tungke' bangsa iya nabbéréyangngé Puwang Allataalamu ri laleng akuwasammu harusu'i mupabbinasa; aja' muwappaitang paressé babuwa lao ri mennang. Aja' musompai déwata-déwatana mennang, nasaba iyaro pangkaukengngé mappapoléi acilakang lao ri iko.

ULANGENG 7:16 ပူးပေါင်းရင်းမြစ်များ

MAZMUR 106:34

Bangsa-bangsa laingngé dé' mennang napaccappui, pada-pada iya napparéntangngé Puwangnge.

MAZMUR 106:36

Nainappa mennang massompa barahala-barahala, na iyanaro mancaji saba' aruttungenna mennang.

ASSURENG 23:33

Aja' muleppessangngi sining tauwéro monro ri wanuwammu, kuwammengngi aja' musompai déwata-déwatana mennang sibawa madosa lao ri Iyya. Rékko musompai déwata-déwatana mennang, sempé'ko ri laleng jebba'na amaténgngé.”

YEREMIA 21:7

Iko sibawa sining pegawémmu enrengngé sining tau iya leppe'é polé ri musué, alupurengngi sibawa nakennai sai, iya manenna Uleppessangngi ritikkeng ri Arung Nébukadnézar sibawa sining bali iya maéloé mpunoko. Nauno manekko matu Nébukadnézar temmaddampeng sibawa temmamasé. Iyya, Puwang, pura mabbicara.”

ABBILANGENG 33:55

Iyakiya rékko pabbanuwana iyaro wanuwaé dé' mupaddésu'i, sining tau iya monroé kuwaro nasussaiko matu pada-pada kessi'é ri matammu iyaré'ga dorié ri ajému. Mennang ritu matti musuriko.

1 KORINTUS 15:33

Aja' muribengnguwang! Assiwollompollongeng iya majaé nasolangi ampé-ampé iya makessingngé.

ULANGENG 13:8

aja' muwéngkalingai sibawa aja' muleppessangngi alému ripalécé ri aléna. Aja'to muwamaséiwi iyaré'ga linrungiwi tauwéro.

ULANGENG 13:9

Harusu'i rigenrung batu gangka maté. Iko harusu'i pammulaiwi genrungngi, naccowéri sininna ra'ya'é. Tau iya pasalaéro harusu'i riyuno, saba' maéloi pabélaiko polé ri Puwang Allataalamu iya paleppe'ékko polé ri angatangengngé ri Maséré.

ULANGENG 19:13

Aja' muwamaséiwi. Paleppe'i Israélié polé ri pabbunoéro, kuwammengngi musaléwangeng.”

ULANGENG 19:21

Aja' mukasiyang ri laleng parakara-parakara makkuwaéro rupanna. Pahukkungenna padaénna: Nyawa risulléi nyawa, mata risulléi mata, isi risulléi isi, lima risulléi lima sibawa ajé risulléi ajé.”

ULANGENG 25:12

rette'i limanna iyaro makkunraié sibawa aja' mukasiyangiwi.

ULANGENG 7:2

Rékko nabbéréyangngi Puwang Allataalamu iyaro bangsa-bangsaé ri laleng akuwasammu sibawa mucaui mennang, uno manengngi mennang. Aja' muwamaséiwi mennang iyaré'ga mébbu assijancing sibawa mennang.

ULANGENG 7:25

Tunui dato'-dato' barahala iya nasompaé mennang. Aja' muwacinnaiwi péra' iyaré'ga ulaweng iya maddeppéé ri aléna sibawa aja' muwalai untu' alému. Rékko muwajjalékkaiwi iyaro paréntaé matéko matu, saba' Puwang Allataalamu nabenci assompang dato'-dato' barahalaé.

YOSUA 11:20

Puwangnge mébbui mennang matedde ati untu' mammusu sibawa tau Israélié, kuwammengngi naripaccappu mennang, sibawa riyuno maneng temmaddampeng situru paréntana Puwangnge lao ri Musa.

HAKING-HAKING 2:3

Jaji, makkekkuwangngé éngkalingai! Dé' Umaélo paddésu'i sining taunna wanuwaéwé rékko mammusuko sibawa mennang. Mancajiwi matu mennang sining balimmu, nanapalaiko matu siyo-siyo, angkammu maccowé sompai déwata-déwatana mennang.”

HAKING-HAKING 3:6

Kawing sicampuru'ni umma Israélié sibawa bangsa-bangsaéro, sibawa maccowé sompai déwata-déwatana.

HAKING-HAKING 8:27

Polé ri ulawengngéro, mébbuni Gidéon séddi dato-dato barahala, nainappa nataro ri désana, iyanaritu ri Ofra. Sininna tau Israélié laoni kuwaro untu' sompai dato-dato barahalaéro, angkanna mennang dé'na najampangiwi Allataala. Na iyaro gau'é mancajiwi pada-pada siyo-siyoé lao ri Gidéon sibawa kaluwargana.