ULANGENG 7:1 - KITTA KAREBA MADECENG

¹ “Puwang Allataalamu tiwiko matu ri wanuwa iya maéloé muwonroi, sibawa maéga bangsa ripaddésu matu polé kuwaro. Ri yolona matammu Napaddésu'i matu pitu bangsa iya lebbi battowaé sibawa lebbi mawatangngé naiya iko, iyanaritu sining tau Hét-é, Girgasié, Amorié, Kanaangngé, Féris-é, Héwié sibawa Yébus-é.

ULANGENG 7:1 ပူးပေါင်းရင်းမြစ်များ

1 ARUNG-NGARUNG 16:31

Dé'topa nagenne ri aléna tuwo madosa pada-pada Arung Yérobéam, mala napubainéi Izebél ana'na Arung Etbaal polé ri Sidon, sibawa massompai lao ri Baal.

1 TAWARIKH 1:14

Kanaan iyanaritu toriyolona towi tau Yébusié, Amorié, Girgasié,

2 TAWARIKH 8:7

Sininna wija-wijanna bangsa Kanaan iya dé'é naulléi mpunoi gangka cappu tau Israélié wettunna mennang tudangiwi wanuwaéro, ripangarani ri Arung Salomo untu' majjama passa. Mennang iyanaritu tau Hét, Amori, Féris, Héwi sibawa Yébus. Lettu makkekkuwangngé mancaji ata mupi wija-wijanna mennang.

EZRA 9:1

Purana napogau' maneng iyaro, laoni siyagangngaré tomariyolona tau Israélié ri iyya. Nappaissengengngi mennang makkedaé ra'ya' Israélié, sibawa sining tau Léwié dé' napallaingngi aléna polé ri bangsa-bangsa iya monroé ri seddénaro, iyanaritu bangsa Amon, Moab, Maséré, Kanaan, Hét, Féris, Yébus sibawa Amori. Mala sining imangngé sibawa muwi sining tau Léwié pogau' towi makkuwaéro. Napogau' manengngi mennang pangkaukeng-pangkaukeng maja iya napogau'é bangsa-bangsaéro.

NEHEMIA 13:23

Iyaro wettué uwita towi makkedaé maéga tau Yahudi pura kawing sibawa sining makkunrai polé ri bangsa Asdod, Amon sibawa Moab.

MAZMUR 78:55

Ri yolona umma'-Na Napaddésu'i pabbanuwaé kuwaro Nainappa nattawa-tawang iyaro wanuwaé lao ri sininna suku bangsa Israélié, umma'-Na, angkanna naulléi mennang monroiwi kéma-kémana balié.

ASSURENG 15:7

Nasibawang arajam-Mu iya battowaé Mupaccappui sininna iya méwaék-Ko. Malluwa'i cai-Mu pada-pada apié, sibawa tunui mennang pada-pada daramé.

ASSURENG 23:28

Sininna balimmu Upakacauwi matu, na bangsa-bangsa Héwié, Kanaangngé sibawa Hét-é Urukkai polé ri yolomu kuwammengngi mulléi maju.

ASSURENG 23:32

Aja' muwébbu assijancing sibawa sining tauwéro iyaré'ga sibawa déwata-déwatana mennang.

ASSURENG 23:33

Aja' muleppessangngi sining tauwéro monro ri wanuwammu, kuwammengngi aja' musompai déwata-déwatana mennang sibawa madosa lao ri Iyya. Rékko musompai déwata-déwatana mennang, sempé'ko ri laleng jebba'na amaténgngé.”

ASSURENG 33:2

Usuroi matu séddi malaéka' untu' pimpikko. Upaddésu'i matu bangsa Kanaangngé, Amorié, Hét-é, Féris-é, Héwié sibawa Yébus-é.

ASSURENG 6:8

Iya manennaro pasenna Puwangnge napalettu'i Musa lao ri bangsa Israélié, iyakiya dé' namaélo mennang bati-batiwi Musa, nasaba angatangeng iya mabecco'éro pura mébbui mennang pettu paddennuwang.

ANGIMANGENG 14:34

sining peraturanna passalenna bola iya nakennaé atabukeng iya tattale'é. Iyaé sining peraturangngé ripatakkennai muttama'nana bangsa Israélié ri Kanaan, wanuwa iya nabbéréyangngé Puwangnge lao ri mennang.

ABBILANGENG 13:29

Tau Amalé'é monroi ri bagiyang yattanna wanuwaéro; tau Hét-é, Yébus-é sibawa Amorié monroi ri daéra mabbulu-bulué; na tau Kanaangngé monroiwi daéra mattuttung wiring tasi'é sibawa mattuttung wiwing Salo Yordan.”

ABBILANGENG 14:31

Purako makkeda makkedaé ana'-ana'mu ritawangngi matu. Iyakiya mennang ritu iya Utiwié matu ri wanuwa iya musampéyangngéro, na iyaro wanuwaé mancajiwi matu tana ancajingenna mennang.

RIWAYA'NA RASUL-RASUL-E 13:19

Pitu bangsa Napaccappu ri wanuwa Kanaan untu' bagé-bagéi iyaro wanuwaé lao ri bangsa Israélié kuwammengngi iyaro wanuwaé mancajiwi appunnangenna.

ULANGENG 11:29

Puramuna natiwi Puwang Allataalamu muttama ri wanuwa iya muwonroiyé matti, iyaro barakka'é harusu'i mupowada polé ri Bulu Gerizim sibawa iyaro tanroé polé ri Bulu Ebal. (

ULANGENG 20:1

“Rékko laoko mammusu méwai sining balimmu, aja' mumétau mitai karéta musuna sibawa anyaranna mennang iya maégaé enrengngé tentarana mennang iya jumellanaé lebbi égai naiya jumellamu. Puwang Allataalamu paleppe'ko polé ri Maséré, makkuwatoro tulukko matu.

ULANGENG 20:16

Iyakiya rékko iyaro kotaé engkai ri laleng daéra iya nabbéréyangngé Puwang Allataalamu lao ri iko, sininna pabbanuwana harusu'i riyuno.

ULANGENG 31:20

Maéloka tiwii mennang ri wanuwa iya sugié namacommo, pada-pada iya Uwajjanciyangngé ri néné-nénéna. Kuwaro tuwoi matu sibawa masennang nenniya lolongengngi sininna inanré iya napparelluwangngé. Iyakiya ri munri balé'i matu sibawa massompa déwata-déwata laing. Nasampéyakka matu mennang sibawa massakkarengngi assijancik-Ku,

ULANGENG 31:3

Aléna Puwang Allataalamu joppa matu ri yolomu sibawa paccappui bangsa-bangsa iya monroé kuwaro, angkanna muwulléi tudangiwi wanuwanna mennang. Yosua matu mancaji pamimpimmu, pada-pada napowadaé Puwangnge.

ULANGENG 4:38

Bangsa-bangsa iya lebbi battowaé sibawa lebbi watangngé napaddésu'i polé ri yolomu, untu' mantara'ko lao ri wanuwanna mennang iya nawéréngngékko, wanuwa iya makkekkuwangngé mancaji appunnangemmu.

ULANGENG 6:1

“Nasuroka Puwang Allataalamu mappagguruwangngi sininna hukkungngéwé lao ri iko kuwammengngi mupogau'i ri wanuwa iya dé'énna namaitta namuwonroiwi.

ULANGENG 6:10

“Majjanciwi Puwang Allataalamu lao ri néné-nénému Abraham, Ishak sibawa Yakub makkedaé maéloi mabbéréyangngi iyaro wanuwaé lao ri iko. Battowa kota-kotana sibawa macommo, natenniya iko patettongngi.

ULANGENG 6:19

namupaddésu'i matu sining balimmu pada-pada iya najjanciyangngé Puwangnge.

ULANGENG 6:23

Napaleppe'ki polé ri Maséré untu' tiwiki lao kuwaé, sibawa iyaé tanaé Nawérékki pada-pada iya Najanciyangngéngngi néné-nénéta.

ULANGENG 9:1

“Engkalingai Saudara-saudara! Iyaé essoé muwalléttoiwi Salo Yordan untu' tudangiwi daérana bangsa-bangsa iya lebbi battowaé sibawa lebbi mawatangngé naiya iko. Kota-kotana mennang battowai sibawa témbo'-témbo' iya maccaloli'é sittanré langié.

ULANGENG 9:3

Iyakiya makkekkuwangngé, alému matu sabbingngi pékkugi Puwang Allataalamu joppa ri yolomu pada-pada api iya paangurengngé. Nacaui matu mennang ri yolona matammu, angkanna mulléi paddésu'i sibawa paccappui mennang sibawa masitta pada-pada iya najjanciyangngé Puwangnge.

ULANGENG 9:4

Puranana napaddésukekko Puwang Allataalamu, aja' muwasengngi makkedaé natiwiko kuwaro untu' mappunnaiwi tanaéro nasaba makessikko sibawa pogau'i élona Puwang Allataalamu angkanna sitinaja tarimai. Dé' sises-siseng! Napaddésu'i Puwangnge bangsa-bangsaéro untu' iko nasaba majai mennang. Naleppessakko Puwangnge malai tanana mennang, nasaba macinnai rupaiwi jancin-Na lao ri néné-nénému Abraham, Ishak sibawa Yakub.

YOSUA 11:3

Suro towi tau lao ri tau Kanaangngé ri bagiyang yajang sibawa alauna Yordan, ri tau Amorié, Hét-é, Féris-é, sibawa tau Yébus-é, ri daéra bulué, enrengngé tau Héwié ri pong Bulu Hérmon ri daéra Mizpa.

YOSUA 24:11

Nainappa muwalléttoi Salo Yordan, sibawa lettu ri Yérikho. Namusuko sining tau Yérikhoé, makkuwatoro tau Amorié, tau Féris-é, Kanaangngé, Hét-é, Girgasié, Héwié sibawa tau Yébus-é. Iyakiya Uwérékko apakalang lao ri sininna mennang.

YOSUA 3:10

Rékko malluruko matti, pasti Puwangnge paddésu'i tau Kanaangngé, Hét-é, Héwié, Féris-é, Girgasié, Amorié sibawa Yébus-é. Na wettunna Petti Assijancinna Puwang sininna alangngé malléttoiwi Yordan poddiyoloiko, muwitai matu makkedaé Allataala iya tuwoé engkai ri tengnga-tengngamu.